| e-texts navigator |
| Wylie |
184b1 གྱི་ཐུམ་པོ་ཆིངས་ཤིག། ཇི་ཙམ་ན་འཆིང་བ་ལ་ཞུགས་པ་དང་། དེས་ཀྱང་འདི་སྐད་ཅེས་སྨྲས་སོ།། མ་ཡིན་མ་ཡིན་པི་པི་ལིང་གི་ཐུམ་པོ་ཆིངས་ཤིག། མ་ཡིན་མ་ཡིན་ན་ལེ་ཤམ་གྱི་ཐུམ་པོ་ཆིངས་ཤིག། བུད་མེད་ནི་བརྗེད་ངས་པ་ཡིན་པས་བུ་རམ་གྱི་ཐུམ་པོ
184b2 ཆིངས་ཤིག། མ་ཡིན་མ་ཡིན་ཤ་ཁ་རའི་ཐུམ་པོ་ཆིངས་ཤིག། མ་ཡིན་མ་ཡིན་བཙག་ཡུག་སྣམ་གྱི་ཐུམ་པོ་ཆིངས་ཤིག། གང་གི་ཚེ་དེ་གཞན་འགྲོལ་ཞིང་གཞན་འཆིང་བ་དེའི་ཚེ་སྤོས་འཚོང་གི་ཁྱེའུ་ཁྲོས་ནས་ཐུམ་པོ་དེ་བརྡབས་སོ།། བརྡབས་ནས་འདི་སྐད་ཅེས
184b3 མགོ་རེག་མོ་ངན་པ་ཞེས་སྨྲས་སོ། ། དེ་ལ་ཕྱི་བཞིན་འབྲང་བའི་དགེ་སློང་མས་སྨྲས་པ། ཁྱོད་ནུས་པ་འདིས་སྡེ་སྣོད་གསུམ་པོ་དག་ལེགས་པར་སྟོན་ནམ། དེས་བླུན་མོ་ཁོ་མོ་བརྗེད་སྙམ་མམ། དེ་ལྟ་མོད་ཀྱི་ཁོ་མོ་ཚིག་ཙམ་རང་གིར་བྱེད་དོ།། དེས་འདི་སྐད
184b4 ཅེས་སྨྲས་སོ། ། ཁྱོད་འདོད་ཆགས་ཀྱིས་བརྡེགས་ན་མི་འགས་ཤིང་། ཤིང་ཞུགས་ཇི་ལྟ་བ་བཞིན་དུ་མི་འབར་བ་ངོ་མཚར་ཆེའོ་ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ།།
184b5 བཅོམ་ལྡན་འདས་ཀྱིས་བཀའ་སྩལ་པ། ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཐུམ་པོ་བཅིངས་ཤིང་། བཅིངས་ཤིང་ཡང་དང་ཡང་དུ་འགྲོལ་དུ་འཇུག་ན་སྤང་བའི་ལྟུང་བྱེད་དོ།། ཡང་དགེ་སློང་མ་གང་ཞེས་བྱ་བ་ནི་སྦོམ་དགའ
184b6 མོའོ། ། ཐུམ་པོ་བཅིངས་ཤིང་བཅིངས་ཤིང་ཞེས་བྱ་བ་ནི་ཟོང་ངོ་།། ཡང་དང་ཡང་དུ་འགྲོལ་དུ་འཇུག་ན་ཞེས་བྱ་བ་ནི་གཞན་དང་གཞན་ནོ།། སྤང་བའི་ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང
184b7 ཟད་ཆགས་པས་ཐུམ་པོ་བཅིངས་ཤིང་བཅིངས་ཤིང་འགྲོལ་དུ་འཇུག་ན་ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། ། སྤང་བའི་ལྟུང་བྱེད་ཉི་ཤུ་དྲུག་པ་རྫོགས་།། །། གླེང་གཞི་ནི་མཉན་ཡོད་ནའོ།། དེ་ནས་སྦོམ་དགའ་མོ་སྔ་དྲོ་ཤམ་ཐབས་བགོས
iiif viewer powered by OpenSeadragon
