| e-texts navigator |
| Wylie |
182b1 དངོས་པོ་གཞན་རྙེད་དང་། ། གནས་མལ་དང་ནི་དབྱར་ཁང་དང་།། སྐྱེ་བོ་མང་པོའི་ཕྱིར་རྙེད་དང་།། དགེ་འདུན་ཆེད་དུ་སློང་བ་དང་།། ལྕི་ལ་རིན་ཐང་ཆེ་བ་དང་།། ཡང་བ་དེ་ནི་ཐ་མ་ཡིན།། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ
182b2 མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་མཉན་ཡོད་ན་གསེར་མགར་ཞིག་ཡོད་པ་དེས་རིགས་མཉམ་པ་ལས་ཆུང་མ་བླངས་སོ།། དེ་ནས་དེ་ཁུ་འཕྲིགས་ཅན་ཞིག་པས་ཆུང་མ་སར་པ་དེ་བགམ་པར་འདོད་ནས་གསེར་གྱི་རྣ་གདུབ་ཅིག་བཞག་སྟེ
182b3 དབེན་པར་བསྡད་དོ། ། དེ་ནས་སྦོམ་དགའ་མོ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་བླངས་ཏེ་གསེར་མགར་གྱི་ཁྱིམ་གང་ན་བ་དེར་སོང་ནས་ཕྱིན་པ་དང་། བག་མ་སར་པ་དེ་ལ་ནད་མེད་པར་གྱུར་ཅིག་ཅེས་བྱས་ནས་འདི་སྐད་ཅེས་སྨྲས་སོ།། མཚན
182b4 མ་བསོད་སྙོམས་བྱིན་ཅིག། དེས་ཟས་ཕྱེ་ཞིག་ཕྱུང་བ་དང་། དེས་ཟས་ཕྱེ་དེ་མཐོང་ནས་འདི་སྐད་ཅེས་ཁོ་བོ་ཁྱོད་ལས་ཐོག་མར་ཟས་ཕྱེ་ལེན་པ་ནི་མི་བཟང་སྟེ། མི་ཤེས་ཀྱིས་གསེར་གྱི་རྣ་གདུབ་དེ་བསྟན་ནས་འོ་ནི་བྱིན་ཅིག་ཅེས་སྨྲས་པ་དང་། དེས་སྣོམས་ཤིག
182b5 ཅེས་ཀྱང་མ་སྨྲས། མ་བསྣམས་ཤིག་ཅེས་ཀྱང་མ་སྨྲས་པ་ལས་དེས་དེ་བླངས་ཏེ་དོང་ངོ་།། དེ་ནས་མི་དེས་གསེར་གྱི་རྣ་གདུབ་དེ་མ་མཐོང་ངོ་།། མ་མཐོང་ནས་བག་སར་དེ་ལ་བརྡེག་པར་ཞུགས་པ་དང་། གཡས་གཡོན་འཁོད་པ་དག་གིས་འདི་སྐད་ཅེས་ཁྱོད་གནོང
182b6 མེད་ཅིང་མ་ཉེས་པ་འདི་ལ་དབྱུག་པས་རྡེག་གམ། ཅི་གསེར་གྱི་རྣ་གདུབ་ནི་དགེ་སློང་མ་ཕ་བིས་ཁྱེར་ཏེ་སོང་ངོ་ཞེས་སྨྲས་པ་དང་། དེ་ནས་གསེར་མགར་གྱིས་སྦོམ་དགའ་མོ་གང་ན་བ་དེར་བརྒྱུགས་པ་ལས། དེ་ཡང་སྐྱེས་པ་དང་བུད་མེད་ཀྱི་རྐང་པའི་སྒྲ་ལ་མཁས་པ
182b7 ཡིན་པས། དེས་འཕྲིགས་ནས་གསེར་གྱི་རྣ་གདུབ་ཁར་བཅུག་གོ།། ཇི་ཙམ་ན་མི་དེ་ཉེ་བ་དང་། མི་དེ་ལ་སྦོམ་དགའ་མོས་འདི་སྐད་ཅེས་སྨྲས་སོ།། བུ་ཟན་མོའི་བུ་ཁོ་མོ་ཅག་རྒྱལ་པོས་བཙུན་མོའི་ཐབས་གནང་བར་ཁྱོད་ཀྱིས་མི་ཤེས་སམ། ཁོ་མོ་ལ
iiif viewer powered by OpenSeadragon
