| e-texts navigator |
| Wylie |
194b1 ཁྱེའུ་དེ་ལ་བུ་མོ་བྱིན་ནོ་ཞེས་བྱ་བ་ནས། ཞིང་པ་དེས་ཆུང་མའི་ཚིག་མཉན་ནས་ཡང་མ་བྱིན་ནོ་ཞེས་བྱ་བའི་བར་རོ།། དེས་དེའི་གླང་དེ་དག་བརྡེགས་པ་ལས་གླང་དེ་གཉིས་ཀྱིས་ཁྱེའུ་དེ་ལ་དྲིས་པ་དང་། དེས་ཀྱང་སྨྲས་སོ།། དེ་ན་དེ་དག་ལས་གླང་གཉིས་ཤིག་གིས་རྒྱལ
194b2 པོའི་ཕོ་བྲང་དུ་སོང་ཤིག་དང་། ཁོ་བོ་ཅག་གིས་དཔང་བྱའོ་ཞེས་བྱ་བ་ནས། དེས་ཡང་དང་ཡང་དུ་རྭ་ཆག་མཇུག་རྡུམ། ཞར་བ་ཞེས་ཀུན་དུ་སྨྲས་པ་གཅིག་ཅིག་ཡོད་པ་དེ་མ་བཏུབ་པོ་ཞེས་བྱ་བའི་བར་དང་། རྒྱལ་པོ་འཁོར་དང་བཅས་པའི་ཞེས་བྱ་བ་ནས། མོན་སྲན
194b3 གྲེའུའི་ཞིང་ཕུན་སུམ་ཚོགས་པ་ལ་ཉི་མ་བདུན་དུ་མ་གཟན་པར་སྐྱེ་ཡང་ཅུང་ཟད་ཀྱང་མ་ཟོས་སོ་ཞེས་བྱ་བའི་བར་རོ། ། དགེ་སློང་མ་དག་རེ་ཞིག་དུད་འགྲོའི་སྐྱེ་གནས་སུ་སོང་བའི་སྲོག་ཆགས་དེ་དག་ཀྱང་མིའི་སྐྱོན་ནས་སྨྲ་བས་ཀུན་དུ་སྤྱོད་པ་ན་གནོད་པར་བྱ་བར་སེམས་པར་བྱེད་ན
194b4 མིར་གྱུར་པ་རྣམས་ལྟ་སྨོས་ཀྱང་ཅི་དགོས་ཞེས་བྱ་བ་ནས། སྔོན་གྱི་སྦྱོར་བ་འདི་རྒྱས་པར་བརྗོད་པར་བྱའོ།། ཡང་བཅོམ་ལྡན་འདས་ཀྱིས་དགེ་སློང་མ་རྣམས་ལ་བཀའ་སྩལ་པ། དགེ་སློང་མ་དག་སྔོན་བྱུང་བ་འདས་པ་ན་ཤིང་རྟས་སྤྱོད་པའི་མི་ཞིག་ལ་དགའ་བྱེད་མ་དང་། ས
194b5 རི་མོ་ཞེས་བྱ་བའི་བ་བཞོན་གཉིས་ཤིག་ཡོད་པ་ལས་ཞེས་བྱ་བ་ནས། བེའུ་གཉིས་ཡོད་པའི་བར་རོ།། དེ་གཉིས་འཐབ་པ་ལས་གཅིག་གི་ནི་རྭ་ནི་ཆག་པར་གྱུར་ཏོ།། ཅིག་ཤོས་ནི་གདེངས་པར་གྱུར་ནས་དེས་རུ་རྡུམ་དང་། རུ་འདི་ལ་ཞེས་བྱ་བའི་བར་རོ།། ཤིང་རྟས་སྤྱོད
194b6 པས་འདྲེན་པ་ན་ཞེས་བྱ་བ་ནས་སྐུགས་ཡལ་ལོ་ཞེས་བྱ་བའི་བར་རོ། ། དགའ་བྱེད་དང་། ས་རི་ཞེས་སྨྲས་ནས་ཞེས་བྱ་བ་ནས། ཉིས་འགྱུར་ཐོབ་བོ་ཞེས་བྱ་བའི་བར་དང་། ཚིགས་སུ་བཅད་པས་སྨྲས་པ། གང་ཚེ་ལམ་ནི་ཆེས་དམའ་ལ།། གང་ཚེ་ཁལ་ནི་ཆེས་ལྕི་བ།། དེ
194b7 ཚེ་ཁལ་དག་ཁྱེར་བྱེད་ཅིང་། ། དེ་ཚེ་སྣ་ལ་འདྲེན་པར་བྱེད།། ཡིད་དུ་འོང་བ་སྨྲས་པ་ན།། ཁུར་ལྕི་བ་ཡང་སྒྲོལ་བར་བྱེད།། ཅེས་བྱ་བའི་བར་དུའོ།། དུད་འགྲོའི་སྐྱེ་གནས་སུ་སོང་བའི་སྲོག་ཆགས་དག་ཀྱང་མིའི་སྐྱོན་ནས་སྨྲས་པ་ན་གནོད་པར་བྱ་བར་སེམས་པར་བྱེད་ན་མིར
iiif viewer powered by OpenSeadragon
