| e-texts navigator |
| Wylie |
173b1 ཀུན་དུ་སྤྱད་པའི་ཆོས་བཅའ་བར་བྱ་སྟེ། དགེ་སློང་མ་ལྷུང་བཟེད་འབྲེལ་བ་མེད་པ་འཆང་བ་གལ་ཏེ་བསོད་སྙོམས་ལ་འགྲོ་ན་ལག་པ་གཡས་པར་ལྷུང་བཟེད་འབྲེལ་བ་མེད་པར་བཀུར་ཞིང་ལག་པ་གཡོན་པར་བྱིན་གྱིས་བརླབས་པའོ།། གལ་ཏེ་འབྲས་ཆན་གཤེར
173b2 བ་རྙེད་ན་བྱིན་གྱིས་བརླབས་པར་བླང་བར་བྱའོ། ། གལ་ཏེ་འབྲས་ཆན་སྐམ་པོ་རྙེད་ན་ལྷུང་བཟེད་འབྲེལ་བ་མེད་པར་བླང་བར་བྱའོ།། གལ་ཏེ་ལྷུང་བཟེད་ཀྱི་སྣོད་དུ་འཇུག་པར་བྱེད་ན་ཞབས་སུ་ནི་བྱིན་གྱིས་བརླབས་པའོ།། སྟེང་དུ་ནི་ལྷུང་བཟེད་འབྲེལ་བ་མེད་པའོ།།
173b3 གལ་ཏེ་བྱི་དོར་བྱེད་ན་དང་པོར་ལྷུང་བཟེད་འབྲེལ་བ་མེད་པའོ།། ཕྱི་ནས་བྱིན་གྱིས་བརླབས་པའོ།། གལ་ཏེ་ལྷུང་བཟེད་གདུ་བུའི་སྟེང་དུ་འཇོག་ན་བྱིན་གྱིས་བརླབས་པའི་སྟེང་དུ་ལྷུང་བཟེད་འབྲེལ་བ་མེད་པར་གཞག་པར་བྱའོ།། གལ་ཏེ་ལྷུང་བཟེད་ཀྱི་ལས་བྱེད་ན་རྫ་བོ
173b4 བཟང་པོ་གང་ཡིན་པ་དེར་ལྷུང་བཟེད་འབྲེལ་བ་མེད་པ་བསྲེག་པར་བྱའོ། ། གལ་ཏེ་ལམ་དུ་འགྲོ་ན་ལྷན་ཅིག་གནས་པ་དང་། ཉེ་གནས་རྣམས་ལ་བྱིན་གྱིས་བརླབས་པ་བསྐུར་བར་བྱ་ཞིང་། ལྷུང་བཟེད་འབྲེལ་བ་མེད་པ་ནི་རང་གིས་སོ།། གལ་ཏེ་ཁྱེར་བ་འགའ
173b5 ཡང་མེད་ན་མཆན་ཁུང་གཡས་ཀྱིས་ནི་ལྷུང་བཟེད་འབྲེལ་བ་མེད་པའོ། ། གཡོན་གྱིས་ནི་བྱིན་གྱིས་བརླབས་པའོ།། ལྷུང་བཟེད་འབྲེལ་བ་མེད་པ་འཆང་བའི་དགེ་སློང་མས་ཀུན་དུ་སྤྱད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན་འགལ
173b6 ཚབས་ཅན་དུ་འགྱུར་རོ། ། དགེ་འདུན་གྱི་ལྷུང་བཟེད་ཐ་མ་དེ་བྱིན་གྱིས་མི་བརླབ་སྟེ། བྱིན་གྱིས་བརླབ་པར་མི་བྱ། སུ་ལ་ཡང་སྦྱིན་པར་མི་བྱ་བར་ཁད་ཀྱིས་དལ་བུས་དལ་བུས་ཇི་སྲིད་འཚོའི་བར་ཆག་པའི་མཐར་ཐུག་པའི་བར་དུ་བཅང་བར་བྱའོ།། དེ་ལ་ལྟུང
173b7 བར་ཇི་ལྟར་འགྱུར་ཞེ་ན། དགེ་སློང་མའི་ལྷུང་བཟེད་ཆག་པར་གྱུར་ཀྱང་ལྷན་པ་གཅིག་གིས་གླན་པར་འོས་ཤིང་མ་གླན་པ་སྤྱད་བཟོད་བཞིན་དུ་གཞན་ཚོལ་བར་བྱེད་ན་ཉེས་བྱས་སོ།། ཐོབ་ན་སྤང་བའི་ལྟུང་བྱེད་དོ།། དགེ་སློང་མའི་ལྷུང་བཟེད་ཆག་པར་གྱུར་ཀྱང
iiif viewer powered by OpenSeadragon
