| e-texts navigator |
| Wylie |
144b1 ཀློག་པ་དང་། འདོན་པ་དང་། རྣལ་འབྱོར་དང་། ཡིད་ལ་བགྱི་བ་དང་། ནང་དུ་སེམས་ཞི་གནས་སུ་བགྱི་བ་ཤོར་བར་གྱུར་ལགས་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་ལེགས་ལྡན་ཡང་དང
144b2 ཡང་དུ་ལྟུང་བ་འབྱིན་པ་ལ་སྨད་པའི་ཕྲིན་ལས་མཛད་དོ། ། འདི་ནི་གསོལ་བའོ།། ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལེགས་ལྡན་འདི་ཡང་དང་ཡང་དུ་ལྟུང་བ་བགྱིད་དེ། ཡང་དང་ཡང་དུ་དགེ་འདུན་ལྷག་མའི་ལྟུང་བ་འབྱིན་ནས་དགེ
144b3 སློང་རྣམས་འདི་ལ་སྤོ་བ་དང་། གཞི་ནས་སྤོ་བ་དང་། མགུ་བར་བགྱི་བ་སྩལ་བ་དང་། འབྱིན་པར་མཛད་པས་བགྱི་བ་མང་ཞིང་བགྱིད་པ་པས་ལུང་ནོད་པ་དང་། ཀློག་པ་དང་། འདོན་པ་དང་། རྣལ་འབྱོར་དང་། ཡིད་ལ་བགྱི་བ་དང་། ནང་དུ་སེམས་ཞི་གནས་སུ་བགྱི
144b4 བ་ཤོར་ནས། དེའི་སླད་དུ་དགེ་འདུན་གྱིས་དགེ་སློང་ལེགས་ལྡན་ཡང་དང་ཡང་དུ་ལྟུང་བ་བགྱིད་པ་ལ་སྨད་པའི་ཕྲིན་ལས་མཛད་ན་ཚེ་དང་ལྡན་པ་གང་དག་དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ་ལ་སྨད་པའི་ཕྲིན་ལས་མཛད་པར་བཟོད་པ་དེ་དག་ནི་ཅང་མ་གསུང་ཤིག།
144b5 གང་དག་མི་བཟོད་པ་དེ་དག་ནི་གསུང་ཤིག། འདི་ནི་ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་བརྗོད་པ་གཉིས་པ་དང་། གསུམ་གྱི་བར་དུ་བརྗོད་པར་བྱའོ།། དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ་ལ
144b6 སྨད་པའི་ཕྲིན་ལས་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ།། དགེ་སློང་དག་ངས་དགེ་སློང་སྨད་པའི་ལས་བྱས་པའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་སྨད་པའི་ལས་བྱས་པས་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱ།
144b7 གནས་སྦྱིན་པར་མི་བྱ། དགེ་ཚུལ་གཞག་པར་མི་བྱ། ཞེས་བྱ་བའི་བར་གོང་མ་བཞིན་དུ་བསྡིགས་པའི་ལས་བྱས་པ་ལ་གསུངས་པ་དེ་བཞིན་དུ་བརྗོད་པར་བྱའོ།། སྨད་པའི་ལས་བྱས་པའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི
iiif viewer powered by OpenSeadragon
