| e-texts navigator |
| Wylie |
168a1 གིས་སོ། ། ཕྱོགས་སུ་བསྡད་པ་བཞི་པོ་དག་གང་ཞེ་ན། ཀུན་གནས་དང་། འདུག་གནས་དང་། ཟོང་གནས་དང་། ལས་ཀྱི་མཐའི་གནས་སོ།། །། དགེ་སློང་མའི་འདུལ་བ་རྣམ་པར་འབྱེད་པ། བམ་པོ་བཅུ་གསུམ་པ། དེ་ལ་ཀུན
168a2 གནས་ཞེས་བྱ་བ་ནི་འདྲེག་མཁན་དང་། རྫ་མཁན་གྱི་གནས་སོ།། འདུག་གནས་ཞེས་བྱ་བ་ནི་ཁྱིམ་སྟེ་ལྷག་པར་གནས་པའོ།། ཟོང་གནས་ཞེས་བྱ་བ་ནི་ཚོང་ཁང་དང་། ཚོང་རྡལ་ལོ།། ལས་ཀྱི་མཐའི་གནས་ནི་གསུམ་སྟེ། སཱ་ལུའི་ལས་ཀྱི་མཐའ
168a3 དང་། ལན་ཚྭ་དང་། བུ་རམ་ཤིང་གི་ལས་ཀྱི་མཐའ་སྟེ། འདི་ནི་ཕྱོགས་སུ་བསྡད་པ་བཞི་ཞེས་བྱའོ།། བསྐུལ་བའི་སྒོ་དྲུག་པོ་དག་གང་ཞེ་ན། འོངས་སམ་ཞེ་ན། དེའི་ཕྱིར་རོ་ཞེས་བྱ་བ་དང་། འོངས་པ་ལེགས་སོ་ཞེ་ན། དེའི་ཕྱིར་རོ་ཞེས་བྱ་བ་དང་། སྟན
168a4 འདི་ལ་འདུག་ཅིག་ཅེ་ན། དེའི་ཕྱིར་རོ་ཞེས་བྱ་བ་དང་། བཅའ་བ་འདི་འཚོ་ཞིག་ཅེས་བྱ་བ་དང་། ཟས་འདི་ཟོ་ཞིག་ཅེས་བྱ་བ་དང་། བཏུང་བ་འདི་འཐུང་ཤིག་ཅེ་ན། དེའི་ཕྱིར་རོ་ཞེས་བྱ་བ་སྟེ། འདི་དག་ནི་བསྐུལ་བའི་སྒོ་དྲུག་གོ།། མ་ཐོགས་པར་བརྗོད་ཅིང
168a5 གང་དུ་སྐབས་མེད་པར་བསྐུལ་ན་བསྐུལ་བ་ཡོངས་སུ་མ་རྫོགས་པ་ཞེས་བརྗོད་པར་བྱའོ། ། གལ་ཏེ་སྐབས་ཡོད་པ་ལ་བསྐུལ་ན་བསྐུལ་བ་ཡོངས་སུ་རྫོགས་པ་ཞེས་བརྗོད་པར་བྱའོ།། དེ་ལྟར་གནས་དེ་རྣམས་སུ་ཅང་མི་སྨྲ་བར་བསྡད་པ་ན་གོས་དེ་གྲུབ་ནའོ་ཞེས
168a6 བྱ་བ་ནི་རྙེད་ནའོ། ། དེ་ལྟ་ན་ལེགས་ཞེས་བྱ་བ་ནི་དེ་ལྟ་ན་བཟང་བའོ།། ཇི་སྟེ་མ་གྲུབ་ན་ཞེས་བྱ་བ་ནི་མ་ཐོབ་ནའོ།། ལྷག་པར་བརྩལ་བར་བྱས་ནས་ཞེས་བྱ་བ་ནི་དེའི་འོག་རོལ་དུ་ལྷག་པར་རོ།། གོས་གྲུབ་ན་ཞེས་བྱ་བ་ནི་ཐོབ་ནའོ།། སྤང་བའི་ལྟུང་བྱེད་དོ་ཞེས
168a7 བྱ་བ་ནི་དངོས་པོ་དེ་སྤངས་ནས་ཞེས་བྱ་བ་སྔ་མ་བཞིན་ནོ། ། ཇི་སྟེ་མ་གྲུབ་ན་ཞེས་བྱ་བ་ནི་མ་ཐོབ་ནའོ།། དགེ་སློང་མ་དེ་ཞེས་བྱ་བ་ནི་ཉེ་དགའ་མོའོ།། ཕྱོགས་གང་ན་གོས་ཀྱི་རིན་དེ་དག་འོངས་པར་གྱུར་པ་ཞེས་བྱ་བ་ནི་གང་ལས་འོངས་པར་གྱུར་པའོ།། དེར་བདག
iiif viewer powered by OpenSeadragon
