| e-texts navigator |
| Wylie |
144a1 རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ་ཞིག་སྟེ། དགེ་འདུན་ལྷག་མའི་ལྟུང་བ་འབྱིན་པས་དེ་ལ་དགེ་སློང་རྣམས་ཀྱིས་སྤོ་བ་དང་། གཞི་ནས་སྤོ་བ་དང་། མགུ
144a2 བར་བྱ་བ་སྦྱིན་པ་དང་། འབྱིན་པས་བྱ་བ་མང་ཞིང་བྱེད་པ་མང་པོར་གྱུར་པས་ལུང་ནོད་པ་དང་། ཀློག་པ་དང་། འདོན་པ་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཞི་གནས་སུ་བྱ་བ་ཤོར་བར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ
144a3 གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་སྨད་པའི་ལས་བྱོས་ཤིག། རྒྱུ་ལྔས་སྨད་པའི་ལས་བྱས་ན་དེ་ནི་ཆོས་མ་ཡིན་པའི
144a4 ལས་དང་འདུལ་བ་མ་ཡིན་པའི་ལས་ཡིན་ཏེ། དེས་ན་དགེ་འདུན་ཡང་འགལ་ཚབས་ཅན་དུ་འགྱུར་རོ།། ལྔ་གང་གིས་ཞེ་ན། གླེང་བ་མ་བྱས་པ་དང་། དྲན་པར་མ་བྱས་པ་དང་། གཞི་མེད་པ་དང་། ཁས་མ་བླངས་པ་དང་། མངོན་སུམ་དུ་མ་གྱུར་པར་བྱེད་པའོ།། ཡང་རྒྱུ་ལྔས
144a5 སྨད་པའི་ལས་བྱས་ན་དེ་ནི་ཆོས་ཀྱི་ལས་དང་འདུལ་བའི་ལས་ཡིན་ཏེ། དེས་ན་དགེ་འདུན་ཡང་འགལ་ཚབས་ཅན་དུ་མི་འགྱུར་རོ།། ལྔ་གང་གིས་ཞེ་ན། གླེང་བ་བྱས་པ་དང་། དྲན་པར་བྱས་པ་དང་། གཞི་དང་བཅས་པ་དང་། ཁས་བླངས་པ་དང་། མངོན་སུམ་དུ་གྱུར་པའིའོ།།
144a6 འདི་ལྟར་ཡང་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ།། དགེ་འདུན་བཙུན་པ་རྣམས་གསན
144a7 དུ་གསོལ། དགེ་སློང་ལེགས་ལྡན་འདི་ལྟུང་བ་ཡང་དང་ཡང་དུ་བགྱིད་དེ། ཡང་དང་ཡང་དུ་དགེ་འདུན་ལྷག་མའི་ལྟུང་བ་འབྱིན་པས་དགེ་སློང་རྣམས་འདི་ལ་སྤོ་བ་དང་། གཞི་ནས་སྤོ་བ་དང་། མགུ་བ་སྩོལ་བ་དང་། འབྱིན་པ་མཛད་པས་བགྱི་བ་མང་ཞིང་བགྱིད་པ་པས་ལུང་ནོད་པ་དང
iiif viewer powered by OpenSeadragon
