| e-texts navigator |
| Wylie |
123b1 སླད་དུ་ཆེས་སྔར་མ་བྱོན། བདག་འགུམ་པར་འགྱུར་བ་འདྲ་ནས་བདག་གིས་ཐམས་ཅད་འཇིག་རྟེན་ཕ་རོལ་དུ་བསྐྱས་ལགས་སོ།། དེས་འདི་སྐད་ཅེས་སྨྲས་སོ།། མཚར་བྱས་ཏེ་ཅང་མི་ཉེས་པར་ལོ་བརྒྱར་འཚོ་བར་འགྱུར་རོ།། དེས་འདི་སྐད་ཅེས་སྨྲས་སོ།། འཕགས
123b2 མ་ཆགས་རྒྱ་བཞེད་དམ། དེས་འདི་སྐད་ཅེས་སྨྲས་སོ།། བཞིན་གལ་ཏེ་བྱིན་པར་གྱུར་ནའོ།། དེ་ནས་དེས་དེ་ལ་བྱིན་ནོ།། དེས་ཆགས་རྒྱ་བླངས་ནས་ཁྱིམ་བདག་གཞན་ག་ལ་བ་དེར་སོང་སྟེ་ཕྱིན་ནས་ཁྱིམ་བདག་དེ་ལ་འདི་སྐད་ཅེས་སྨྲས་སོ།། བཞིན་འདི
123b3 ཅུང་ཞིག་ལྷོགས། དེས་བཀླགས་སོ།། བཀླགས་ནས་ཀྱང་འདི་སྐད་ཅེས་འདི་འཕགས་མ་ཁྱོད་མངའ་འམ། དེས་སྨྲས་པ། བདག་དབང་ངོ་།། བདག་གིས་དབུལ་བར་བགྱིའོ།། དེ་ནས་སྦོམ་དགའ་མོས་ཁྱིམ་བདག་དེ་བཟུང་ནས་གལ་ཏེ་ཁྱོད་ཀྱིས་འདི་ང་ལ་མ་བྱིན
123b4 པར་འགྲོ་ན་རྒྱལ་པོའི་ཕོ་བྲང་དུ་དབུལ་ལོ་ཞེས་བྱས་པ་དང་། དེ་ཡང་དེར་འདུག་གོ།། དེའི་གྲོགས་པོ་ཞིག་འོངས་ནས་དེས་དེ་ལ་འདི་སྐད་ཅེས་སྨྲས་སོ།། འདི་ན་ཅི་བྱེད། དེས་སྨྲས་པ། ཁོ་བོ་བུ་ལོན་དེད་པས་བཟུང་ངོ་།། བུ་ལོན་དེད་པ་སུ་ཡིན། དེས་འདི་སྐད་ཅེས
123b5 སྨྲས་སོ། ། དགེ་སློང་མའོ།། དེས་སྨྲས་པ། ཁྱོད་ཀྱིས་འཇིག་རྟེན་ན་གཞན་ལས་ཅི་ཡང་མི་རྙེད་དམ་ཅི་ན་དགེ་སློང་མ་ལས་ལེན། དེ་ནས་བྲམ་ཟེ་དང་ཁྱིམ་བདག་རྣམས་གང་གི་ཕྱིར་ཆགས་རྒྱ་ཡང་ལེན་པར་བྱེད་པས་ཤཱཀྱའི་བུའི་དགེ་སྦྱོང་མ་རྣམས་ཀྱི་དགེ་སྦྱོང་གི
123b6 ཚུལ་ནི་ཚིག་པའོ། ། ཞེས་འཕྱ་བར་བྱེད། སྨོད་པར་བྱེད། ཕྱར་ཀ་གཏོང་བར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་སོ།། དགེ་སློང་དག་གིས་ཀྱང་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས
123b7 བྱ་བ་ནས་བསླབ་པ་བཅས་པའི་བར་དུའོ། ། ཡང་དགེ་སློང་མ་གང་ཆགས་རྒྱ་ལེན་པར་བྱེད་ན་ཆོས་འདི་ཡང་དང་པོ་ཉིད་ཀྱིས་ལྟུང་བར་འགྱུར་ལ་ངེས་པར་འབྱུང་བ་དང་བཅས་པ་སྟེ་དགེ་འདུན་ལྷག་མར་འགྱུར་རོ།། ཡང་དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ།། ཆགས་རྒྱ
iiif viewer powered by OpenSeadragon
