| e-texts navigator |
| Wylie |
145b1 མཚམས་ཀྱི་ནང་དུ་མཆིས་ནས་བསླང་བ་གསོལ་ཏེ། ཡང་དང་ཡང་དུ་ལྟུང་བ་འབྱིན་པ་ཡང་སྤོང་བར་བགྱིད་ན། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་བ་ཉེ་བར་བཟུང་སྟེ། བདག་དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ་སྨད་པའི་ཕྲིན་ལས་མཛད་ལགས
145b2 པ་བསླང་བར་གསོལ། དེ་སྐད་ཅེས་ལན་གཉིས་ལན་གསུམ་དུ་བརྗོད་པར་བྱའོ།། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ།། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལེགས་ལྡན་འདི་ཡང་དང་ཡང་དུ་ལྟུང་བ་འབྱིན་ཏེ་ཞེས་བྱ་བ་ནས
145b3 ནང་དུ་སེམས་ཞི་གནས་སུ་བགྱི་བར་ཞེས་བྱ་བའི་བར་གོང་མ་བཞིན་དུ་སྟེ། དགེ་འདུན་གྱིས་འདི་ཡང་དང་ཡང་དུ་ལྟུང་བ་བགྱིད་པས་སྨད་པའི་ཕྲིན་ལས་མཛད་དེ། སྨད་པའི་ཕྲིན་ལས་མཛད་ལགས་པ་འདི་སྐྲ་གྱེན་དུ་འགྲེང་བ་ལྟ་བུ་དང་། སྐྲ་ཞིག་པ་ལྟ་བུར་དགེ་འདུན་ལ་སྤུ་ས་ལ
145b4 ལྟུང་བ་ལྟ་བུར་བགྱིད་ཅེས་བྱ་བ་ནས། ཡང་དང་ཡང་དུ་ལྟུང་བ་འབྱིན་པ་ཉིད་ཀྱང་སྤོང་ངོ་ཞེས་མཆིས་ན་ཞེས་བྱ་བའི་བར་གོང་མ་བཞིན་དུ་སྟེ། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་ལེགས་ལྡན་ཡང
145b5 དང་ཡང་དུ་ལྟུང་བ་འབྱིན་པ་སྨད་པའི་ཕྲིན་ལས་མཛད་ལགས་པ་སློང་བར་མཛད་དོ། ། འདི་ནི་གསོལ་བའོ།། ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ་སྨད་པའི་ཕྲིན་ལས་མཛད་ལགས་པ་འདི་སྐྲ་གྱེན་དུ་འགྲེང
145b6 བ་ལྟ་བུ་དང་། སྐྲ་ཞིག་པ་ལྟ་བུར་དགེ་འདུན་ལ་སྤུ་ས་ལ་ལྟུང་བ་ལྟ་བུར་བགྱིད། འབྱུང་བར་བསྐྱོད། མཚུངས་པར་ཉེ་བར་སྟོན། མཚམས་ཀྱི་ནང་དུ་མཆིས་ནས་བསླང་བ་གསོལ་ཏེ། ཡང་དང་ཡང་དུ་ལྟུང་བ་བགྱིད་པ་ཉིད་ཀྱང་སྤོང་ངོ་ཞེས་མཆི་ནས་དེའི་སླད་དུ་དགེ་འདུན་གྱིས་དགེ
145b7 སློང་ལེགས་ལྡན་ཡང་དང་ཡང་དུ་ལྟུང་བ་བགྱིད་པ་སྨད་པའི་ཕྲིན་ལས་མཛད་ལགས་པ་སློང་བར་མཛད་ན། ཚེ་དང་ལྡན་པ་གང་དག་དགེ་སློང་ལེགས་ལྡན་ཡང་དང་ཡང་དུ་ལྟུང་བ་བགྱིད་པ་སྨད་པའི་ཕྲིན་ལས་མཛད་ལགས་པ་བསླང་བར་བཟོད་པ་དེ་དག་ནི་ཅང་མ་གསུང་ཤིག།
iiif viewer powered by OpenSeadragon
