| e-texts navigator |
| Wylie |
155b1 གང་ཞེ་ན། མི་གཅིག་གིའམ། སྤུན་སྒོ་མ་བྱེ་བ་དག་གི་གཡུལ་གང་ཡིན་པའོ།། དེའི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གནས་གང་དུ་སོག་མ་དག་འཇོག་པར་བྱེད་པ་དང་། བྲེ་བ་དང་། ཕྱགས་མ་དང་། གཞལ
155b2 སྣོད་དག་འཇོག་པར་བྱེད་པ་དང་། འཕྱར་བར་བྱེད་པ་དང་། འབྲུ་དག་ཕྱར་བ་ན་ཕུབ་མ་རགས་པ་དག་གང་དུ་རླུང་གིས་མ་བདས་པར་ཕྱིན་པ་སྟེ། དེའི་ཉེན་ཀོར་ནི་དེ་ཡིན་ནོ།། དགེ་སློང་མས་ཉེན་ཀོར་དུ་ཆོས་གོས་དག་ཅེས་བྱ་བ་ནས་གཞན་ནི་སྔ་མ་བཞིན་ནོ།།
155b3 གཡུལ་ཉེན་ཀོར་ཐ་དད་པ་གང་ཞེ་ན། མི་ཐ་དད་པའིའམ། སྤུན་སྒོ་བྱེ་བ་དག་གི་གཡུལ་གང་ཡིན་པའོ་ཞེས་བྱ་བ་ནས་ཅི་ཞིག་ཐུན་མོང་ཡིན་ཞེ་ན། གཡུལ་གྱི་དབུས་སོ།། གཡུལ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། མི་གཅིག་གིའམ། སྤུན་སྒོ
155b4 མ་བྱེ་བ་དག་གི་གཡུལ་གང་ཡིན་པའོ། ། གཞན་ནི་སྔ་མ་བཞིན་ནོ།། གཡུལ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། གཡུལ་གང་ཞིག་མི་ཐ་དད་པའིའམ་ཞེས་བྱ་བ་ནས་ཅི་ཞིག་ཐུན་མོང་ཞེ་ན། ཅི་ཡང་མ་ཡིན་ནོ་ཞེས་བྱ་བའི་བར་རོ།། གཡུལ་ཚོགས
155b5 ཉེན་ཀོར་གཅིག་པ་གང་ཞེ་ན། མི་གཅིག་གིའམ། སྤུན་སྒོ་མ་བྱེ་བ་དག་གི་གཡུལ་ཚོགས་གང་ཡིན་པའོ།། དེའི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་གླང་དག་འདོགས་པར་བྱེད་པ་དང་། ལྕི་བ་དག་འདོར་བར
155b6 བྱེད་པའོ། ། གཞན་ནི་སྔ་མ་བཞིན་ནོ།། གཡུལ་ཚོགས་ཉེན་ཀོར་ཐ་དད་པ་གང་ཞེ་ན། མི་ཐ་དད་པའིའམ། སྤུན་སྒོ་བྱེ་བ་དག་གི་གཡུལ་ཚོགས་གང་ཡིན་པའོ།། དེའི་ཉེན་ཀོར་གང་ཞེ་ན་ཞེས་བྱ་བ་ནས། ཅི་ཞིག་ཐུན་མོང་ཡིན་ཞེ་ན། སྒོ་ཞེས་བྱ་བའི
155b7 བར་རོ། ། གཡུལ་ཚོགས་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། གཡུལ་གང་ཞིག་མི་གཅིག་གིའམ། ཞེས་བྱ་བ་ནས་སྔ་མ་བཞིན་ནོ།། གཡུལ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། གཡུལ་ཚོགས་གང་ཞིག་མི་ཐ་དད་པའིའམ་ཞེས་བྱ
iiif viewer powered by OpenSeadragon
