| e-texts navigator |
| Wylie |
178a1 དུ་བརྟད་པ་ལས་བྱུང་བའི་གོས་ཤིག་རྙེད་ལ། བརྟད་པ་ལས་བྱུང་བའི་གོས་འདོད་ན་དགེ་སློང་མ་དེས་བླང་བར་བྱའོ།། བླངས་ནས་གོས་སྦྱིན་པའི་དུས་ཀྱི་བར་དུ་བཅང་བར་བྱའོ།། དེ་ལས་འདས་པར་འཆང་ན་སྤང་བའི་ལྟུང་བྱེད་དོ།། ཞག་བཅུ
178a2 ཞེས་བྱ་བ་ནི་ཞག་བཅུ་པ་ལ་དགག་དབྱེ་འབྱུང་བར་འགྱུར་བའོ། ། དགེ་སློང་མ་ཞེས་བྱ་བ་ནི་ཆོས་འདི་པ་དག་གིའོ།། རྙེད་པ་ཞེས་བྱ་བ་ནི་གཞན་ལས་སོ།། བརྟད་པ་ལས་བྱུང་བའི་གོས་ཞེས་བྱ་བ་ལ་བརྟད་པ་ལས་བྱུང་བའི་གོས་ལྔ་སྟེ། ལྔ་གང་ཞེ་ན། འོངས་པ་དང་།
178a3 འགྲོ་བར་ཆས་པ་དང་། ནད་པ་དང་། ནད་གཡོག་དང་། དགེ་སྐོས་མའོ།། གོས་ཞེས་བྱ་བ་ནི་བདུན་པོ་གང་ཡང་རུང་བའོ།། འདོད་ན་ཞེས་བྱ་བ་ནས་གལ་ཏེ་དོན་དུ་གཉེར་ནའོ།། གོས་སྦྱིན་པའི་དུས་སུ་བཅང་བར་བྱའོ་ཞེས་བྱ་བ་ནི་གོས་སྦྱིན་པའི་དུས་ཞག
178a4 བཅུའི་དགག་དབྱེ་གང་ཡིན་པའོ། ། དེ་ལས་འདས་པར་ཞེས་བྱ་བ་ནི་དེ་ལས་ལྷག་པར་རོ།། སྤང་བའི་ལྟུང་བྱེད་དོ་ཞེས་བྱ་བ་ནི་སྔ་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། གང་ཡང་དགེ་སློང་མས་དབྱར་གྱི་རྙེད་པ་ཅི་ཡང་རུང་དབྱར་གྱི་ནང་ལོགས་སུ་འགེད་པ
178a5 དང་། དགག་དབྱེ་ལས་འདས་པར་འཆང་ན་ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ།། གལ་ཏེ་གོས་སྦེད་པའི་དགེ་སློང་མ་བསྐོས་ན་ཡང་ལྟུང་བ་མེད་དོ།། སྤང་བའི་ལྟུང་བྱེད་བཅུ་བདུན་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ
178a6 བ་ཅོམ་ལྡན་འདས་ཀྱིས་ཉེ་དགའ་ལ་བརྟེན་ཏེ་དགེ་འདུན་གྱི་གང་ཟག་རང་གིར་སྒྱུར་བར་བྱེད་པའི་བསླབ་པའི་གཞི་བཅའ་བ་མཛད་པ་དེའི་ཚེ་དགེ་སློང་མ་བཅུ་གཉིས་སྡེ་རྣམས་ཀྱིས་དགེ་འདུན་གྱི་ཆེད་དུ་རྙེད་པ་བླངས་ནས་གང་ཟག་གིར་སྒྱུར་བར་བྱེད་པ་ན་དོན་ཉུང་བའི་དགེ
178a7 སློང་མ་རྣམས་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ།
iiif viewer powered by OpenSeadragon
