| e-texts navigator |
| Wylie |
114b1 པོར་གསར་དུ་བཙོས་ཤིང་དགེ་སློང་མ་ཨུཏྤ་ལའི་མདོག་ཀྱང་སྐྲ་བྲེགས་ནས་རིང་པོ་མ་ལོན་པར་གྱུར་ཏོ། ། དེ་ནས་ཆོས་གོས་སྣམ་སྦྱར་རླུང་གིས་ཁྱེར་ནས་དེའི་མགོ་ལ་འཁྲིས་སོ།། དེའི་ཚེ་ན་ཞིག་ཀྱང་མོ་དང་རུང་བའི་ཆོས་མ་ཡིན་པ་བྱེད་དོ།། དེ་ན
114b2 མཛའ་བོ་དང་ས་ལས་སྐྱེས་ཀྱང་རྫིང་བུ་རྡོ་རྩིགས་ཅན་ན་ཕྱག་དར་ཁྲོད་པ་འཁྲུ་བར་བྱེད་དོ། ། མཛའ་བོ་དང་། ས་ལས་སྐྱེས་ཀྱིས་དགེ་སློང་མ་ཨུཏྤ་ལའི་མདོག་ཚེ་དང་ལྡན་པ་གྱད་བུ་ནོར་གྱི་རྐང་པ་གཉིས་ལ་ཕྱག་འཚལ་བ་ན། ཆོས་གོས་ཀྱི་མཐའ་མ་རླུང་གིས་ཁྱེར་བས
114b3 མགོ་ལ་འཁྲིས་པ་དང་། ཞིག་ཀྱང་མོ་དང་རུང་བའི་ཆོས་མ་ཡིན་པ་བྱེད་པ་ཡང་མཐོང་ངོ་།། མཐོང་ནས་ཀྱང་མཛའ་བོས་ས་ལས་སྐྱེས་ལ་སྨྲས་པ། ས་ལས་སྐྱེས་ཨུཏྤ་ལའི་མདོག་དང་གྱད་བུ་ནོར་ལ་ལྟོས། དེའི་ཚེ་ནི་བདག་ཅག་གིས་ཆ་མེད་པ་ལས་བརྒལ
114b4 གྱི། ད་ནི་བདག་ཅག་གིས་ཆ་རྙེད་དོ་ཞེས་སྨྲས་ནས། དེ་གཉིས་ཀྱིས་ཆ་དེས་ཚེ་དང་ལྡན་པ་གྱད་བུ་ནོར་ལ་བརྒལ་ཏོ།། དགེ་སློང་རྣམས་ཀྱིས་ཀྱང་འདི་སྐད་ཅེས་སྨྲས་སོ།། ཁྱེད་ཅག་གཅིག་ཏུ་ལྷ་དང་མི་རྣམས་ཡོངས་སུ་བཏང་ནས་གཅིག་ཁོ་ནར་སེམས་ཅན་དམྱལ་བར
114b5 གནས་པར་བྱེད་དམ་ཅི། དེ་གཉིས་ཀྱིས་སྨྲས་པ། བདག་ཅག་གིས་ནི་མ་ཉེས་ན་བདག་ཅག་གི་མིག་གིས་ཉེས་གྲང་ཞེས་བྱ་བ་ནས་བཅོམ་ལྡན་འདས་ཀྱིས་དེ་གཉིས་ལ་ཅི་ཞིག་མཐོང་ངོ་།། ཇི་ལྟར་མཐོང་། གང་དུ་མཐོང་། གང་ན་མཐོང་། ཁྱེད་གཉིས་ཅིའི་ཕྱིར་དེར
114b6 སོན་ཅེས་ལེགས་པར་རབ་ཏུ་སྨྲས་ཤིང་བརྟག་པར་གྱིས་ཤིག་ཅེས་བཀའ་སྩལ་ཏོ་ཞེས་བྱ་བའི་བར་དུ་སྔ་མ་བཞིན་ནོ། ། དགེ་སློང་རྣམས་ཀྱིས་ཀྱང་དེ་གཉིས་ལ་ལེགས་པར་རབ་ཏུ་སྨྲས་སོ།། དེ་གཉིས་ལ་ལེགས་པར་རབ་ཏུ་སྨྲས་ཤིང་བརྟགས་པ་ན་དེ་གཉིས་ཀྱིས་འདི་སྐད
114b7 ཅེས། བདག་ཅག་གིས་ཤིག་དང་། མོ་ཞིག་ཀྱང་མཐོང་། བདག་ཅག་གིས་གྱད་བུ་ནོར་དང་། ཨུཏྤ་ལའི་མདོག་ཀྱང་མཐོང་ནས་ཆ་འདིས་བརྒལ་ཏོ་ཞེས་སྨྲས་སོ།། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས་གང་གི་ཚེ
iiif viewer powered by OpenSeadragon
