| e-texts navigator |
| Wylie |
167a1 པས་འཚོ་བའོ། ། བྲམ་ཟེའམ་ཞེས་བྱ་བ་ནི་བྲམ་ཟེ་གཙང་སྦྲ་ཅན་ནོ།། ཁྱིམ་བདག་གམ་ཞེས་བྱ་བ་ནི་ཕྱུག་པོའོ།། གྲོང་རྡལ་གྱི་མི་ཞེས་བྱ་བ་ནི་གྲོང་གླིངས་པའོ།། ཡུལ་གྱི་མིའམ་ཞེས་བྱ་བ་ནི་ཡུལ་ན་གནས་པའོ།། ནོར་ཅན་ནམ་ཞེས་བྱ
167a2 བ་ནི་ནོར་བྱེ་བས་ཕྱུག་པའོ། ། ཚོང་དཔོན་ནམ་ཞེས་བྱ་བ་ནི་ཅོད་པན་བཅིངས་པའོ།། དེད་དཔོན་གྱིས་ཞེས་བྱ་བ་ནི་གང་གིས་ཡུལ་གཞན་དུ་དོན་མཐུན་དག་དེང་པའོ།། ཕོ་ཉའི་ལག་ཏུ་ཞེས་བྱ་བ་ནི་སྐྱེས་པ་དང་། བུད་མེད་དང་། མ་ནིང་གིའོ།། གོས་ཀྱི
167a3 རིན་དག་ཅེས་བྱ་བ་ནི་གསེར་དང་དངུལ་དག་གོ། ། བསྐུར་ཏེ་ཞེས་བྱ་བ་ནི་བརྫངས་ཏེའོ།། དེ་ནས་ཕོ་ཉ་དེ་ཞེས་བྱ་བ་ནི་སྐྱེས་པ་དང་། བུད་མེད་དང་། མ་ནིང་ངོ་།། གོས་ཀྱི་རིན་དེ་དག་བླངས་ཏེ་ཞེས་བྱ་བ་ནི་ཁྱེར་ནས་སོ།། དགེ་སློང་མ་དེ་ཞེས་བྱ་བ་ནི་ཤཱཀྱའི་བུ་མོ
167a4 ཉེ་དགའ་མོའོ། ། སོང་སྟེ་ཞེས་བྱ་བ་ནི་སོང་ནས་སོ།། འདི་སྐད་ཅེས་སྨྲས་སོ་ཞེས་བྱ་བ་ནི་སྨྲས་པའོ།། འཕགས་མ་མཁྱེན་པར་མཛོད་ཅིག་ཅེས་བྱ་བ་ནི་གོས་ཀྱི་རིན་འདི་དག་ནི་རྒྱལ་པོས་བསྐུར་བའོ་ཞེས་རིག་པར་བྱའོ།། སྣོམས་ཤིག་ཅེས་བྱ་བ་ནི་ལོང་ཤིག
167a5 པའོ། ། ཐུགས་བརྩེ་བ་ཉེ་བར་བཟུང་སྟེ་ཞེས་བྱ་བ་ནི་ལེགས་པར་འདོད་པ་ཉེ་བར་བཟུང་སྟེའོ།། དགེ་སློང་མ་དེས་ཞེས་བྱ་བ་ནི་ཉེ་དགའ་མོས་སོ།། ཕོ་ཉ་དེ་ཞེས་བྱ་བ་ནི་སྐྱེས་པ་དང་། བུད་མེད་དང་། མ་ནིང་ངོ་།། ཚིག་འདི་སྐད་ཅེས་བརྗོད་པར་བྱའོ་ཞེས་བྱ
167a6 བ་ནི་འདི་སྐད་ཅེས་ཡང་དག་པར་བསྒོ་བར་བྱ་བའོ། ། ཚེ་དང་ལྡན་པ་ཕོ་ཉ་དགེ་སློང་མ་རྣམས་ནི་གོས་ཀྱི་རིན་དག་ལེན་དུ་རུང་བ་མ་ཡིན་ཏེ། ཞེས་བྱ་བ་ནི་དེ་དག་ལེན་པ་བཅོམ་ལྡན་འདས་ཀྱིས་བཀག་གི་བཅོམ་ལྡན་འདས་ཀྱིས་ཁོ་མོ་ཅག་ལ་ནི་གོས་རུང་བ་རྗེས་སུ
167a7 གནང་བའོ། ། གལ་ཏེ་ཕོ་ཉ་དེ་དགེ་སློང་མ་དེ་ལ་འདི་སྐད་ཅེས་ཟེར་ན་ཞེས་བྱ་བ་ནི་འདྲི་ནའོ།། འཕགས་མ་རྣམས་ཀྱི་ཞལ་ཏ་བགྱིད་པ་ཞེས་བྱ་བ་ནི་འཕགས་མ་རྣམས་ཀྱི་ཞལ་ཏ་ཉམས་སུ་ལེན་པ་གང་ལགས་ཞེས་བྱ་བའོ།། དགེ་སློང་མ་གོས་འདོད་པས
iiif viewer powered by OpenSeadragon
