| e-texts navigator |
| Wylie |
131a1 བམ་པོ་བཅུ་པ། ལས་ནི་འདི་ལྟར་བྱ་སྟེ། ལན་གསུམ་དུ་བརྗོད་པ་རྒྱས་པར་བྱའོ།། དེ་ལྟར་དེ་དག་ལ་དགེ་སློང་མ་རྣམས་ཀྱིས་གསོལ་བ་དང་བཞིའི་ལས་ཀྱིས་བསྒོ་བ་ན་གཞི་དེ་ཉིད་ལ་ནན་གྱིས་ཞེས་བྱ་བ་ནས་འདི་ཁོ་ན་བདེན་གྱི་གཞན་ནི
131a2 རྨོངས་པའོ་ཞེས་བྱ་བའི་བར་གྱི་སྐབས་དེ་དགེ་སློང་མ་རྣམས་ཀྱིས་དགེ་སློང་རྣམས་ལ་སྨྲས་སོ། ། དགེ་སློང་དག་གིས་ཀྱང་། བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བ་མཛད་པའི་བར་དུ་སྟེ།
131a3 ཡང་དགེ་སློང་མ་གང་དག་འདྲེས་པར་གནས་ཤིང་། དེ་དག་འདྲེས་པར་གནས་པ་ན་དགོད་པ་དང་། རྩེ་བ་དང་། ལུས་ཀྱིས་རྩབ་ཧྲལ་བྱེད་ན། དགེ་སློང་མ་དེ་དག་ལ་དགེ་སློང་མ་རྣམས་ཀྱིས་འདི་སྐད་ཅེས་བརྗོད་པར་བྱ་སྟེ། ཕུ་ནུ་མོ་ཁྱེད་འདྲེས་པར་མ་གནས་ཤིག།
131a4 ཁྱེད་འདྲེས་པར་གནས་ན་དགེ་བའི་ཆོས་རྣམས་ཉམས་པ་ཁོ་ནར་འགྱུར་གྱི་འཕེལ་བ་ནི་མ་ཡིན་པར་རིག་པར་བྱའོ།། ཁྱེད་ཐ་དད་དུ་གནས་ན་དགེ་བའི་ཆོས་རྣམས་འཕེལ་བ་ཁོ་ནར་འགྱུར་གྱི་ཉམས་པ་ནི་མ་ཡིན་པར་རིག་པར་བྱའོ།། གལ་ཏེ་དགེ་སློང་མ་རྣམས་ཀྱིས་དགེ
131a5 སློང་མ་དེ་དག་ལ་དེ་སྐད་ཅེས་བརྗོད་པ་ན་གཞི་དེ་གཏོང་ན་དེ་ལྟ་ན་ལེགས། ཇི་སྟེ་ཐ་དད་དུ་མི་གནས་ཀྱི་འདྲེས་པ་ཁོ་ནར་གནས་ན་གཞི་དེ་གཏོང་དུ་གཞུག་པའི་ཕྱིར་དགེ་སློང་མ་དེ་དག་ལ་དགེ་སློང་མ་རྣམས་ཀྱིས་ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང
131a6 དག་པར་བསྟན་པར་བྱའོ། ། ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཆོས་འདི་ཡང་ངེས་པར་འབྱུང་བ་དང་བཅས་པ་སྟེ་དགེ་འདུན་ལྷག་མའོ།། ཡང་དགེ་སློང་མ་གང
131a7 དག་ཅེས་བྱ་བ་ནི་འཆི་ལྟས་དང་། ཉེ་བའི་འཆི་ལྟས་སོ།། འདྲེས་པར་གནས་པ་ནི་ཚོལ་བ་སྟེ། སྟན་དང་མལ་དང་ཟས་ཀྱིས་འདྲེས་པར་གནས་པའོ།། དགོད་པ་ནི་འཕྱར་བའོ།། རྩེ་བ་ནི་རྩེད་མོའོ།། ལུས་ཀྱི་རྩབ་ཧྲལ་ནི་དགོད་བྲོར་རུང་བའོ།། དགེ་སློང་མ་དེ་དག་ལ
iiif viewer powered by OpenSeadragon
