| e-texts navigator |
| Wylie |
176a1 བྱ་བ་ནི་གོས་ཉེ་བར་སྟོན་པའོ། ། ཁོ་མོའི་ཕྱིར་འཐག་ཏུ་བཅུག་གིས་ཞེས་བྱ་བ་ནི་བདག་ཉིད་ཉེ་བར་སྟོན་པར་བྱེད་པའོ།། ཚེ་དང་ལྡན་པ་ཐ་ག་པས་ལེགས་པར་ཞེས་བྱ་བ་ནི་ཚེ་དང་ལྡན་པ་ཐ་ག་པས་བཟང་པོར་རོ།། ཁྱོད་ཀྱིས་གོས་འདི
176a2 ཞེས་བྱ་བ་ནི་འཐག་ཏུ་བཅུག་པ་གང་ཡིན་པ་དེའོ། ། ཞེང་ཆེ་བ་ཞེས་བྱ་བ་ནི་འདི་ལྟར་རྒྱ་ཆེ་བ་ཉིད་དོ།། ཁྲུན་རིང་བ་ཞེས་བྱ་བ་ནི་འདི་ལྟར་མཆུ་རིང་བ་ཉིད་དོ།། ཐར་གྱིས་ཞག་པ་ཞེས་བྱ་བ་ནི་འཇུར་མདུད་མེད་པའོ།། ཐགས་རན་བཟང་བར་ཞེས་བྱ་བ་ནི་ཐགས་བཟང་བ་དང་།
176a3 ཁ་ཚར་ཐུང་བར་རོ།། གལ་ཏེ་དེ་ལྟ་ན་ཁོ་མོས་ཁྱོད་ལ་བཟའ་བའམ། བཟའ་བ་ཙམ་མམ། བཟའ་བའི་རྒྱུ་ཙམ་བསྒྲུབ་པར་བྱའོ།། ཞེས་བྱ་བ་ནི་བཟའ་བ་ལྔ་དང་། བཅའ་བ་ལྔ་པོ་དག་གོ།། དེ་ལ་གལ་ཏེ་དགེ་སློང་མ་ཞེས་བྱ་བ་ནི་སྦོམ་དགའ་མོའོ།། ཆུང
176a4 ཟད་སྒྲུབ་ན་ཞེས་བྱ་བ་ནི་འདི་ལྟ་སྟེ། བཟའ་བའམ། བཟའ་བ་ཙམ་མམ། བཟའ་བའི་རྒྱུ་ཅུང་ཟད་བྱིན་པའོ།། གོས་བསྒྲུབས་ཏེ་ཞེས་བྱ་བ་ནི་གོས་ཐོབ་པར་བྱ་བའི་ཕྱིར་རོ།། གོས་གྲུབ་ན་ཞེས་བྱ་བ་ནི་ཐོབ་ནའོ།། སྤང་བའི་ལྟུང་བྱེད་དོ་ཞེས་བྱ་བ་ནི་གོང
176a5 མ་བཞིན་ནོ། ། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་གོས་བསྒྲུབ་པའི་ཕྱིར་ཁྱིམ་བདག་གི་ཁྱིམ་རྣམས་སུ་བསོད་སྙོམས་ལ་འཇུག་ཅིང་བཅའ་བ་ལྔ་དང་། བཟའ་བ་ལྔ་པོ་དག་ཐ་ག་པ་ལ་སྦྱིན་པར་བྱེད་པ་ནས། ཇི་ཙམ་མ་གྲུབ་པ་དེ་སྲིད་དུ་ཉེས་བྱས་སོ།།
176a6 གྲུབ་ན་སྤང་བའི་ལྟུང་བྱེད་དོ།། སྤང་བའི་ལྟུང་བྱེད་ལྔ་པ་རྫོགས་།། །། གླེང་གཞི་ནི་མཉན་ཡོད་ནའོ།། དེའི་ཚེ་བཅུ་གཉིས་སྡེ་རྣམས་ཀྱིས་ལྷན་ཅིག་གནས་པ་དང་ཉེ་གནས་རྣམས་ལ་ཆོས་གོས་དང་ལྷུང་བཟེད་དག་བགོ་བཤའ་བྱེད་ལ། བུད་མེད་ནི་ཁྲོ་བའི
176a7 དབང་དུ་འགྱུར་བ་ཡིན་པས་གང་གི་ཚེ་དེ་དག་དང་དེ་རྣམས་འཐབ་མོ་དང་། མཚང་འདྲུ་བར་གྱུར་པ་དེའི་ཚེ་དེ་དག་གིས་ལྷན་ཅིག་གནས་པ་དང་། ཉེ་གནས་ལ་ཕྱིར་ཡང་གོས་དག་འཕྲོག་པར་བྱེད། འཕྲོག་ཏུ་འཇུག་པར་བྱེད་པ་ན་དོན་ཉུང་བའི་དགེ་སློང་མ་རྣམས་སྨོད
iiif viewer powered by OpenSeadragon
