| e-texts navigator |
| Wylie |
121a1 ན་ཆོས་འདི་ཡང་དང་པོ་ཉིད་ཀྱིས་ལྟུང་བར་འགྱུར་ལ། ངེས་པར་འབྱུང་བ་དང་བཅས་པ་སྟེ་དགེ་འདུན་ལྷག་མར་འགྱུར་རོ།། དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ།། གཅིག་པུ་ཞེས་བྱ་བ་ནི་གཉིས་པ་མེད་པར་རོ།། འགྲོན་ལམ
121a2 ཞེས་བྱ་བ་ནི་དགོན་པའི་ལམ་མོ། ། གཞན་ནི་སྔ་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་གཅིག་པུ་འགྲོན་ལམ་དུ་འགྲོ་བར་བྱེད་ན་ཇི་ལྟར་ཡང་རུང་སྟེ་དགེ་འདུན་ལྷག་མར་འགྱུར་རོ།། གཞན་ནི་སྔ་མ་བཞིན་ནོ།། དགེ་སློང་མའི་རྣམ
121a3 པར་འབྱེད་པ་ལས་དགེ་འདུན་ལྷག་མ་བརྒྱད་པ་རྫོགས་། ། །། གླེང་གཞི་ནི་མཉན་ཡོད་ནའོ།། དེ་ནས་དགེ་སློང་མ་མང་པོ་ལྗོངས་རྒྱུ་བ་རྒྱུ་ཞིང་ཆུ་འགྲམ་ཞིག་ཏུ་ཕྱིན་ཏོ།། དེ་དག་བྱ་བ་ཅུང་ཟད་ཙམ་གྱིས་ཕྱི་རོལ་དུ་འགྲོ་བར་འདོད་ནས་གྲུ་བཙལ་བ་དང་།
121a4 མཉན་པས་ཕ་རོལ་གྱི་འགྲམ་དུ་ཕུར་པ་ལ་གྲུ་བཏགས་ཏེ་འདུག་གོ།། རེ་ཞིག་ན་དགེ་སློང་མ་རྣམས་ཀྱིས་མཐོང་ནས། དེ་དག་གིས་འདི་སྐད་ཅེས་སྨྲས་སོ།། གལ་ཏེ་བདག་ཅག་ལས་རྐྱལ་ཤེས་པ་འགའ་ཞིག་ཡོད་ན་དེ་སོང་ལ་གྲུ་བླང་བར་གྱིས་ཤིག། དེའི
121a5 ཚེ་ན་སྔོན་མཉན་པ་མོ་བྱེད་བྱེད་པ་དགེ་སློང་མ་ནག་མོ་ཞེས་བྱ་བ་དེས་འདི་སྐད་ཅེས་སྨྲས་སོ། ། འཕགས་མ་དག་བདག་སོང་ལ་གྲུ་བླང་བར་བགྱིའོ་ཞེས་སྨྲས་ནས་དེས་ཆོས་གོས་བརྟུལ་ཏེ་ཆུའི་ནང་དུ་ཞུགས་སོ།། དེ་ཡང་སྔོན་གྱི་གོམས་པ་གང་ཡིན་པ་དེ་བྲི་ཞིང་ལུས
121a6 ཀྱང་ལྕི་བར་གྱུར་པས་དབུས་སུ་ཕྱིན་པ་དང་གཏིང་དུ་བྱིང་ལ་ཐུག་པར་གྱུར་ཏོ། ། དེ་ནས་དགེ་སློང་མ་འགྲམ་ན་འདུག་པ་རྣམས་ཀྱིས་འདི་སྐད་ཅེས་སྨྲས་སོ།། ནག་མོ་རྐྱོལ་ཅིག་ནག་མོ་རྐྱོལ་ཅེས་སྨྲས་ནས། དེ་ཡང་ངལ་ཆད་དེ་འགྲམ་དུ་ཕྱིན་ཏེ་ཉི་མ་ནུབ་པ་དང་དབྱར་ཁང
121a7 དུ་འོངས་སོ། ། དགེ་སློང་མ་རྣམས་ཀྱིས་ཅུང་ཟད་བདེ་བར་བརྒྱུས་སམ་ཞེས་དྲིས་པ་དང་། དེས་ཇི་ལྟར་གྱུར་པ་དེ་དག་རྒྱས་པར་སྨྲས་པ་ན། དེ་དག་གིས་འདི་སྐད་ཅེས་སྨྲས་སོ།། ཁྱོད་གཅིག་པུ་ཆུར་ཞུགས་སམ། དེས་སྨྲས་པ། གཅིག་པུའོ།། དེ་དག
iiif viewer powered by OpenSeadragon
