| e-texts navigator |
| Wylie |
189a1 བཅོམ་ལྡན་འདས་ཀྱིས་སྨད་པར་མཛད་དེ། དགེ་སློང་མ་དག་བུད་མེད་ནི་ལེགས་པར་སྦས་ཀྱང་མཛེས་པ་མ་ཡིན་ན། མ་སྦས་ན་ལྟ་སྨོས་ཀྱང་ཅི་དགོས་ཞེས་རྣམ་གྲངས་དུ་མས་རྣམ་པར་སྨད་ནས་དགེ་སློང་མ་རྣམས་ལ་བཀའ་སྩལ་པ། དགེ་སློང
189a2 མ་དག་ངས་ཕན་ཡོན་བཅུ་ཡང་དག་པར་རྗེས་སུ་གཟིགས་ནས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དེ། འདི་ལྟ་སྟེ། དགེ་འདུན་ཡང་དག་པར་བསྡུ་བའི་ཕྱིར་དང་། ཞེས་བྱ་བ་ནས་ལྷ་དང་མིའི་བར་ལ་ཡང་དག་པར་ལེགས་པར་རབ་ཏུ་བཤད
189a3 པར་འགྱུར་བའི་བར་རོ། ། ཡང་ངའི་ཉན་ཐོས་མ་རྣམས་ཀྱིས་འདུལ་བ་ལ་བསླབ་པའི་གཞི་འདི་སྐད་ཅེས་གདོན་པར་བྱ་སྟེ། ཡང་དགེ་སློང་མ་གང་ཡང་ལ་རིན་ཆེ་བའི་གོས་གྱོན་ན་སྤང་བའི་ལྟུང་བྱེད་དོ།། ཡང་དགེ་སློང་མ་གང་ཞེས་བྱ་བ་ནི་གཙུག་དགའ་མོའོ།།
189a4 གོས་ཡང་ལ་ཞེས་བྱ་བ་ནི་སེང་རས་སོ།། རིན་ཆེ་བ་ཞེས་བྱ་བ་ནི་ཀཱར་ཥཱ་པ་ཎ་ཉི་ཤུ་རི་བའམ། ཀཱར་ཥཱ་པ་ཎ་ཉི་ཤུ་རྩ་ལྔ་རི་བའོ།། སྤང་བའི་ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་སེང་རས་གྱོན་ན་སྤང་བའི
189a5 ལྟུང་བྱེད་དོ། ། སྣ་ཚོགས་སུ་བཀྲ་བ་གྱོན་ནམ། སྲབ་མོ་གྱོན་ན་ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ།། ལས་དང་པོ་པ་ལ་སོགས་པ་ལ་ནི་ལྟུང་བ་མེད་དོ།། སྤང་བའི་ལྟུང་བྱེད་སུམ་བཅུ་གསུམ་པ་རྫོགས་སོ།། དགེ་སློང་མའི་འདུལ་བ་རྣམ་པར་འབྱེད
189a6 པ་ལས་སྤང་བའི་ལྟུང་བྱེད་རྣམས་རྫོགས་། ། །། དགེ་སློང་མའི་འདུལ་བ་རྣམ་པར་འབྱེད་པ། བམ་པོ་ལྔ་པ། ད་ནི་ལྟུང་བྱེད་རྣམས་སྨྲ་བར་བྱ་སྟེ། བསྡུས་པའི་སྡོམ་ནི། ཤེས་བཞིན་དང་ནི་ས་བོན་དང་།། དེ་བཞིན་ཁུར་བ་ཉིད་དང་ནི།།
189a7 ཐལ་མོ་རྡེབས་དང་ཆེད་བསམས་དང་།། རྐུན་མ་བང་ཆེན་ཉིད་དང་ངོ་།། སྡོམ་ནི། ཤེས་བཞིན་དང་ནི་སྐྱོན་ནས་འདྲུ།། ཕྲ་མ་དང་ནི་སྐྱོ་སྔོགས་དང་།། སྐྱེས་པ་ལ་སྟོན་ཆོས་དང་ནི།། ཡིད་འོང་བསླབ་པ་ཁྱད་གསོད་པའོ།། སངས་རྒྱས་བཅོམ་ལྡན་འདས
iiif viewer powered by OpenSeadragon
