| e-texts navigator |
| Wylie |
129b1 གཏོང་བ་དེ་ལྟ་ན་ལེགས། ཇི་སྟེ་གཏོང་བར་མི་བྱེད་ན་གཞི་དེ་གཏོང་བར་བྱ་བའི་ཕྱིར་ལན་གཉིས་ལན་གསུམ་གྱི་བར་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ།། ལན་གཉིས་ལན་གསུམ་གྱི་བར་དུ་ཡང་དག་པར་བསྒོ། ཡང་དག་པར་བསྟན
129b2 པ་ན། གལ་ཏེ་གཞི་དེ་གཏོང་བ་དེ་ལྟ་ན་ལེགས། ཇི་སྟེ་གཏོང་བར་མི་བྱེད་ན་ཆོས་འདི་ཡང་དང་པོ་ཉིད་ཀྱིས་ལྟུང་བར་འགྱུར་ལ། ངེས་པར་འབྱུང་བ་དང་བཅས་པ་སྟེ་དགེ་འདུན་ལྷག་མར་འགྱུར་རོ།། དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ།། འཐབ་མོ
129b3 བྱེད་ཅིང་གནས་ལ་ཞེས་བྱ་བ་ནི་ཕྱོགས་གཉིས་སུ་གྱུར་པ་ལའོ། ། དགེ་སློང་མ་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ།། ཕུ་ནུ་མོ་ཁྱོད་འཐབ་མོ་མ་བྱེད་ཅིག་ཅེས་བྱ་བ་ནི་ཕྱོགས་གཉིས་སུ་མ་བྱེད་ཅིག་ཅེས་སོ།། ཁྲོས་ནས་ཞེས་བྱ་བ་ནི་ཡིད་མི་བདེ་ནས
129b4 སོ། ། འདི་སྐད་ཅེས་གང་གི་ཕྱིར་འཐབ་མོ་བྱེད་པ་ཁ་ཅིག་ལ་ནི་སྨྲ་བར་བྱེད་ལ། ཁ་ཅིག་ལ་ནི་སྨྲ་བར་མི་བྱེད་པས་ཞེས་བྱ་བ་ནས་འཇིགས་པས་འགྲོ་བའོ་ཞེས་བྱ་བའི་བར་དུ་ཟེར་བའི་དགེ་སློང་མ་དེ་ལ་ཞེས་བྱ་བ་ནི་སྦོམ་དགའ་མོ་ལའོ།། དགེ་སློང་མ་རྣམས་ཀྱིས་ཞེས
129b5 བྱ་བ་ནི་ཆོས་འདི་པ་རྣམས་ཀྱིས་སོ། ། འདི་སྐད་ཅེས་བྱ་བ་ནི་བཞམས་ཏེ་བསྒོ་བ་སྔ་མ་ཇི་ལྟ་བ་བཞིན་དུ་བསྒོ་བར་བྱ་བའོ།། བཞམས་ཏེ་བསྒོ་བ་ན་གཞི་དེ་གཏོང་བ་དེ་ལྟ་ན་ལེགས་ཞེས་བྱ་བ་ནི་དེ་ལྟ་ན་བཟང་བའོ།། ཇི་སྟེ་གཏོང་བར་མི་བྱེད་ན་ཞེས་བྱ་བ་ནི་འདུན
129b6 པས་འགྲོ་བའོ་ཞེས་བྱ་བ་ལ་སོགས་པའི་ཚིག་དེའོ། ། ལན་གཉིས་ལན་གསུམ་གྱི་བར་དུ་ཡང་དག་པར་བསྒོ། ཡང་དག་པར་བསྟན་པ་ན་ཞེས་བྱ་བ་ནི་སྔར་གསོལ་བ་དང་བཞིའི་ལས་ཀྱིས་ཇི་སྐད་བསྒོ་བ་བཞིན་དུ་བྱས་ནའོ།། གཞན་ནི་སྔ་མ་བཞིན་ནོ།། དེ་ལ
129b7 ལྟུང་བར་ཇི་ལྟར་འགྱུར་ཞེ་ན། ཇི་ཙམ་དུ་དགེ་སློང་མས་དགེ་སློང་མ་རྣམས་ལ་འདི་སྐད་ཅེས། འདུན་པས་འགྲོའོ་ཞེས་སྨྲས་ན་ཉེས་བྱས་སུ་འགྱུར་རོ།། ཞེ་སྡང་གིས་འགྲོའོ་ཞེས་བྱས་ན་ཉེས་བྱས་སུ་འགྱུར་རོ།། གཏི་མུག་གིས་འགྲོའོ་ཞེས་བྱས་ན་ཉེས་བྱས་སུ་འགྱུར་རོ།།
iiif viewer powered by OpenSeadragon
