| e-texts navigator |
| Wylie |
119a1 ཞིང་ངེས་པར་འབྱུང་བ་དང་བཅས་པ་སྟེ་དགེ་འདུན་ལྷག་མའོ། ། དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ།། དགེ་སློང་མ་ལ་ཞེས་བྱ་བ་ནི་གཙུག་དགའ་མོ་ལའོ།། རེ་ཞིག་ཁྱོད་མ་ཆགས་པར་གྱིས་ལ་ཞེས་བྱ་བ་ནི་འདོད་མ་ཆགས་པ་དང་། ཀུན་དུ
119a2 འདོད་མ་ཆགས་པ་དང་། ཀུན་ནས་མ་དཀྲིས་པར་གྱིས་ལའོ།། སྐྱེས་པ་ཆགས་པ་ལས་ཞེས་བྱ་བ་ནི་འདོད་ཆགས་པ་དང་། ཀུན་དུ་འདོད་ཆགས་པ་དང་། ཀུན་ནས་དཀྲིས་པ་ལས་སོ།། ཅུང་ཟད་བདག་གིར་གྱིས་ཞེས་བྱ་བ་ནི་བཟའ་བ་ལྔ་དང་། བཅའ་བ་ལྔ་ལོང
119a3 ལ་བདག་གིར་གྱིས་ཤིག་པ་སྟེ་འདི་ནི་སྔ་མ་བཞིན་ནོ། ། འདི་སྐད་དུ་ཟེར་ན་ཞེས་བྱ་བ་ནི་སྨྲ་ནའོ།། དེ་ལ་ལྟུང་བར་ཇི་ལྟར་འགྱུར་ཞེ་ན། གང་ཅུང་ཟད་ཇི་ཙམ་དུ་དགེ་སློང་མས་དགེ་སློང་མ་ལ་འདི་སྐད་ཅེས་ཁྱོད་ཚུར་མ་ཆགས་པར་གྱུར་ནས་སྐྱེས་པ་ཆགས་པ་ལས་ཅུང
119a4 ཟད་ལོང་ལ་བདག་གིར་གྱིས་ཤིག་ཅེས་ཟེར་ན་ཐམས་ཅད་དུ་དགེ་འདུན་ལྷག་མར་འགྱུར་རོ། ། དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་ལྔ་པ་རྫོགས་།། །། དགེ་སློང་མའི་འདུལ་བ་རྣམ་པར་འབྱེད་པ། བམ་པོ་དགུ་པ། སངས་རྒྱས་བཅོམ
119a5 ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། ། གང་གི་ཚེ་དགེ་སློང་མ་མཛའ་མོ་རང་གིས་ཁས་བླངས་པས་བསྙིལ་བ་དེའི་ཚེ་སྐྱེས་པས་བླངས་ནས་ཁྱིམ་གྱི་འཚོ་ཚིས་བྱེད་དུ་བཅུག་ཅིང་དེ་དང་རྩེ་བར་བྱེད་པ་ན་བུ་དང་བུ་མོ་དག་ཀྱང་སྐྱེས་སོ།།
119a6 དེ་དུས་གཞན་ཞིག་ན་ནད་ཀྱིས་ཐེབས་པ་དང་། དེའི་ཕུ་ནུ་མོ་དགེ་སློང་མ་མཛའ་ཅན་མ་ཞེས་བྱ་བས་དེ་ནད་ཀྱིས་ཐེབས་པར་ཐོས་ནས་བལྟ་བའི་ཕྱིར་གཅིག་པུ་སོང་སྟེ་དེས་དེ་ལ་བལྟས་ནས་སླར་ལོག་གོ།། དེ་ནས་མཛའ་མོས་ཕུ་ནུ་མོ་ལ་འདི་སྐད་ཅེས་འཕགས་མ་གལ་ཏེ
119a7 ན་བདག་དོ་མོད་འགུམ་ཡང་གདས་མ་བཞུད་པར་འདིར་བཞུགས་ཤིག་ཅེས་སྨྲས་པ་དང་། དེ་ཡང་དེར་འདུག་གོ།། དེ་ནས་མཛའ་མོ་ཡང་དེ་ཉིད་ཀྱི་ནུབ་མོ་དུས་ལས་འདས་སོ།། དེ་ནས་མཛའ་མོའི་ཁྱོས་མྱ་ངན་བྱ་བར་བརྩམས་པ་དང་། དེའི་གྲོགས་པོ་ཞིག་གིས
iiif viewer powered by OpenSeadragon
