| e-texts navigator |
| Wylie |
100a1 དང་ཞེས་བྱ་བ་ནས་སྐྱེད་པར་བྱེད་དོ་ཞེས་བྱ་བའི་བར་དུའོ། ། མངག་གཞུག་མ་བུ་མོ་ཞིག་གིས་དེ་ཕྲག་པ་ལ་བླངས་ཏེ་སྲང་དུ་ཞུགས་པ་དང་། དེ་ན་བྲམ་ཟེ་མཚན་མཁན་ཞིག་གིས་མཐོང་ནས་འདི་སྐད་ཅེས་སྨྲས་སོ།། རྐང་གཉིས་པ་བསོད་ནམས
100a2 ཀྱི་ཞིང་ཡིན་ནོ་ཞེས་བྱ་བ་ནས་ཕ་ལས་བླངས་ཏེ་ཞེས་བྱ་བའི་བར་དང་། ཏིལ་མར་དྲི་ཞིམ་པོས་བྱུགས་ནས་ཞེས་བྱ་བ་ནས་མཆོད་པ་བྱས་ནས་ཕྱིར་ཁྱིམ་དུ་བསྐྱལ་ཏོ་ཞེས་བྱ་བའི་བར་དུའོ།། གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང་། རྩིས་སློབ་ཏུ་བཅུག་གོ་ཞེས་བྱ་བ
100a3 ནས་རྩིས་དང་། གཞན་དག་ལ་དེ་བློ་རྣོ་བ་དང་། བྱང་བར་གྱུར་ཏོ།། རྒྱལ་རིགས་རྣམས་ཀྱི་བཟོའི་གནས་དང་། ལས་ཀྱི་གནས་གང་དག་ཡིན་པ་འདི་ལྟ་སྟེ། གླང་པོ་ཆེའི་གཉའ་བར་ཞོན་པ་དང་། རྟ་ལ་ཞོན་པ་དང་། ཤིང་རྟའི་ཐབས་དང་། རལ་གྲིའི
100a4 ཐབས་དང་། འཕོང་ཐབས་དང་། ཕྱིར་བསྣུར་བ་དང་། མདུན་དུ་བསྣུར་བ་དང་། ལྕགས་ཀྱུས་བསྒྱུར་བའི་ཐབས་དང་། ཞགས་པ་གདབ་པ་དང་། རྡོ་རྗེ་རྩེ་གཅིག་པ་འཕང་བ་དང་། འཁོར་ལོ་འཕང་བའི་ཐབས་དང་། མདའ་བོ་ཆེ་འཕང་བའི་ཐབས་དང་། འཛིན
100a5 སྟངས་དང་། གོམ་སྟངས་དང་། ཐོར་ཚུགས་བཅིང་བ་དང་། བཅད་པ་དང་། གཏུབ་པ་དང་། དབུག་པ་དང་། དྲལ་བ་དང་། གཤེག་པ་དང་། རྒྱང་ནས་ཕོག་པ་དང་། སྒྲ་གྲག་པར་ཕོག་པ་དང་། གནད་དུ་སྣུན་པ་དང་། མི་འཆོར་བར་ཕོག་པ་དང་།
100a6 ཚབས་ཆེར་ཕོག་པར་བྱ་བ་ལ་ཕ་རོལ་དུ་ཕྱིན་པར་གྱུར་ཏོ།། གནས་བཞི་རྣམས་དང་། འཕེན་པ་ལྔ་རྣམས་དང་། རིག་པའི་གནས་བརྒྱད་པོ་རྣམས་ལ་མཆོག་ཏུ་བློ་རྣོ་བ་དང་བྱང་བར་གྱུར་ཏོ།། ཕས་ཀྱང་དེའི་སྐྱེད་མོས་ཚལ་གསུམ་པོ་དགུན་གྱི་དང་། དཔྱིད་ཀྱི
100a7 དང་། དབྱར་གྱི་རྣམས་བྱེད་དུ་བཅུག་སྟེ། དགུན་གྱི་ནི་གཅིག་ཏུ་དྲོ་བའོ།། དཔྱིད་ཀྱི་ནི་གཅིག་ཏུ་བསིལ་བའོ།། དབྱར་གྱི་ནི་ཧ་ཅང་མི་དྲོ་ཧ་ཅང་མི་གྲང་བའོ།། ཆུང་མའི་འཁོར་གསུམ་པོ་ཆེན་མ་དང་། བར་མ་དང་། ཆུན་མ་ཡང་བཞག་གོ།། དེ་ཡང
iiif viewer powered by OpenSeadragon
