| e-texts navigator |
| Wylie |
177a1 བྱས་སོ། ། ཕྲལ་བ་ན་སྤང་བའི་ལྟུང་བྱེད་དེ། དེ་ལྟ་བུ་ནི་ཚིག་རྗོད་པར་བྱེད་པས་སོ།། ཇི་ལྟར་དེ་གཉིས་དང་ལྡན་པས་ཤེ་ན། ཚིག་ཏུ་གོས་ཕྱིར་བྱིན་ཅིག་ཅེས་སྨྲས་ཤིང་ལག་པས་འཛིན་པ་སྟེ། ཇི་སྲིད་དུ་གོས་ཀྱི་གྲཝ་ལུས་དང་བྲལ་བར་མི་བྱེད
177a2 ཀྱི་བར་དུ་ཉེས་བྱས་སོ། ། ཕྲལ་བ་ན་སྤང་བའི་ལྟུང་བྱེད་དེ། དེ་ལྟ་བུ་ནི་གཉིས་དང་ལྡན་པས་སོ།། དོན་གཞན་དང་འདུལ་བའི་ཡོ་བྱད་ཀྱིས་ནི་ལྟུང་བ་མེད་དོ།། ཇི་ལྟར་དོན་གཞན་གྱིས་ཞེ་ན། འདི་ལྟར་ཡང་དགེ་སློང་མ་རྣམས་ཀྱི་ལྷན་ཅིག་གནས་པ་དང་། ཉེ་གནས
177a3 དག་དུས་མ་ཡིན་པར་འཇིགས་པ་དང་བཅས་པའི་དུས་སུ་འགྲོ་བ་ན་དེ་དག་གི་མཁན་མོ་དང་། སློབ་དཔོན་དག་གིས་ཆོམ་རྐུན་པ་རྣམས་ཀྱིས་གོས་དག་ཕྲོགས་པར་གྱུར་ན་མི་རུང་ངོ་ཞེས་འཕྲོག་པར་བྱེད་པ་སྟེ། དེ་ལྟ་བུ་ནི་དོན་གཞན་གྱིས་ཡིན་ནོ།། ཇི་ལྟར་འདུལ་བའི་ཡོ
177a4 བྱད་ཀྱིས་ཞེ་ན། འདི་ལྟར་ཡང་དགེ་སློང་མ་རྣམས་ཀྱིས་ལྷན་ཅིག་གནས་པ་དང་། ཉེ་གནས་རྣམས་ནི་མི་དགེ་བའི་བཤེས་གཉེན་དང་ལྷན་ཅིག་འགྲོགས་ཤིང་འགྲོ་བ་ན་དགེ་བའི་བཤེས་གཉེན་དང་ལྷན་ཅིག་འགྲོ་བར་གྱུར་ཅིག་ཅེས་དེ་དག་ལས་གོས་འཕྲོག་པར
177a5 བྱེད་པ་སྟེ། དེ་ལྟ་བུ་ནི་འདུལ་བའི་ཡོ་བྱད་ཀྱིས་ཡིན་ནོ།། སྤང་བའི་ལྟུང་བྱེད་བཅུ་དྲུག་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་ཆོས་སྦྱིན་གྱིས་ཉམས་པའི་རྒྱལ་རིགས་འཁོར་དང་བཅས་པ་བདེན་པ་རྣམས་ལ་རབ་ཏུ་བཀོད་པ་དང་།
177a6 དེ་རྣམས་ཀྱིས་རྒྱལ་པོ་གསལ་རྒྱལ་ལས་དཔྱ་རྒྱུ་དག་ཐོབ་བོ།། དེ་དག་འདི་སྙམ་དུ་བདག་ཅག་བདེན་པ་མཐོང་བར་བྱེད་པ་གང་ཡིན་པ་དེ་ཐམས་ཅད་ནི་དགེ་བའི་བཤེས་གཉེན་འཕགས་མ་ཆོས་སྦྱིན་ལས་བརྟེན་ཏེ་ཡིན་ན་དེ་ལ་བདག་ཅག་གིས་ཅི་ཞིག་བྱས་ན་ལན་ལོན་པར
177a7 འགྱུར། མ་ལ་བདག་གིས་རྒྱལ་པོ་ལས་རྙེད་པ་དང་། བཀུར་སྟི་ཐོབ་པ་དེ་བདག་ཅག་གིས་ཆོས་སྦྱིན་ལ་དབུལ་བར་བྱ་གོར་མ་ཆག་སྙམ་མོ།། དེ་ནས་ཉམས་པའི་རྒྱལ་རིགས་རྣམས་ཀྱིས་རྙེད་པ་དེ་ཁྱེར་ཏེ་ཆོས་སྦྱིན་གང་ན་བ་དེར་དོང་ནས་ལྷགས་པ་དང་། ཆོས་སྦྱིན
iiif viewer powered by OpenSeadragon
