| e-texts navigator |
| Wylie |
118b1 ལྷག་མ་མེད་པ་ཡིན་གྱི། ལྟུང་བ་འདི་ནི་ལྷག་མ་དང་བཅས་པ་ཡིན་ཏེ། དེ་བས་ན་དགེ་འདུན་ལྷག་མ་ཞེས་བྱའོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་གང་ཆགས་པས་སྐྱེས་པ་ཆགས་པ་ལས་ཅུང་ཟད་བདག་གིར་བྱེད་ན་དགེ་འདུན
118b2 ལྷག་མའོ། ། ཆགས་པས་སྐྱེས་པ་མ་ཆགས་པ་ལས་ན་ཉེས་བྱས་སོ།། མ་ཆགས་པས་ཆགས་པ་ལས་ན་སྦོམ་པོའོ།། ལས་དང་པོ་པ་ལ་སོགས་པ་ལ་ནི་ལྟུང་བ་མེད་དོ།། དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་བཞི་པ་རྫོགས་།། །།
118b3 སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། གང་གི་ཚེ་བཅོམ་ལྡན་འདས་ཀྱིས་དགེ་སློང་མ་རྣམས་ལ་བསླབ་པ་བཅའ་བ་མཛད་པ་དང་། དེ་ཕྱིན་ཆད་ནམ་ཡང་དགེ་སློང་མ་རྣམས
118b4 ཉོ་ཚོང་མི་བྱེད་དོ། ། དེ་དག་ཕོངས་པ་དང་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དྲན་པ་ཉེ་བར་བཞག་ལ་ཉོ་བར་བྱའོ།། དེ་ནས་སྦོམ་དགའ་མོས་གཙུག་དགའ་མོ་ལ་འདི་སྐད་ཅེས་སྨྲས་སོ།། ཀྱེ་ཕུ་ནུ་མོ་རེ་ཞིག་ཁྱོད་མ་ཆགས་པར་གྱིས་ལ་ཁྱོད་མ
118b5 ཆགས་པར་གྱུར་ནས་སྐྱེས་པ་ཆགས་པ་ལས་ཅུང་ཟད་ཞིག་ལོང་ཤིག། དེས་སོང་ནས་ཇི་ལྟར་སྐྱེས་པ་ཆགས་པ་ལས་ཅུང་ཟད་བདག་གིར་བྱེད་པ་དེ་ལྟར་བྱས་སོ།། དེ་ནས་གཙུག་དགའ་མོས་སྦོམ་དགའ་མོ་ལ་འདི་སྐད་ཅེས་སྨྲས་སོ།། འཕགས་མ་སྐྱེས་པ་འདི
118b6 ནི་ཆགས་སོ། ། དེས་འདི་སྐད་ཅེས་སྨྲས་སོ།། ཅིའི་ཕྱིར་ཆགས། དེ་དེ་ལྟར་བདག་གིར་བྱེད་པ་ན་དགེ་སློང་མ་རྣམས་ཀྱིས་སྨྲས་པ། ཅིའི་ཕྱིར་དེ་ལྟར་བྱེད། དེས་འདི་སྐད་ཅེས་སྨྲས་སོ།། དེར་ཟད་མོད་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས
118b7 པ་ནས་བསླབ་པ་བཅས་པའི་བར་དུ་སྟེ། ཡང་དགེ་སློང་མ་གང་དགེ་སློང་མ་ལ་འདི་སྐད་ཅེས་ཕུ་ནུ་མོ་རེ་ཞིག་ཁྱོད་མ་ཆགས་པར་གྱིས་ལ་ཁྱོད་མ་ཆགས་པར་གྱུར་ནས་སྐྱེས་པ་ཆགས་པ་ལས་ཅུང་ཟད་བདག་གིར་གྱིས་ཤིག་ཅེས་ཟེར་ན་ཆོས་འདི་ཡང་དང་པོ་ནས་ལྟུང་བར་འགྱུར
iiif viewer powered by OpenSeadragon
