| e-texts navigator |
| Wylie |
101b1 ལ་སྙིང་བརྩེ་གང་། ། སེམས་ཅན་ཀུན་ལ་བྱིན་པ་བས།། སྙིང་བརྩེ་གཅིག་ཏུ་ཁྱད་པར་འཕགས།། དེ་དག་རླུང་ལྟར་འགྲོ་ཞིང་གཞན་གྱིས་སྡུག་བསྔལ་བར་བྱས་པ་དེ་དག་བྱེར་བར་གྱུར་ཀྱང་མདའ་མ་འཕངས་སོ།། འདི་ལྟར་སེམས་ཅན་ཐམས་ཅད་ནི
101b2 ཤེས་པ་གཅིག་པོ་ཀུན་རྫོབ་ཤེས་པ་དང་ལྡན་པ་ཡིན་པས་དེ་དག་གིས་འདི་སྙམ་དུ་བདག་ཉིད་ཆེན་པོ་འདི་ནི་སྙིང་རྗེ་ཅན་ཡིན་ནོ་སྙམ་དུ་བསམས་ཏེ། དེ་དག་དེ་ལ་ལེགས་པར་ཐུགས་ཀྱང་འཇིགས་པ་མེད་པར་བྱེར་རོ།། དེ་ནས་གྱད་བུ་ནོར་འདི་སྙམ་དུ་གལ་ཏེ
101b3 བདག་གིས་མདའ་མ་འཕངས་པ་གྲོགས་པོ་འགའ་ཞིག་གིས་ཐོས་ན་ཡིད་མི་དགའ་བར་འགྱུར་རོ། ། སྙམ་དུ་བསམས་ཤིང་། དེ་ཡང་འདི་སྙམ་དུ་མ་ལ་དེ་དག་བདག་ལ་གཤེ་བར་འགྱུར་བ་ཡོངས་སུ་སྤང་བའི་ཕྱིར་དང་། བདག་སྦྱོར་བ་ལ་གོམས་པར་ཤེས་པར་བྱ་བའི་ཕྱིར
101b4 མདའ་འཕང་ངོ་སྙམ་དུ་བསམས་ནས། དེས་དེ་ལྟར་བསམས་ཏེ། འདི་ལྟར་སེམས་ཅན་འགའ་ལ་ཡང་གནོད་པ་སྐྱེད་པར་མི་འགྱུར་བར་མདའ་འཕངས་སོ།། དེས་ཀྱང་བསླབས་པས་མདའ་རྣམས་རྭ་ཕྲག་དང་རྐང་ལག་གི་བར་དང་སྤུ་གསེབ་དང་རྣ་བར་དག་ཏུ་འཕངས
101b5 ཏེ་བཏང་ངོ་། ། དེས་དེ་ལྟར་མདའ་སྟོང་པོ་དེ་དག་སེམས་ཅན་གཅིག་ལ་གནོད་པར་མི་འགྱུར་བར་དེ་ལྟར་འཕངས་སོ།། དེ་ནས་དེ་དག་ཤིན་ཏུ་ཐལ་ནས་དོང་བ་དང་། དེའི་གྲོགས་པོ་རྣམས་འོངས་ནས་འཕན་ཀར་འདུག་སྟེ། ཕན་ཚུན་དུ་འདི་སྙམ་དུ་དེང་བདག
101b6 ཅག་གིས་ཕལ་མོ་ཆེ་ཀུན་ནས་བསྐོངས་ལ་གྱད་བུ་ནོར་འདི་ཡང་གནས་བཞི་དང་། འཕང་བ་རྣམ་པ་ལྔ་ལ་བྱང་བ་ཡིན་པས་དེ་རིང་མང་པོ་ཞིག་བསད་པར་གྱུར་ན། ཁུར་ཁལ་དག་ཁྱེར་ཏེ་མ་འོངས་པ་ནི་གཅིག་ཏུ་ཉེས་པ་བྱས་སོ།། སྙམ་དུ་བསམས
101b7 སོ། ། ཇི་ཙམ་དྲུང་དུ་ཕྱིན་ན་དེ་དག་གིས་གཅིག་ཀྱང་མ་བསད་པར་མཐོང་ངོ་།། མཐོང་ནས་ཀྱང་གྱད་བུ་ནོར་དེ་ལ་འདི་སྐད་ཅེས་སྨྲས་སོ།། གྲོགས་པོ་དེ་དག་གར་སོང་། དེས་འདི་སྐད་ཅེས་སྨྲས་སོ།། བྲོས་ཏེ་སོང་ངོ་།། དེ་དག་གིས་སྨྲས་པ། ཅི་ཁྱོད
iiif viewer powered by OpenSeadragon
