| e-texts navigator |
| Wylie |
105a1 རྒྱས་བཅོམ་ལྡན་འདས་ལྟར་འགྲོའོ། ། དེ་ནས་ཚེ་དང་ལྡན་པ་གྱད་བུ་ནོར་གྱིས་འདི་སྙམ་དུ་བདག་གིས་མཁན་པོ་དང་། དགེ་བའི་བཤེས་གཉེན་ལ་བརྟེན་པས་བཅོམ་ལྡན་འདས་ཀྱི་ཆོས་ཀྱི་སྐུ་ནི་མཐོང་ན། གཟུགས་ཀྱི་སྐུ་མ་མཐོང་བས་བདག
105a2 བཅོམ་ལྡན་འདས་གང་ན་བ་དེར་འགྲོའོ་སྙམ་དུ་བསམས་སོ། ། དེ་ལྟར་བསམས་ནས་ཀྱང་གྱད་བུ་ནོར་གྱིས་མཁན་པོ་ལ་འདི་སྐད་ཅེས་སྨྲས་སོ།། མཁན་པོ་བདག་གིས་མཁན་པོ་དང་། དགེ་བའི་བཤེས་གཉེན་ལ་བརྟེན་ནས་བཅོམ་ལྡན་འདས་ཀྱི་ཆོས་ཀྱི་སྐུ་ནི
105a3 མཐོང་ན། གཟུགས་ཀྱི་སྐུ་མ་མཐོང་བས་ད་ནི་གཟུགས་ཀྱི་སྐུ་བལྟ་བར་འཚལ་ལོ།། དེ་སྐད་ཅེས་སྨྲས་པ་དང་། རྟ་ཐུལ་གྱིས་གྱད་བུ་ནོར་ལ་འདི་སྐད་ཅེས་སྨྲས་སོ།། བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི
105a4 དཔེར་ན་ཨུ་དུམ་བཱ་རའི་མེ་ཏོག་ལྟར་ཤིན་ཏུ་མཐོང་བར་དཀའ་བ་ཡིན་པས། བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བལྟ་བར་གྱིས་ཤིག། དེ་ནས་ཚེ་དང་ལྡན་པ་གྱད་བུ་ནོར་མཁན་པོས་རྗེས་སུ་གནང་བས་ནེའུ་ལྡངས་མཁན
105a5 པོ་གཅིག་པ་རྣམས་དང་ལྷན་ཅིག་ཏུ་བཅོམ་ལྡན་འདས་གང་ན་བ་དེར་དོང་ངོ་། ། དེའི་ཚེ་ན་བཅོམ་ལྡན་འདས་འཁོར་བརྒྱ་ཕྲག་དུ་མ་ལ་ཆོས་སྟོན་ཏེ། བཅོམ་ལྡན་འདས་ཀྱིས་གྱད་བུ་ནོར་རྒྱང་རིང་པོ་ཁོ་ན་ནས་འོངས་པ་གཟིགས་སོ།། གཟིགས་ནས་ཀྱང་གྱད་བུ
105a6 ནོར་ལ་བཀའ་སྩལ་པ། གྱད་བུ་ནོར་ཚུར་ཤོག། འོངས་པ་ལེགས་སོ།། ཁྱོད་དུས་སུ་ཕྱིན་ཏོ་ཞེས་བཀའ་སྩལ་ཏོ།། དེའི་ཚེ་ན་གནས་མལ་མི་མཐུན་པར་འབོགས་པར་བྱེད་དོ།། མདོ་སྡེ་འཛིན་པ་རྣམས་དང་འདུལ་བ་འཛིན་པ་རྣམས་སུ་ལྷན་ཅིག་མདོ་སྡེ
105a7 འཛིན་པ་རྣམས་དང་། མ་མོ་འཛིན་པ་རྣམས་སུ་ལྷན་ཅིག། འདུལ་བ་འཛིན་པ་རྣམས་དང་། མདོ་སྡེ་འཛིན་པ་རྣམས་སུ་ལྷན་ཅིག། འདུལ་བ་འཛིན་པ་རྣམས་དང་། མ་མོ་འཛིན་པ་རྣམས་སུ་ལྷན་ཅིག་ཅེས་བྱ་བ་ནས་དེ་བཞིན་དུ་མུ་གསུམ་པ་ཡང་སྦྱར
iiif viewer powered by OpenSeadragon
