| e-texts navigator |
| Wylie |
141a1 དེ་སྐད་ཅེས་བརྗོད་པ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་བཞམས་ཏེ་བསྒོ་བར་བྱའོ་ཞེས་བྱ་བ་ནི་སྔར་ཇི་སྐད་བསྒོ་བ་བཞིན་ནོ།། དེ་བཞམས་ཏེ་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གསོལ་བ
141a2 དང་བཞིའི་ལས་ཀྱིས་བསྒོ་བར་བྱའོ་ཞེས་བྱ་བ་ནི་སྔར་ཇི་སྐད་བསྒོ་བ་བཞིན་དུ་སྟེ། འདི་ནི་ཡང་དག་པར་བསྒོ་བ་ཡིན་ནོ།། འདི་ནི་ཡང་དག་པར་བསྟན་པ་ཡིན་ནོ།། ཆོས་འདི་ཡང་ཞེས་བྱ་བ་ནི་ཆོས་མ་ཡིན་པ་ལ་ཆོས་ཀྱི་སྒྲར་བསྟན་པའོ།། ལན་གསུམ་པ་ལ་ངེས
141a3 པར་འབྱུང་བ་དང་བཅས་པ་སྟེ་ཞེས་བྱ་བ་ནི་སྟོན་པ་དང་བཅས་པའོ། ། གཞན་ནི་སྔ་མ་ཇི་ལྟ་བ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་དགེ་འདུན་གྱིས་དབྱེན་གྱི་རྗེས་སུ་ཕྱོགས་པར་ཞུགས་ན་གང་ཅི་ཡང་རུང་སྟེ། ཐམས་ཅད་དུ་ཉེས་བྱས
141a4 ཀྱི་ལྟུང་བར་འགྱུར་རོ། ། བཞམས་ཏེ་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཉེས་པ་སྦོམ་པོར་འགྱུར་རོ།། གཞན་ནི་སྔ་མ་ཇི་ལྟ་བ་བཞིན་དུ་བརྗོད་པར་བྱའོ།། དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་བརྒྱད་པ
141a5 རྫོགས་། ། །། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་རེ་ལྡེ་རི་ལ་འགྲོ་མགྱོགས་དང་ནབ་སོ་གཉིས་དང་། དགེ་སློང་དམར་སེར་ཅན་རྣམས་ཁྱིམ་སུན་འབྱིན
141a6 པའི་སྡིག་པའི་ཆོས་ཀུན་དུ་སྤྱོད་ཅིང་འཁོད་དོ། ། དེ་རྣམས་བུད་མེད་དང་ལྷན་ཅིག་ཏུ་ཅོ་འདྲི་བར་བྱེད། ཀུན་དུ་རྩེ་བར་བྱེད། ཅ་ཅོ་འདོན་པར་བྱེད། དགོད་པ་དང་། རྩེ་བ་དང་། ལུས་ཀྱིས་རྩབ་ཧྲལ་བྱེད་ཅིང་། དེ་རྣམས་བུད་མེད་དང་ལྷན་ཅིག་ཏུ་སྟན་གཅིག
141a7 དང་། མལ་གཅིག་ལ་འཁོད་པར་བྱེད། སྣོད་གཅིག་ཏུ་བཟའ་བ་རྣམ་པ་དུ་མ་ཟ་བར་བྱེད། སྣོད་གཅིག་ནས་བཏུང་བ་དུ་མ་འཐུང་བར་བྱེད། མེ་ཏོག་དག་འཐོག་པར་བྱེད། འཐོག་ཏུ་འཇུག་པར་བྱེད། རྣ་རྒྱན་དུ་བྱེད། རྣ་རྒྱན་དུ་བྱེད་དུ་འཇུག། མེ
iiif viewer powered by OpenSeadragon
