| e-texts navigator |
| Wylie |
119b1 སྨྲས་པ། འདི་ནི་དེའི་ཕུ་ནུ་མོ་མཛའ་ཅན་མ་ཞེས་བྱ་བ་ཡིན་གྱིས་དེ་ཉིད་བླང་བར་གྱིས་ཤིག། དེ་ནས་མཛའ་མོའི་ཁྱོས་མཛའ་ཅན་མ་ལ་འདི་སྐད་ཅེས་སྨྲས་སོ།། གལ་ཏེ་མཛའ་ཅན་མ་སྤྲོ་ན་ཁྱིམ་འདི་དང་། མཛའ་མོའི་བུ་དང་། བུ་མོ་དག་ཡོངས་སུ་སྐྱོངས
119b2 ཤིག། མཛའ་ཅན་མས་འདི་སྙམ་དུ་གལ་ཏེ་འདིར་ཅུང་ཟད་ཅིག་སྨྲས་ན་དེ་ཉིད་དུ་བདག་བརྟུལ་ཞུགས་དང་ཕྲལ་བར་འགྱུར་བས་མི་སྨྲ་བར་བྱའོ་སྙམ་དུ་བསམས་ནས་ནམ་ནངས་པ་དང་དེ་འགྲོ་བར་བྱས་སོ།། དེ་ནས་སྐྱེས་པ་དེས་མཛའ་ཅན་མ་ལ་འདི་སྐད་ཅེས་སྨྲས་སོ།།
119b3 འཕགས་མ་ཁྱིམ་འདི་ཁྱོད་ཀྱི་ལགས་ཀྱིས་མ་བཞུད་ཅིག། དེས་འདི་སྐད་ཅེས་སྨྲས་སོ།། ཁྱོད་ཀྱི་ཁྱིམ་བཙོན་རར་གྱུར་ཅིག། ཁྱོད་ཀྱི་ཁྱིམ་མེས་ཚིག་པར་གྱུར་ཅིག་སྨྲས་ནས་སོང་ངོ་།། དེ་ལ་དགེ་སློང་མ་རྣམས་ཀྱིས་ཁྱོད་མདང་སུམ་ག་ལ་ཉལ་ཉལ་ཞེས
119b4 དྲིས་པ་དང་། དེས་སྨྲས་པ། བདག་གི་ཕུ་ནུ་མོ་དུས་ལས་འདས་པའི་དེ་ནའོ།། དེ་དག་གིས་སྨྲས་པ། གལ་ཏེ་འགའ་ཞིག་གིས་ཁྱོད་བརྟུལ་ཞུགས་དང་ཕྲལ་ན་ཁྱོད་ཀྱིས་ཅི་བྱར་ཡོད། དེས་འདི་སྐད་ཅེས་སྨྲས་སོ།། གལ་ཏེ་བདག་གིས་ཁ་རོག་པར་མ
119b5 འདུག་ན་དེང་ཉིད་དུ་བདག་བརྟུལ་ཞུགས་དང་བྲལ་བར་གྱུར་ཏོ་ཞེས་བྱ་བའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་སོ་ཞེས་བྱ་བ་ནས་བསླབ་པ་བཅས་པའི་བར་དུའོ། ། ཡང་དགེ་སློང་མ་གང་མཚན་མོ་གཅིག་པུ་ཕྱི་རོལ་དུ་གནས་པར་བྱེད་ན་ཆོས་འདི་ཡང
119b6 དང་པོ་ཉིད་ཀྱིས་ལྟུང་བར་འགྱུར་ལ། ངེས་པར་འབྱུང་བ་དང་བཅས་པ་སྟེ་དགེ་འདུན་ལྷག་མར་འགྱུར་རོ།། ཡང་དགེ་སློང་མ་གང་ཞེས་བྱ་བ་ནི་མཛའ་ཅན་མའོ་མཚན་མོ་ཞེས་བྱ་བ་ནི་ཉི་མ་ནུབ་ནས་སོ།། གཅིག་པུ་ཞེས་བྱ་བ་ནི་གཉིས་པ་མེད་པར་རོ།། ཕྱི་རོལ་དུ
119b7 གནས་པར་བྱེད་ན་ཞེས་བྱ་བ་ནི་དབྱར་ཁང་ལས་གཞན་དུ་སྐྱ་རེངས་ཤར་བར་བྱེད་ནའོ། ། གཞན་དག་ནི་སྔ་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་མཚན་མོ་གཅིག་པུ་ཕྱི་རོལ་དུ་གནས་པར་བྱེད་ན་ཇི་ལྟར་གྱུར་ཀྱང་རུང་སྟེ་དགེ་འདུན
iiif viewer powered by OpenSeadragon
