| e-texts navigator |
| Wylie |
124a1 ཞེས་བྱ་བ་ནི་བུ་ལོན་བདའ་བའི་དཔང་རྒྱའོ། ། ལེན་པར་བྱེད་ན་ཞེས་བྱ་བ་ནི་ལེན་ནའོ།། ཆོས་འདི་ཡང་ཞེས་བྱ་བ་འདི་ནི་ཆོས་མ་ཡིན་པ་ལ་ཆོས་ཀྱི་སྒྲར་བསྟན་པའོ།། གཞན་ནི་སྔ་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང
124a2 མ་ཆགས་རྒྱ་ལེན་པར་བྱེད་ན་ཇི་ལྟར་ཡང་རུང་སྟེ་དགེ་འདུན་ལྷག་མར་འགྱུར་རོ། ། ཚེགས་ཆུང་ངུས་ཁུགས་པ་དང་། ལས་དང་པོ་པ་ལ་སོགས་པ་ལ་ལྟུང་བ་མེད་དོ།། དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་བཅུ་གཅིག་པ་རྫོགས་།། །། གླེང
124a3 གཞི་ནི་མཉན་ཡོད་ནའོ། ། དེའི་ཚེ་མཉན་ཡོད་ན་དགེ་སློང་མ་འདུན་མ་ཞེས་བྱ་བ་འཐབ་མོ་བྱེད་པ། འགྱེད་པར་བྱེད་པ། འཐབ་ཀྲོལ་བྱེད་པ། རྩོད་པར་བྱེད་པ། དེའི་བུ་མོ་འདུན་མ་མོ་ཞེས་བྱ་བ་དེ་ཐོས་སོ་ཅོག་དེ་ཐམས་ཅད་མ་ལ་ཟློས་པར་བྱེད་དོ།། དེའི
124a4 རྒྱུས་དགེ་སློང་མའི་དགེ་འདུན་རྣམས་འཚང་ཀར་ལྷགས་ཏེ་འཐབ་པ་དང་རྩོད་པར་བྱེད་དོ། ། དེ་ནས་དགེ་སློང་མའི་དགེ་འདུན་གྱིས་རྩད་ཆོད་ནས་འདུན་མ་བསོད་སྙོམས་ལ་སོང་བའི་འོག་ཏུ་དགེ་སློང་མའི་དགེ་འདུན་གྱིས་དགེ་སློང་མ་འདུན་མ་མོ་མ་མཐོང་བའི་ཕྱིར་གནས་ནས
124a5 དབྱུང་བའི་ལས་བྱས་སོ། ། དེ་ནས་འདུན་མ་མོ་ངུ་ཞིང་མ་ལ་དགེ་འདུན་མས་བདག་ལ་མ་མཐོང་བའི་ཕྱིར་གནས་ནས་དབྱུང་བའི་ལས་བྱས་སོ་ཞེས་སྨྲས་པ་དང་། དེས་འདི་སྐད་ཅེས་ཁམས་གསུམ་ནས་བསྐྲད་པའི་ལས་ཀྱང་བྱེད་ལ་རག་གོ་ཞེས་སྨྲས་ནས། དེ་ཡང
124a6 དཀྱིལ་འཁོར་གྱི་མཚམས་ཀྱི་ཕྱི་རོལ་དུ་སོང་སྟེ་བཟོད་པ་གསོལ་དུ་བཅུག་ནས་དེ་དང་ལྷན་ཅིག་གནས་པར་བྱེད། ལྷན་ཅིག་ཟ་བར་བྱེད། ལྷན་ཅིག་ཁྱིམ་ན་ཉལ་བར་བྱེད་པ་དང་། དགེ་སློང་མ་དེ་དག་གིས་འདུན་མ་ལ་འདི་སྐད་ཅེས་སྨྲས་སོ།། ཁྱོད་ཅི་བསྐྲད་པ་དང
124a7 ལྷན་ཅིག་གནས་པར་བྱེད་དམ། ཟ་བར་བྱེད་དམ། ཁྱིམ་ན་ལྷན་ཅིག་གནས་པར་བྱེད་དམ། དེས་འདི་སྐད་ཅེས་སྨྲས་སོ།། ཅི་བསྐྲད་ཅེས་ཏེ་ཕྱོགས་དང་ཡུལ་དུ་འདུག་ཏུ་མི་རུང་ངམ། དགེ་སློང་མ་དེ་དག་གིས་སྨྲས་པ། དགེ་སློང་མའི་དགེ་འདུན་མ་ལ་བཟོད་པ
iiif viewer powered by OpenSeadragon
