| e-texts navigator |
| Wylie |
190b1 དུ་སྨྲ་བ་སྦོམ་པོར་འགྱུར་བ་གང་ཞེ་ན། འདི་ལྟ་སྟེ། ཡང་དགེ་སློང་མས་ཆེད་དུ་བསམས་ཏེ་དགེ་འདུན་གྱི་ནང་དུ་ཆོས་མ་ཡིན་པ་ལ་ཆོས་དང་། ཆོས་ལ་ཆོས་མ་ཡིན་པ་དང་། འདུལ་བ་མ་ཡིན་པ་ལ་འདུལ་བ་དང་། འདུལ་བ་ལ་འདུལ་བ་མ་ཡིན་པར་སྟོན་པ་སྟེ།
190b2 འདི་ནི་དུ་སྨྲ་བ་སྦོམ་པོར་འགྱུར་བ་ཡིན་ནོ།། དུ་སྨྲ་བ་ལྟུང་བྱེད་དུ་འགྱུར་བ་གང་ཞེ་ན། འདི་ལྟ་སྟེ། ཡང་དགེ་སློང་མ་བཅུ་གཉིས་སྡེ་རྣམས་ཀྱིས་ཤེས་བཞིན་དུ་སྨྲ་བས་མཐོ་འཚམ་པར་བྱེད་པ་སྟེ། འདི་ནི་དུ་སྨྲ་བ་ལྟུང་བྱེད་དུ་འགྱུར་བ་ཡིན
190b3 ནོ། ། སྨྲ་བ་ཉེས་བྱས་སུ་འགྱུར་བ་གང་ཞེ་ན། འདི་ལྟ་སྟེ། ཡང་དགེ་སློང་མས་གསོ་སྦྱོང་ལྔ་པ་དེ་ཉིད་ལ་སོ་སོ་ཐར་པའི་མདོ་འདོན་པས་ཅི་འདི་ནི་ཡོངས་སུ་དག་གམ་ཞེས་དྲིས་པ་ན་དེ་ཡོངས་སུ་མ་དག་བཞིན་དུ་ཅང་མི་སྨྲ་བས་དང་དུ་ལེན་པ་སྟེ། འདི་ནི་དུ
190b4 སྨྲ་བ་ཉེས་བྱས་སུ་འགྱུར་བ་ཡིན་ཏེ། དེ་ལ་རྣམ་པ་བཞི་མ་གཏོགས་པ་དེ་ལས་གཞན་པའི་གང་ཡིན་པ་དེ་ཐམས་ཅད་དོ།། ལྟུང་བྱེད་དོ་ཞེས་བྱ་བ་ནི་དམྱལ་བ་དང་། དུད་འགྲོ་དང་། དང་། ངན་སོང་ངན་འགྲོ་ལོག་པར་ལྟུང་བ་རྣམས་སུ་སྲེག་པར
190b5 བྱེད། འཚེད་པར་བྱེད། ལྟུང་བར་བྱེད་པའོ།། དེ་ལ་ལྟུང་བར་ཇི་ལྟར་འགྱུར་ཞེ་ན།། །། བར་སྡོམ་ནི། མ་བརྗེད་པ་དང་ཡིད་གཉིས་དང་།། འདུ་ཤེས་མུ་བཞིར་སྦྱར་བའོ།། འདིས་མ་མཐོང་བ་དང་། མ་ཐོས་པ་དང་། མ་རྟོགས་པ་དང་། རྣམ་པར་མི
190b6 ཤེས་ལ། དེས་འདུ་ཤེས་དང་། བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་ངས་མཐོང་ངོ་ཐོས་སོ།། རྟོགས་སོ།། རྣམ་པར་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ།། མཐོང་ལ་བརྗེད་ཅིང
190b7 བདག་གིས་ཐོས་པ་དང་། རྟོགས་པ་དང་། རྣམ་པར་ཤེས་ལ་བརྗེད་ནས་དེས་འདུ་ཤེས་དང་། བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ནས་འདི་སྐད་ཅེས་ངས་མཐོང་སྟེ་མ་བརྗེད་དོ།། ཐོས་རྟོགས། རྣམ་པར་ཤེས་ཏེ་མ་བརྗེད
iiif viewer powered by OpenSeadragon
