| e-texts navigator |
| Wylie |
122a1 ཧ་ཅང་བརླང་ཆེས་ཀྱིས་རྒྱལ་པོ་ལ་བདག་ཅག་གིས་ཞུ་བར་བྱའོ། ། དེ་ནས་དམག་དཔོན་དཔོག་བྱེད་དམག་གི་ཚོགས་དང་ལྷན་ཅིག་རྒྱལ་པོ་གསལ་རྒྱལ་ག་ལ་བ་དེར་སོང་སྟེ་ཕྱིན་ནས་སྐབས་དེ་དག་རྒྱས་པར་རྒྱལ་པོ་ལ་བསྙད་པ་དང་། རྒྱལ་པོས་ཀྱང
122a2 མ་ཉེས་སོ་ཞེས་བྱས་སོ། ། དེ་ནས་དམག་དཔོན་དཔོག་བྱེད་ཀྱི་བུ་མོ་སྡེ་ཅན་མ་ཞེས་བྱ་བ་དེས་ཁྲིམས་དང་འགལ་བར་བྱས་པ་ན་བུད་མེད་ཕལ་དག་གིས་འདི་སྐད་ཅེས་གལ་ཏེ་འདི་ཆད་པས་མ་བཅད་པར་གྱུར་ན་བདག་ཅག་གིས་ཀྱང་ཁྲིམས་དྲལ་བར་བྱའོ་ཞེས་སྨྲས་པ་དམག
122a3 མི་རྣམས་ཀྱིས་ཐོས་ནས་དེ་དག་གིས་དཔོག་བྱེད་ལ་སྨྲས་སོ། ། དམག་དཔོན་དཔོག་བྱེད་ཀྱིས་འདི་སྙམ་དུ་བདག་གིས་ཁྲིམས་བཅས་ལ་བདག་གིས་དྲལ་དུ་ག་ལ་རུང་སྙམ་དུ་བསམས་ནས་དམག་དཔོན་དཔོག་བྱེད་ཀྱིས་སྡེ་ཅན་མ་ཡོངས་སུ་བཏང་ནས་དམག་མི་རྣམས་ལ་སོད་ཅིག
122a4 ཅེས་བསྒོའོ། ། དེ་ནས་སྡེ་ཅན་མས་ཐོས་ནས་རིངས་པ་རིངས་པར་སོང་སྟེ་དམག་མི་རྣམས་ཀྱི་རྐང་པ་ལ་གཏུགས་ནས་བཟོད་པ་གསོལ་ལོ།། དེ་དག་གིས་སྨྲས་པ། ཁོ་བོ་ཅག་གིས་འདི་ལྟ་བུའི་མི་རིགས་པ་བྱེད་པ་ལ་བཟོད་པར་མི་ནུས་མོད་ཀྱི། འོན་ཀྱང་དམག
122a5 མི་ལ་བལྟས་པ་དོན་མེད་པར་མི་འགྱུར་བར་བྱ་བའི་ཕྱིར་དེའི་ལན་ཞག་བདུན་ན་སྦྱིན་པར་བྱའོ། ། དེས་ཀྱང་ཞག་བདུན་ན་ལན་ཐོབ་ནས་ངུ་ཞིང་སྦྱིན་པ་ནི་སྦྱིན། བསོད་ནམས་ནི་བྱེད་པ་ན་དགེ་སློང་མ་ཕྱར་མོས་སྡེ་ཅན་མ་ལ་ཅི་སྟེ་ངུ་ཞེས་དྲིས་སོ།། དེས་འདི་སྐད
122a6 ཅེས་སྨྲས་སོ། ། ཁོ་མོ་ཕས་ཡོངས་སུ་བཏང་ངོ་།། ཁོ་མོ་མས་ཡོངས་སུ་བཏང་ངོ་།། ཁོ་མོ་ཁྱོས་ཡོངས་སུ་བཏང་སྟེ་ཁོ་མོ་ནི་ཉི་མ་བདུན་ན་མེད་དོ།། དེས་འདི་སྐད་ཅེས་རེ་ཞིག་རབ་ཏུ་འབྱུང་བར་མི་འདོད་དམ་ཞེས་སྨྲས་པ་དང་། དེ་དེ་ལས་རབ་ཏུ་བྱུང་སྟེ་དེས་དེ་དབྱར
122a7 ཁང་དུ་ཁྲིད་དེ་སོང་ངོ་། ། དེ་ཡང་དམག་མི་རྣམས་ཀྱིས་ཐོས་ནས་དེ་དག་གིས་འདི་སྐད་ཅེས་གལ་ཏེ་བ་གླང་གི་རྭ་ཕྲག་ཏུ་ཞུགས་ཀྱང་དེ་ནི་གསོན་པོར་མི་བྱའོ་ཞེས་སྨྲས་སོ།། དེ་ཡང་སྡེ་ཅན་མས་ཐོས་ནས་སྐྲག་སྟེ་བཅུ་གཉིས་སྡེ་ལ་སྐྱབས་སུ་སོང་བ་དང་། དེ་དག་གིས་འདི་སྐད
iiif viewer powered by OpenSeadragon
