| e-texts navigator |
| Wylie |
176b1 པར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ
176b2 སློང་མ་དག་ལ་གོས་དག་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཅིང་། ཡིད་མ་རངས་པས་དགེ་སློང་མ་ཁྱོད་ལ་གོས་དག་མི་སྦྱིན་གྱིས་ཕྱིར་བྱིན་ཅིག་ཅེས་འཕྲོག་གམ། འཕྲོག་ཏུ་འཇུག་ན་དགེ་སློང་མ་དེས་གོས་ཀྱི་ལྷག་མ་ཡོད་པ་སླར་སྦྱིན་པར་བྱ་སྟེ། ལོངས་སྤྱད་ན
176b3 སྤང་བའི་ལྟུང་བྱེད་དོ། ། ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ།། དགེ་སློང་མ་རྣམས་ཞེས་བྱ་བ་ནི་ལྷན་ཅིག་གནས་པ་དང་། ཉེ་གནས་རྣམས་སོ།། གོས་དག་བྱིན་ནས་ཞེས་བྱ་བ་ནི་བདུན་པོ་གང་ཡང་རུང་བ་དག་གོ།། དེའི་འོག་ཏུ་ཞེས་བྱ་བ་ནི་དུས
176b4 གཞན་ནོ། ། ཁྲོས་འཁྲུགས་རྔམ་པར་གྱུར་ཅིང་ཡིད་མ་རངས་པས་ཞེས་བྱ་བ་ནི་འཁྲུག་པ་མ་སངས་པར་རོ།། འཕྲོག་གམ་ཞེས་བྱ་བ་ནི་བདག་ཉིད་ཀྱིས་སོ།། འཕྲོག་ཏུ་འཇུག་ན་ཞེས་བྱ་བ་ནི་གཞན་གྱིས་སོ།། དགེ་སློང་མ་ཁྱོད་ལ་གོས་དག་མི་སྦྱིན་གྱིས་ཕྱིར་བྱིན
176b5 ཅིག་ཅེས་ཟེར་ན་དགེ་སློང་མ་དེས་གོས་དེ་ཞེས་བྱ་བ་ནི་གོས་བདུན་པོ་གང་ཡང་རུང་བའི་ལྷག་མ་ཡོད་པའོ། ། ཕྱིར་སྦྱིན་པར་བྱའོ་ཞེས་བྱ་བ་ནི་གཏང་བར་བྱའོ།། དེ་ལོངས་སྤྱད་ན་ཞེས་བྱ་བ་ནི་དེ་ཇི་ཙམ་གྱི་བར་དུ་ལོངས་སྤྱད་པར་གྱུར་ནའོ།། སྤང་བའི་ལྟུང་བྱེད་དོ་ཞེས་བྱ་བ་ནི
176b6 གོང་མ་བཞིན་ནོ། ། དེ་ལ་ལྟུང་བར་ཇི་ལྟར་འགྱུར་ཞེ་ན། ལུས་གཡོ་བར་བྱེད་པ་དང་། ཚིག་རྗོད་པར་བྱེད་པ་དང་། དེ་གཉི་ག་དང་ལྡན་པའོ།། ཇི་ལྟར་ལུས་གཡོ་བར་བྱེད་པས་ཞེ་ན། ལག་པས་བཟུང་ཞིང་འཕྲོག་པ་སྟེ། ཇི་སྲིད་དུ་གོས་ཀྱི་གྲཝ་ལུས་དང་བྲལ་བར
176b7 མི་བྱེད་ཀྱི་བར་དུ་ཉེས་བྱས་སོ། ། ཕྲལ་བ་ན་སྤང་བའི་ལྟུང་བྱེད་དེ། དེ་ལྟ་བུ་ནི་ལུས་གཡོ་བར་བྱེད་པས་སོ།། ཇི་ལྟར་ཚིག་རྗོད་པས་ཞེ་ན། ཚིག་འདི་སྐད་ཅེས་དགེ་སློང་མ་གོས་ཕྱིར་བྱིན་ཅིག་ཅེས་སྨྲས་ནས་ཇི་སྲིད་དུ་གོས་ཀྱི་གྲཝ་ལུས་དང་བྲལ་བར་མི་བྱེད་ཀྱི་བར་དུ་ཉེས
iiif viewer powered by OpenSeadragon
