| e-texts navigator |
| Wylie |
123a1 སྡེ་ཅན་མའོ། ། རྒྱལ་པོས་བསྒོ་བ་ཞེས་བྱ་བ་ནི་གསལ་རྒྱལ་གྱིས་རང་གིས་རུང་བར་བྱས་པའོ།། ཁྱིམ་ཐབ་ཀྱིས་སྤངས་པ་ཞེས་བྱ་བ་ནི་ཁྱོས་སོ།། ཕ་མས་ཡོངས་སུ་བཏང་བ་ཞེས་བྱ་བ་ནི་དཔོག་བྱེད་དང་དཔོག་བྱེད་ཀྱི་ཆུང་མས་སོ།། དམག་མི་རྣམས
123a2 ལ་སོད་ཅིག་ཅེས་བསྒོ་བ་ཞེས་བྱ་བ་ནི་མཐུ་སྟོབས་རྡུལ་དུ་རློག་པ་དང་། རིགས་བཟང་པོ་ལའོ།། ཤེས་བཞིན་དུ་ཞེས་བྱ་བ་ནི་དེ་བདག་ཉིད་ཀྱིས་སམ། གཞན་གྱིས་སྨྲས་པ་ནས་སོ།། འཁོར་དུ་འཇོག་ན་ཞེས་བྱ་བ་ནི་ཆོས་འདུལ་བ་འདི་ལ་གསོལ་བ་དང་བཞིའི་ལས་ཀྱིས
123a3 རབ་ཏུ་འབྱིན་ཅིང་བསྙེན་པར་རྫོགས་པར་བྱེད་ནའོ། ། གཞན་ནི་སྔ་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་རྣམ་པ་འདི་ལྟ་བུའི་བུད་མེད་རབ་ཏུ་འབྱིན་པར་བྱེད་ན་ཇི་ལྟར་ཡང་རུང་སྟེ་དགེ་འདུན་ལྷག་མར་འགྱུར་རོ།། དགེ་སློང་མའི་རྣམ་པར
123a4 འབྱེད་པ་ལས་དགེ་འདུན་ལྷག་མ་བཅུ་པ་རྫོགས་། ། །། སྡོམ་ལ། གང་གི་ཚེ་ན་ཆགས་རྒྱ་དང་།། བཟོད་པ་གསོལ་དུ་འཇུག་བྱེད་དང་།། སངས་རྒྱས་ཆོས་དང་དགེ་འདུན་གཏོང་།། འདུན་དང་ཞེ་སྡང་འཇིགས་སྨྲ་དང་།། གཉིས་པོ་ལྷན་ཅིག་གནས་བྱེད
123a5 དང་། ། དེ་ཡི་རྗེས་སུ་ཕྱོགས་པ་དང་།། དགེ་འདུན་དབྱེན་དང་རྗེས་ཕྱོགས་དང་།། ཁྱིམ་སུན་བཀའ་བློ་མི་བདེ་བའོ།། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ
123a6 མཉན་ཡོད་ན་ཁྱིམ་བདག་ཅིག་ནད་ཀྱིས་ཐེབས་ནས་དགེ་སྦྱོང་དང་། བྲམ་ཟེ་དང་། བཀྲེན་པ་དང་། ཕོངས་པ་རྣམས་ལ་སྦྱིན་པ་ནི་སྦྱིན། བསོད་ནམས་ནི་བྱེད་པ་དེ་སྦོམ་དགའ་མོས་ཐོས་སོ།། དེ་ནས་སྦོམ་དགའ་མོ་ཁྱིམ་བདག་ག་ལ་བ་དེར་སོང་སྟེ་ཕྱིན
123a7 ནས་ཁྱིམ་བདག་དེ་ལ་ཆོས་བཤད་པ་བྱས་སོ། ། ཆོས་བཤད་པ་བྱས་ནས་ཀྱང་ཁྱིམ་བདག་དེ་ལ་འདི་སྐད་ཅེས་སྨྲས་སོ།། བཞིན་བུད་མེད་ནི་རྙེད་པ་ཆུང་བ་ཡིན་གྱིས་བདག་ལ་ཡང་ཅུང་ཟད་ཅིག་བྱིན་ཅིག། དེས་འདི་སྐད་ཅེས་སྨྲས་སོ།། འཕགས་མ་ཁྱོད་ཅིའི
iiif viewer powered by OpenSeadragon
