| e-texts navigator |
| Wylie |
179a1 ཤོས་ལ་སྒྱུར་བར་བྱེད་ན་ཡང་ཉེས་བྱས་སོ། ། གལ་ཏེ་བཙལ་བ་ལས་མ་རྙེད་དམ་གནང་བ་སྦྱིན་ན་ཉེས་པ་མེད་དོ།། སྤང་བའི་ལྟུང་བྱེད་བརྒྱད་པ་རྫོགས་།། །། དགེ་སློང་མའི་འདུལ་བ་རྣམ་པར་འབྱེད་པ། བམ་པོ་བཅུ་བཞི་པ།
179a2 གླེང་གཞི་ནི་རྒྱལ་པོའི་ཁབ་ནའོ།། གང་གི་ཚེ་བཅོམ་ལྡན་འདས་ཀྱིས་པི་ལིན་དའི་བུའི་ལྷན་ཅིག་གནས་པ་དང་། ཉེ་གནས་རྣམས་ལ་བརྟེན་ཏེ་གཉི་གའི་ཐུན་མོང་པའི་ནད་ཀྱི་སྨན་གྱི་བསླབ་པའི་གཞི་བཅའ་བ་མཛད་པ་དེའི་ཚེ། དགེ་སློང་མ་བཅུ་གཉིས་སྡེ་རྣམས
179a3 ཀྱིས་ནད་ཀྱི་སྨན་དེ་ལས་བྱིན་ལེན་བྱས་ཤིང་ཟ་བར་བྱེད་མྱུར་བར་བྱིན་ལེན་བྱས་ནས་དེ་ལས་བྱིན་ལེན་བྱས་པ་དག་ཕན་ཚུན་དུ་སྲེ་བར་བྱེད། ཟས་ཀྱི་ཕྱེ་མ་དང་འདྲེས་ཤིང་ཤན་འབགས་པ་དབྱེར་ཡང་མི་མངོན་པར་དེ་དག་དུས་དང་དུས་མ་ཡིན་པར་ཟ་བར་བྱེད་པའི
179a4 སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་བཅོམ་ལྡན་འདས་ཀྱིས་དགེ
179a5 སློང་མ་ནད་པ་རྣམས་ལ་འཕྲོད་པ་སོ་སོར་བསྟེན་པར་བྱ་བའི་སྨན་རྗེས་སུ་གནང་བ་གང་ཡིན་པ་འདི་ལྟ་སྟེ། མར་སར་དང་། ཏིལ་མར་དང་། སྦྲང་རྩི་དང་། བུ་རམ་གྱི་དབུ་བ་སྟེ། དེ་དག་དགེ་སློང་མ་ནད་པས་གསོག་འཇོག་གི་ལོངས་སྤྱོད་ཀྱིས་ཞག་བདུན་གྱི་མཐར་ཐུག
179a6 པར་ལོངས་སྤྱད་པར་བྱའོ། ། དེ་ལས་འདས་པར་ལོངས་སྤྱོད་ན་སྤང་བའི་ལྟུང་བྱེད་དོ།། ཡང་བཅོམ་ལྡན་འདས་ཀྱིས་ཞེས་བྱ་བ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སོ།། དགེ་སློང་མ་ནད་པ་རྣམས་ལ་ཞེས་བྱ་བ་ནི་ན
179a7 བ་རྣམས་ལའོ། ། འཕྲོད་པ་ཞེས་བྱ་བ་ནི་རྗེས་སུ་མཐུན་པའོ།། སོ་སོར་བསྟེན་པར་བྱ་བའི་ཞེས་བྱ་བ་ནི་རུང་བའི་སྨན་རྣམས་ཞེས་བྱ་བ་ལ། མར་སར་ཞེས་བྱ་བ་ནི་མར་རོ།། ཏིལ་མར་ཞེས་བྱ་བ་ནི་ཏིལ་མར་ཉིད་དོ།། སྦྲང་རྩི་ཞེས་བྱ་བ་ནི་སྦྲང་བུའིའོ།། བུ་རམ
iiif viewer powered by OpenSeadragon
