| e-texts navigator |
| Wylie |
111b1 ངན་སོང་དུ་འགྲོ་བ། སེམས་ཅན་དམྱལ་བར་འགྲོ་བ་གཉིས་པ་ཡིན་ནོ།། གཞན་ཡང་དགེ་སློང་དག་འདི་ལ་གང་ཟག་གཅིག་ནི་བདག་ཉིད་མི་ཚངས་པར་སྤྱོད་པ་བྱེད་ལ། གཞན་དག་ལ་ཡང་གཞི་མེད་པར་མི་ཚངས་པར་སྤྱོད་པའི་ཆོས་ཀྱིས་སྐུར་པ་འདེབས་པར་བྱེད
111b2 པ་སྟེ། དགེ་སློང་དག་དེ་མ་སྤངས་ན་གང་ཟག་འདི་ནི་ངན་སོང་དུ་འགྲོ་བ། སེམས་ཅན་དམྱལ་བར་འགྲོ་བ་གསུམ་པ་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང
111b3 འདི་སྐད་བཀའ་སྩལ་ཏོ། ། སྐྱེས་བུ་སྐྱེས་པའི་ཁ་ནས་ནི།། ངག་གིས་ཚིག་ངན་རྗོད་བྱེད་པའི།། སྟ་རེ་འབྱུང་ཞིང་དེ་ཡིས་ནི།། བདག་ཉིད་གཅོད་པར་བྱེད་པར་འགྱུར།། གང་ཞིག་སྨད་བྱ་སྟོད་བྱེད་ཅིང་།། བསྟོད་བྱ་རྣམས་ལ་སྨོད་བྱེད་པ།། དེ་ཡི་ཁ
111b4 ནས་ཕུང་ཁྲོལ་སྐྱེད། ། ཕུང་ཁྲོལ་ཅན་གྱིས་བདེ་མི་མྱོང་།། གང་འདིར་ཆོ་ལོས་རང་ནོར་ཟད་བྱེད་པ།། དེ་ནི་ཕུང་ཁྲོལ་ཅུང་ཟད་ཙམ་དུ་ཟད།། གང་ཞིག་བདེ་བར་གཤེགས་ལ་ཡིད་རབ་འཁྲུག། དེ་འདིར་ཕུང་ཁྲོལ་ཤིན་ཏུ་ཆེན་པོ་ཡིན།། གང་ཡིད་འཕགས
111b5 པས་སྨད་པའི་སྡིག་གནས་ན། ། བྱེ་བ་བརྒྱ་ཕྲག་སྟོང་ཕྲག་དུང་ཕྱུར་ཕྲག། སུམ་བཅུ་དྲུག་དང་ལྔ་པོ་ཇི་སྙེད་པར།། སེམས་དམྱལ་ཆུ་བུར་ཆུ་བུར་རྡོལ་བར་འགྲོ།། གང་གི་ཚེ་དགེ་འདུན་གྱིས་དགེ་སློང་མ་མཛའ་མོ་ནི་རང་གིས་ཁས་བླངས་པས་བསྙིལ།
111b6 མཛའ་བོ་དང་ས་ལས་སྐྱེས་ལ་ནི་ལེགས་པར་རབ་ཏུ་དྲིས་པ་དེའི་ཚེ། དགེ་སློང་མ་རང་བཞིན་དུ་གནས་པ་རྣམས་ཚེ་དང་ལྡན་པ་གྱད་བུ་ནོར་གྱི་བསྔགས་པ་ནི་སྨྲ་བར་བྱེད། དགེ་སློང་མ་མཛའ་མོ་ལ་ནི་བསྔགས་པ་མ་ཡིན་པ་རྗོད་པར་བྱེད་དོ།། དེ་ནས་དགེ་སློང
111b7 མ་ཨ་མཛའ་མོའི་ཕུ་ནུ་མོ་དགེ་སློང་མ་མཛའ་ཅན་མ་ཞེས་བྱ་བ་དགེ་སློང་མ་མཛའ་མོའི་བསྔགས་པ་མ་ཡིན་པ་བརྗོད་པ་དེའི་ཚེ་དགེ་སློང་མ་རྣམས་ལ་ཁྲོས་འཁྲུགས་རྔམ་པས་དགེ་སློང་མ་རྣམས་ལ་ཡང་གཞི་མེད་པར་ཕས་ཕམ་པར་འགྱུར་བའི་ཆོས་ཀྱིས་སྐུར་པ་འདེབས་ཤིང
iiif viewer powered by OpenSeadragon
