| e-texts navigator |
| Wylie |
143b1 ལྟ་བུར་བགྱིད། འབྱུང་བར་བསྐྱོད། མཚུངས་པར་ཉེ་བར་སྟོན། མཚམས་ཀྱི་ནང་དུ་མཆིས་ནས་བསླང་བ་གསོལ་ཏེ། འཐབ་ཀྲོལ་བགྱིད་པ་ཉིད་ཀྱང་སྤོང་ངོ་ཞེས་མཆི་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ
143b2 འདུན་གྱིས་དགེ་སློང་དམར་སེར་ཅན་རྣམས་བསླང་བར་མཛད་དོ། ། འདི་ནི་གསོལ་བའོ།། ལས་བྱ་བ་ནི་དགེ་འདུན་བཙུན་པ་རྣམས་གསན་དུ་གསོལ། དགེ་སློང་དམར་སེར་ཅན་འདི་དག་ནི་འཐབ་ཀྲོལ་བགྱིད་པ་ཞེས་བྱ་བ་ནས་རྩོད་པའི་གཞི་བགྱིད་པའི་བར་དུ་སྟེ། དེ་དག
143b3 གིས་དགེ་འདུན་ལ་རྩོད་པའི་གཞི་སྐྱེད་དེ། དེས་ན་དགེ་འདུན་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་ཞིང་གནས་པས། དགེ་འདུན་གྱིས་འཐབ་ཀྲོལ་བགྱིད་པ་འདི་རྣམས་ལ་བསྡིགས་པའི་ཕྲིན་ལས་མཛད་ལགས་ཏེ། བསྡིགས་པའི་ཕྲིན་ལས
143b4 མཛད་ལགས་པ་འདི་རྣམས་སྐྲ་གྱེན་དུ་འགྲེང་བ་ལྟ་བུ་དང་། སྐྲ་ཞིག་པ་ལྟ་བུར་དགེ་འདུན་ལ་སྤུ་ས་ལ་ལྟུང་བ་ལྟ་བུར་བགྱིད། འབྱུང་བར་བསྐྱོད། མཚུངས་པར་ཉེ་བར་སྟོན། མཚམས་ཀྱི་ནང་དུ་མཆིས་ནས་བསླང་བ་གསོལ་ཏེ། འཐབ་ཀྲོལ་བགྱིད་པ་ཉིད་ཀྱང་སྤོང་ངོ
143b5 ཞེས་མཆི་ནས། དེའི་སླད་དུ་དགེ་འདུན་གྱིས་དགེ་སློང་དམར་སེར་ཅན་འཐབ་ཀྲོལ་བགྱིད་པ་བསྡིགས་པའི་ཕྲིན་ལས་མཛད་ལགས་པ་རྣམས་བསླང་བར་མཛད་ན་ཚེ་དང་ལྡན་པ་གང་དག་དགེ་སློང་དམར་སེར་ཅན་འཐབ་ཀྲོལ་བགྱིད་པ་བསྡིགས་པའི་ཕྲིན་ལས་མཛད་ལགས་པ
143b6 རྣམས་བསླང་བར་བཟོད་པ་དེ་དག་ནི་ཅང་མ་གསུང་ཤིག། གང་དག་མི་བཟོད་པ་དེ་དག་ནི་གསུང་ཤིག། འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལས་བརྗོད་པ་གཉིས་དང་གསུམ་གྱི་བར་དུ་བརྗོད་པར་བྱའོ།། དགེ་འདུན་གྱི་བཟོད་ཅིང་གནང་ནས་དགེ་འདུན་གྱིས་དགེ
143b7 སློང་དམར་སེར་ཅན་འཐབ་ཀྲོལ་བགྱིད་པ་བསྡིགས་པའི་ཕྲིན་ལས་མཛད་ལགས་པ་རྣམས་བསླང་བར་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ།། །། འདུལ་བ་གཞི། བམ་པོ་བདུན་བཅུ་པ། སངས་རྒྱས་བཅོམ་ལྡན་འདས
iiif viewer powered by OpenSeadragon
