| e-texts navigator |
| Wylie |
183a1 ལག་པས་མ་རེག་ཅིག། དེས་མགོ་རེག་མོ་ངན་པ་མོ་ཞེས་སྨྲས་ནས། དེས་དེ་ལ་ཁུ་ཚུར་གྱིས་བསྣུན་ནས་ཁ་ནས་ཁྲག་བྱུང་བྱུང་དུ་ཏེ་པོར་བརྡེགས་སོ།། དེ་ཡང་མིག་ཕུགས་སྐྲངས་ཤིང་དབྱར་ཁང་དུ་འོངས་པ་དང་། དགེ་སློང་མ་དེ་རྣམས་ཀྱིས
183a2 དྲིས་པ། འཕགས་མ་འདི་ཅི་ནོངས། དེ་ཁྲོས་ནས་འདི་སྐད་ཅེས་ཁྱེད་ཅག་ཕ་རོལ་མི་བདེ་བས་སྙིང་ཚིམ་མམ་ཞེས་སྨྲས་ནས། གཏམ་དེ་ཡང་དགེ་སློང་མ་རྣམས་ལ་རྒྱས་པར་སྨྲས་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་ཞེས་བྱ་བ
183a3 ནས། བཅོམ་ལྡན་འདས་ལ་གསོལ་ཏོ་ཞེས་བྱ་བའི་བར་རོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་མངོན་མཚན་ཅན་སློང་ན་སྤང་བའི་ལྟུང་བྱེད་དོ།། ཡང་དགེ་སློང
183a4 མ་གང་ཞེས་བྱ་བ་ནི་སྦོམ་དགའ་མོའམ། གཞན་ཡང་དེ་ལྟ་བུ་དང་མཐུན་པའོ།། མངོན་མཚན་ཅན་སློང་ན་ཞེས་བྱ་བ་ནི་གསེར་རམ་དངུལ་ལོ།། སྤང་བའི་ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། ཡང
183a5 དགེ་སློང་མ་གང་རང་གི་དོན་དུ་མངོན་མཚན་ཅན་སློང་ན་སྤང་བའི་ལྟུང་བྱེད་དོ། ། གསེར་སློང་ན་སྤང་བའི་ལྟུང་བྱེད་དོ།། གང་ཡང་དགེ་སློང་མས་ཅི་ཡང་རུང་བ་མ་ཡིན་པ་སློང་ན་དེ་ཡང་སྤང་བའི་ལྟུང་བྱེད་དོ།། སྤང་བའི་ལྟུང་བྱེད་ཉི་ཤུ་བཞི་པ་རྫོགས་།། །།
183a6 སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་མཉན་ཡོད་ན་སྦོམ་དགའ་མོ་ཁྱིམ་བདག་གི་ཆུང་མ་རབ་ཏུ་མང་པོ་ལ་ཆོས་སྙན་པ་སྙན་པ་དག་སྟོན་ཏོ།། དེའི་ཚེ་སྦོམ་དགའ་མོའི་ཆོས་གོས
183a7 ལྔ་ནི་རྙིངས། སྣམ་སྦྱར་ནི་དེངས་པ་དང་། དེ་ལ་ཁྱིམ་བདག་གི་ཆུང་མ་དེ་རྣམས་ཀྱིས་སྨྲས་པ། འཕགས་མ་ཁྱོད་གལ་ཏེ་འདི་འདྲ་བའི་ཆོས་འཆད་མཁྱེན་ན་ཁྱོད་ཅིའི་སླད་དུ་ཆོས་གོས་རྙིང་པ་ལྔས་འཁྱམ་པར་མཛད། དེས་འདི་སྐད་ཅེས་སྨྲས་སོ།། ཅི་ཁོ་མོ་ལ
iiif viewer powered by OpenSeadragon
