| e-texts navigator |
| Wylie |
171a1 དུ་རྙེད་པ་བདག་གིར་མི་བྱེད་ན་ཉེས་བྱས་སོ། ། བདག་གིར་བྱེད་ན་སྤང་བའི་ལྟུང་བྱེད་དོ།། དེ་ལྟ་བུ་ནི་སྐྱེད་འགྱེད་པར་བྱེད་པ་ཡིན་ནོ།། དེ་ལྟར་བསླབ་པའི་གཞི་བཅས་པ་དང་། མཆོད་རྟེན་གྱི་དང་། དགེ་འདུན་གྱི་མི་ཟད་པར་བྱ་བ
171a2 དེ་དག་རབ་ཏུ་སྦྱོར་བར་མི་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། རབ་ཏུ་སྦྱར་བར་བྱའོ།། དེ་དག་གིས་སུ་ཡང་རུང་བ་དག་ལ་བཏང་བ་དང་། བཏང་བ་དེ་དག་འཁྱམས་པར་གྱུར་པ་ནས་བཅོམ་ལྡན་འདས་ཀྱིས་བཀའ་སྩལ་པ། བཀྲེན་པ་ལ་ཡང་ནོར
171a3 མི་གཏང་། ། མཐའ་འཁོབ་གནས་ལའང་མ་ཡིན་ཞིང་།། གཏུམ་པོ་སྡིག་པའི་ལས་ཅན་དང་།། མཐུ་ཅན་ལ་ཡང་ནམ་ཡང་མིན།། སྤང་བའི་ལྟུང་བྱེད་བཅུ་གཅིག་པ་རྫོགས་།། །། གླེང་གཞི་ནི་མཉན་ཡོད་ནའོ།། དེའི་ཚེ་དྲུག་སྡེ་རྣམས
171a4 ཉོ་ཚོང་རྣམ་པ་སྣ་ཚོགས་དག་བྱེད་དེ། ལེན་པར་བྱེད། གཏོང་བར་བྱེད། ཉོ་བར་བྱེད། འཚོང་བར་བྱེད་དོ།། ཇི་ལྟར་ལེན་པར་བྱེད་ཅེ་ན། གང་གི་ཚེ་མཉན་ཡོད་ན་དཀོན་པར་གྱུར་ལ་ལྗོངས་རྣམས་སུ་མོད་པར་གྱུར་པ་དེའི་ཚེ་ལྗོངས་རྣམས་ནས་བླངས
171a5 ནས་མཉན་ཡོད་དུ་ལེན་པར་བྱེད་དེ། དེ་ལྟ་བུ་ནི་ལེན་པར་བྱེད་པའོ།། ཇི་ལྟར་གཏོང་བར་བྱེད་ཅེ་ན། གང་གི་ཚེ་མཉན་ཡོད་དུ་ལོ་ལེགས་པར་གྱུར་ལ་ལྗོངས་རྣམས་སུ་ལོ་ཉེས་པར་གྱུར་པ་དེའི་ཚེ་མཉན་ཡོད་ནས་བླངས་ནས་ལྗོངས་རྣམས་སུ་གཏོང་བར་བྱེད
171a6 དེ། དེ་ལྟ་བུ་ནི་གཏོང་བར་བྱེད་པའོ།། ཇི་ལྟར་ཉོ་བར་བྱེད་ཅེ་ན། གང་གི་ཚེ་མོད་པར་གྱུར་པ་དེའི་ཚེ་ཉོ་བར་བྱེད་པ་སྟེ། དེ་ལྟ་བུ་ནི་ཉོ་བར་བྱེད་པའོ།། ཇི་ལྟར་འཚོང་བར་བྱེད་ཅེ་ན། གང་གི་ཚེ་དཀོན་པར་གྱུར་པ་དེའི་ཚེ་འཚོང་བར་བྱེད་པ་སྟེ་དེ་ལྟ་བུ་ནི
171a7 འཚོང་བར་བྱེད་པའོ། ། ཉོ་ཚོང་བྱེད་པ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི
iiif viewer powered by OpenSeadragon
