| e-texts navigator |
| Wylie |
140b1 ནི་ཆོས་འདི་པ་རྣམས་ལའོ། ། དེ་སྐད་ཅེས་ཟེར་ན་ཞེས་བྱ་བ་ནི་སྨྲ་ནའོ།། འཕགས་མ་ཁྱེད་ཅེས་བྱ་བ་ནི་ཁྱེད་ཅག་གོ།། དགེ་སློང་མ་འདི་ལ་ཞེས་བྱ་བ་ནི་སྦོམ་དགའ་མོ་ལའོ།། ཅི་ཡང་མ་སྨྲ་ཤིག་ཅེས་བྱ་བ་ནི་མང་ཡང་རུང་ཉུང་ཡང་རུང་ཅི་ཡང་མ་སྟོན་ཅིག་ཅེས་བྱ་བའོ།།
140b2 དགེ་ཡང་རུང་ཞེས་བྱ་བ་ནི་དགེ་བ་འཛིན་དུ་མ་གཞུག་ཅིག་ཅེས་བྱ་བའོ།། སྡིག་ཀྱང་རུང་ཞེས་བྱ་བ་ནི་སྡིག་པ་ལས་མ་བསླང་ཤིག་ཅེས་བྱ་བའོ།། དེ་ཅིའི་ཕྱིར་ཞེ་ན། དགེ་སློང་མ་འདི་ནི་ཆོས་སྨྲ་བ། འདུལ་བ་སྨྲ་བ་ཞེས་བྱ་བ་ནི་ཆོས་ཇི་ལྟ་བ་བཞིན་དང་། སྤྱོད་པ་ཇི་ལྟ་བ
140b3 བཞིན་དུའོ། ། འདི་ནི་ཤེས་བཞིན་དུ་སྨྲ་བ་ཡིན་གྱི་མི་ཤེས་པར་ནི་མ་ཡིན་ནོ་ཞེས་བྱ་བ་ནི་ཇི་ལྟར་ཤེས་པ་དང་ཇི་ལྟར་མཐོང་བ་དེ་བཞིན་དུ་ཐ་སྙད་འདོགས་པའོ།། འདི་གང་ལ་འདོད་པ་ཞེས་བྱ་བ་ནི་འདི་དང་བདག་ཅག་མཐུན་པར་བཟོད་པའོ།། དགེ་སློང་མ་དེ་དག་ལ་ཞེས་བྱ
140b4 བ་ནི་བཅུ་གཉིས་སྡེ་རྣམས་ལའོ། ། དགེ་སློང་མ་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ།། དེ་སྐད་ཅེས་བརྗོད་པར་བྱ་ཞེས་བྱ་བ་ནི་དེ་སྐད་ཅེས་བསྒོ་བར་བྱ་བའོ།། མཐུན་པ་ཞེས་བྱ་བ་ནི་རོ་གཅིག་པའོ།། དགེ་འདུན་ཞེས་བྱ་བ་ནི་དེ་བཞིན
140b5 གཤེགས་པའི་ཉན་ཐོས་མའི་དགེ་འདུན་ནོ། ། འབྱེད་པ་ཞེས་བྱ་བ་ནི་རྣམ་པ་གཉིས་སུ་འགྱུར་བའོ།། འཇུག་ཅེས་བྱ་བ་ནི་བརྩོན་པའོ།། དེའི་ཞེས་བྱ་བ་ནི་སྦོམ་དགའ་མོའོ།། གྲོགས་སུ་གྱུར་ཅེས་བྱ་བ་ནི་མཇུག་རྫོགས་པར་བྱེད་པའོ།། རྗེས་སུ་ཕྱོགས་པ
140b6 ཞེས་བྱ་བ་ནི་བཟོད་པ་དང་། འདོད་པ་དང་། བློ་གྲོས་དག་བསམ་པའོ།། མི་མཐུན་པར་སྨྲ་བའི་ཞེས་བྱ་བ་ནི་མཐུན་པ་དང་བྲལ་བར་བྱེད་པའོ།། དགེ་སློང་མ་དེ་དག་ལ་ཞེས་བྱ་བ་ནི་བཅུ་གཉིས་སྡེ་རྣམས་ལའོ།། དགེ་སློང་མ་རྣམས་ཀྱིས་ཞེས་བྱ་བ་ནི་ཆོས་འདི
140b7 པ་རྣམས་ཀྱིས་སོ། ། དེ་སྐད་ཅེས་བརྗོད་པར་བྱ་ཞེས་བྱ་བ་ནི་དེ་སྐད་བསྒོ་བར་བྱ་བའོ།། ཕུ་ནུ་མོ་དགེ་འདུན་གྱི་དབྱེན་མི་མཐུན་པར་སྨྲ་བའི་རྗེས་སུ་ཕྱོགས་པ་འདི་ལྟ་བུ་འདི་ཐོང་ཤིག་ཅེས་བྱ་བ་ནི་རྣམ་གྲངས་དུ་མས་དགེ་འདུན་དབྱེ་བར་འདོད་པར་མ་བྱེད་ཅེས་བྱ་བའོ།། གལ་ཏེ
iiif viewer powered by OpenSeadragon
