| e-texts navigator |
| Wylie |
141b1 ཏོག་ཕྲེང་རྒྱུད་པར་བྱེད། རྒྱུད་དུ་འཇུག་པར་བྱེད། བྲོ་རྡུང་བར་བྱེད། གླུ་ལེན་པར་བྱེད། རོལ་མོའི་སྒྲ་ཡང་འབྱིན་པར་བྱེད་ཅིང་། ཅི་བྲོ་ལེགས་པར་བརྡུངས་སམ། གླུ་ལེགས་པར་བླངས་སམ། རོལ་མོའི་སྒྲ་ལེགས་པར་ཕྱུང་ངམ་ཞེས་བྱ་བ་ནས་རྒྱུག
141b2 པར་བྱེད། སྙེགས་པར་བྱེད། མཆོང་བར་བྱེད་པའི་བར་དང་། ཆོས་གོས་བཞག་སྟེ། བྲང་གིས་འགྲོ་བར་བྱེད། ཉ་འཕར་བ་དང་། རུས་སྦལ་འགྲེ་བ་དང་། འབུར་ལོག་ཀྱང་བྱེད་དོ།། ལག་པ་རྡོབ་པར་བྱེད། དཔུང་པ་རྡོབ་པར་བྱེད། བརླ་སྒྱུར་བར
141b3 བྱེད། རྡོབ་པར་བྱེད་ཅིང་ཁ་ནས་རྔ་པ་ཊ་ཧའི་སྒྲ་དག་ཀྱང་འབྱིན་པར་བྱེད། ཁ་ནས་རྔ་མན་དུ་ཀ་དང་། ཁ་ནས་རྔའི་སྒྲ་དག་འབྱིན་པར་བྱེད་ལ། ཁྱུ་མཆོག་གི་ང་རོ་འབྱིན་པར་བྱེད། མ་ཧེའི་སྐད་འབྱིན་པར་བྱེད། གླང་པོ་ཆེའི་བཞིན་དུ་སྐད་འདོན་པར་བྱེད། རྨ
141b4 བྱའི་སྐད་འབྱིན་པར་བྱེད། ཁུ་བྱུག་གི་སྐད་འདོན་པར་བྱེད་ཅིང་། གླང་པོ་ཆེ་དང་། རྟ་དང་། ཤིང་རྟ་དང་། དཔུང་བུ་ཆུང་གི་དམག་ཀྱང་འགྱེད་ཅིང་། འགྱེད་དུ་འཇུག་པར་བྱེད། བུད་མེད་ཀྱི་དམག་དང་། སྐྱེས་པའི་དམག་དང་། ཁྱེའུའི་དམག་དང་། བུ་མོའི
141b5 དམག་ཀྱང་འགྱེད་པར་བྱེད། འགྱེད་དུ་འཇུག་པར་བྱེད་ལ། སྐྱེས་པ་དང་། བུད་མེད་དང་། ཁྱེའུ་དང་། བུ་མོའི་དམག་ཀྱང་འགྱེད་པར་བྱེད། འགྱེད་དུ་འཇུག་པར་བྱེད་ཅིང་། བྱ་གག་གི་འཐབ་མོ་དང་། ལུག་གི་འཐབ་མོ་དང་། བྱ་ལ་བ་ཀའི་འཐབ་མོ་དང་། ཐི
141b6 བའི་འཐབ་མོ་དང་། བྱ་གག་དང་། ལུག་དང་། བྱ་ལ་བ་ཀ་དང་། ཐི་བའི་འཐབ་མོ་དག་ཀྱང་འགྱེད་པར་བྱེད། འགྱེད་དུ་འཇུག་པར་བྱེད་དོ།། འདི་དག་དང་གཞན་ཡང་དགེ་སྦྱོང་གིས་བྱ་བ་མ་ཡིན་པ་བྱེད་ཅིང་བྱེད་དུ་འཇུག་པར་བྱེད་དོ།། དེའི་ཚེ་གྲོགས་བྱེད་པ
141b7 བཅུ་གཉིས་སྡེ་ཡང་དགོད་པ་དང་། རྩེ་བ་དང་། ལུས་ཀྱིས་རྩབ་ཧྲལ་བྱེད་དེ། དེ་རྣམས་སྤྱོད་པ་དེ་དང་། སྤྱོད་ཚུལ་དེ་དང་། སྤྱོད་ལམ་དེས་གནས་པ་ན་དགེ་སློང་སྡིག་པ་ཅན་གནས་པའི་ཕྱིར་དགེ་སློང་མ་ལྷགས་པ་རྣམས་ཀྱང་མི་འོང་ཞིང་། ལྷགས་པའི་རྣམས་ཀྱང
iiif viewer powered by OpenSeadragon
