| e-texts navigator |
| Wylie |
171b1 དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཉོ་ཚོང་རྣམ་པ་སྣ་ཚོགས་བྱེད་ན་སྤང་བའི་ལྟུང་བྱེད་དོ།། ཡང་དགེ་སློང་མ་གང་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། རྙེད་པ་འདོད
171b2 པས་ཉོ་བར་བྱེད་ཅིང་། རྙེད་པ་འདོད་པས་འཚོང་བར་བྱེད་ན་ཉོ་བར་བྱེད་པ་ན་དེ་ལ་ཉེས་བྱས་སོ།། འཚོང་བར་བྱེད་པ་ན་སྤང་བའི་ལྟུང་བྱེད་དོ།། རྙེད་པ་འདོད་པས་ཉོ་བར་བྱེད་ལ། རྙེད་པ་མི་འདོད་པས་འཚོང་བར་བྱེད་ན་ཉོ་བར་བྱེད་པ་ན་དེ་ལ་ཉེས་བྱས་སོ།།
171b3 འཚོང་བར་བྱེད་པ་ན་ལྟུང་བ་མེད་དོ།། རྙེད་པ་མི་འདོད་པས་ཉོ་བར་བྱེད་ལ་རྙེད་པ་འདོད་པས་འཚོང་བར་བྱེད་ན་ཉོ་བ་ན་དེ་ལ་ལྟུང་བ་མེད་དོ།། འཚོང་བར་བྱེད་པ་ན་སྤང་བའི་ལྟུང་བྱེད་དོ།། རྙེད་པ་མི་འདོད་པས་ཉོ་བར་བྱེད་ཅིང་། རྙེད་པ་མི་འདོད་པས་འཚོང་བར་བྱེད
171b4 ན་གཉིས་ཀ་ལ་ལྟུང་བ་མེད་དོ། ། ཡུལ་གཞན་གྱི་སྦྱོར་བས་སྔ་མའི་རྒྱུད་སྦྱང་བར་བྱའོ།། དེ་ནས་དགེ་འདུན་གྱི་དག་ཡོད་ལ་སྦྱིན་པ་པོ་དག་ཀྱང་འོངས་ཏེ་ཟན་སྦྱར་བར་འདོད་ནས་དེ་དག་གིས་ཟོང་གིས་བཙལ་བ་དང་། བཟའ་བ་དང་བཏུང་བ་མ་རྙེད་ནས་བཅོམ
171b5 ལྡན་འདས་ཀྱིས་བཀའ་སྩལ་པ། ཇི་ལྟར་ཉོས་པ་བཞིན་སྦྱིན་ནོ།། རེས་འགའ་མོད་པ་ན་ཉོས་ལ་དཀོན་པར་གྱུར། རེས་འགའ་དཀོན་པ་ན་ཉོས་ལ་མོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཚོང་འདུས་ཀྱི་རིན་ཐང་གིས་སྦྱིན་པར་བྱའོ།།
171b6 སྤང་བའི་ལྟུང་བྱེད་དང་པོའི་ཚིགས་སུ་བཅད་པའི་སྡོམ་རྫོགས་།། །། སྡོམ་ལ། ལྷུང་བཟེད་སྐུད་པ་དེ་ཕྱིར་དང་།། ཕྱིར་འཕྲོག་དེ་བཞིན་བརྟད་པ་དང་།། རྙེད་དང་སྨན་དང་ཞག་གཅིག་དང་།། བརྗེས་དང་དུས་དང་དུས་མིན་པའོ།། གླེང་གཞི་ནི་མཉན
171b7 ཡོད་ནའོ། ། གང་གི་ཚེ་བཅོམ་ལྡན་འདས་ཀྱིས་དྲུག་སྡེ་རྣམས་ལ་བརྟེན་ཏེ་ལྷུང་བཟེད་འབྲེལ་པ་མེད་པའི་བསླབ་པའི་གཞི་བཅའ་བ་མཛད་པ་དེའི་ཚེ། དགེ་སློང་མ་བཅུ་གཉིས་སྡེ་རྣམས་ལྷུང་བཟེད་འབྲེལ་པ་མེད་པ་ཡང་འཆང་བར་བྱེད། འབྲེལ་པ་མེད་པ་ལྷན་པ་མེད
iiif viewer powered by OpenSeadragon
