| e-texts navigator |
| Wylie |
157a1 བར་བྱེད་ན་སྤང་བའི་ལྟུང་བྱེད་དོ་ཞེས་བྱ་བའི་བར་རོ། ། ཀུན་དགའ་ར་བ་ཉེན་ཀོར་ཐ་དད་པ་གང་ཞེ་ན། ཀུན་དགའ་ར་བ་གང་མི་ཐ་དད་པའི་འམ་ཞེས་བྱ་བ་ནས། ཅི་ཞིག་ཐུན་མོང་ཡིན་ཞེ་ན། ཁྲོན་པའོ་ཞེས་བྱ་བའི་བར་རོ།། ཀུན་དགའ་ར་བ་རབ་ཏུ
157a2 མང་པོ་ཉེན་ཀོར་གཅིག་པ་གང་ཞེ་ན། ཀུན་དགའ་ར་བ་གང་དག་མི་གཅིག་གིའམ་ཞེས་བྱ་བ་ནས་དང་པོ་པ་ཇི་ལྟ་བ་དེ་བཞིན་དུ་བརྗོད་པར་བྱའོ།། ཀུན་དགའ་ར་བ་མང་པོ་ཉེན་ཀོར་ཐ་དད་པ་གང་ཞེ་ན། ཀུན་དགའ་ར་བ་མང་པོ་གང་དག་མི་ཐ་དད་པའིའམ་ཞེས་བྱ
157a3 བ་ནས། ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ་ཞེས་བྱ་བའི་བར་རོ།། ཤིང་ལྗོན་པའི་ཉེན་ཀོར་གཅིག་པ་གང་ཞེ་ན། འདི་ལྟ་སྟེ། ཤིང་ལྗོན་པའི་ཡལ་གའི་ལོ་འདབ་འབྱོར་པས་གཅིག་ཏུ་སྟུག་པའོ།། དེའི་ཉེན་ཀོར་གང་ཞེ་ན། ནང་ཐམས
157a4 ཅད་དང་། ཕྱི་རོལ་འདོམ་གང་ངམ། སོ་ག་རྣམས་ཀྱི་ཟླ་བ་ཐ་མ་ལ་བབ་པའི་ཉི་མ་ཕྱེད་ཀྱི་གྲིབ་མས་ཁྱབ་ཅིང་འདུག་པའམ། ལོ་མ་སྐྱ་བོ་དག་རླུང་གིས་མ་བདས་པར་ལྷུང་བའམ། ཆར་བབ་པ་ན་ཆུའི་ཐིགས་པ་དག་འབབ་པ་སྟེ་དེའི་ཉེན་ཀོར་ནི་དེ་ཡིན་ནོ།། དགེ
157a5 སློང་མས་ནང་དུ་ཞེས་བྱ་བ་ནས་སྤང་བའི་ལྟུང་བྱེད་དོ་ཞེས་བྱ་བའི་བར་རོ། ། ཤིང་ལྗོན་པ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ། ཤིང་ལྗོན་པ་ཡལ་གའི་ལོ་མ་འདབ་མ་འབྱོར་པའམ་ཞེས་བྱ་བ་ནས། ཐུན་མོང་ཅི་ཞིག་ཡིན་ཞེ་ན། ཤིང་དྲུང་ངོ་ཞེས་བྱ་བའི
157a6 བར་རོ། ། ཤིང་ལྗོན་པ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ། ཤིང་ལྗོན་པ་རབ་ཏུ་མང་པོ་ཡལ་གའི་ལོ་མ་འདབ་མ་འབྱོར་པ་གྲིབ་མ་ཐ་དད་པ་ཞེས་བྱ་བ་ནས། ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ་ཞེས་བྱ་བའི་བར་རོ།།
157a7 སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་དགེ་སློང་མ་ཤུལ་དུ་ཞུགས་པའི་ཉེན་ཀོར་གང་ལགས། འགྲོ་བ་ན་འདོམ་གང་། འགྲེང་བ་ན་འདོམ་གང་། འདུག་པ་ན་འདོམ་གང་། ཁོར་ཁོར་ཡུག་ཡིན་ནོ།།
iiif viewer powered by OpenSeadragon
