| e-texts navigator |
| Wylie |
156b1 ཞེ་ན། ཁ་ལོ་སྒྱུར་བའི་སྟན་ནོ་ཞེས་བྱ་བའི་བར་རོ།། ཤིང་རྟ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། དང་པོ་པ་ཇི་ལྟ་བ་དེ་བཞིན་དུ་བརྗོད་པར་བྱའོ།། ཤིང་རྟ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། ཤིང་རྟ་གང་དག་མི་ཐ་དད་པའིའམ་ཞེས་བྱ་བ
156b2 ནས། ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ་ཞེས་བྱ་བའི་བར་རོ།། །། དགེ་སློང་མའི་འདུལ་བ་རྣམ་པར་འབྱེད་པ། བམ་པོ་བཅུ་གཉིས་པ། གྲུ་ཉེན་ཀོར་གཅིག་པ་གང་ཞེ་ན། མི་གཅིག་གིའམ། སྤུན་སྒོ་མ་བྱེ་བ་དག་གི་གྲུ་གང་ཡིན
156b3 པའོ། ། དེའི་ཉེན་ཀོར་གང་ཞེ་ན། འགྲོ་བའི་ཉེན་ཀོར་འདོམ་གང་ངམ། གནས་གང་དུ་ཕུར་པ་འདེབས་པར་བྱེད་པ་དང་། གྲུ་རྟོད་པར་བྱེད་པ། རྩཝ་མུན་ཛ་དག་རྡུང་བར་བྱེད་པ་དང་། ཐག་པ་དག་འཁལ་བར་བྱེད་པ་དང་། རུ་སྐྱ་དག་འཇོག་པར་བྱེད
156b4 པའམ། གང་དུ་གཅོད་པར་བྱེད་པ་དང་ཞེས་བྱ་བ་ནས། ཁྱེའུ་སུས་བྱེད་པ་ཞེས་བྱ་བའི་བར་རོ།། དགེ་སློང་མས་ནང་དུ་ཆོས་གོས་དག་ཅེས་བྱ་བ་ནས་སྤང་བའི་ལྟུང་བྱེད་དོ་ཞེས་བྱ་བའི་བར་རོ།། གྲུ་ཉེན་ཀོར་ཐ་དད་པ་གང་ཞེ་ན། གྲུ་གང་དག་མི་ཐ་དད
156b5 པའིའམ་ཞེས་བྱ་བ་ནས། ཅི་ཞིག་ཐུན་མོང་ཡིན་ཞེ་ན། གྲུ་གདང་ངོ་ཞེས་བྱ་བའི་བར་རོ།། གྲུ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། དང་པོ་པ་ཇི་ལྟ་བ་དེ་བཞིན་དུ་བརྗོད་པར་བྱའོ།། གྲུ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། གྲུ་གང་དག་མི
156b6 ཐ་དད་པའིའམ་ཞེས་བྱ་བ་ནས། ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ་ཞེས་བྱ་བའི་བར་རོ།། ཀུན་དགའ་ར་བ་ཉེན་ཀོར་གཅིག་པ་གང་ཞེ་ན། མི་གཅིག་གིའམ། སྤུན་སྒོ་བྱེ་བ་དག་གི་ཀུན་དགའ་ར་བ་གང་ཡིན་པའོ།། དེའི་ཉེན་ཀོར་གང་ཞེ་ན།
156b7 གནས་གང་དུ་ལོ་མ་སྔོན་མོ་དག་འཁྲུ་བར་བྱེད་པ་དང་། ཐུམ་བུ་དག་འཕུར་བར་བྱེད་པ་དང་། མེ་ཏོག་དག་རྒྱུད་པར་བྱེད་པ་དང་། ཞེས་བྱ་བ་ནས་ཁྱེའུ་སུས་དག་བྱེད་པ་ཞེས་བྱ་བའི་བར་རོ།། དགེ་སློང་མས་ནང་དུ་ཆོས་གོས་དག་ཅེས་བྱ་བ་ནས། སྐྱ་རེངས་འཆར
iiif viewer powered by OpenSeadragon
