| e-texts navigator |
| Wylie |
142b1 དང་། ཁ་ཟེར་བར་བྱེད་པ་དང་། དགེ་འདུན་གྱི་རྙེད་པ་མེད་པར་བྱེད་པ་དང་། གནས་མེད་པར་བརྩོན་པར་བྱེད་པ་སྟེ། ཆོས་འདི་ལྔ་དང་ཞེས་བྱ་བའི་བར་གོང་མ་བཞིན་དུའོ།། ཡང་བསྡིགས་པའི་ལས་བྱས་པ་ཆོས་ལྔ་དང་ལྡན་པ་ནི་བསླང་བར་བྱ་སྟེ། ལྔ་གང་ཞེ་ན། སྐྲ་གྱེན་དུ
142b2 འགྲེང་བ་ལྟ་བུ་དང་། སྐྲ་ཞིག་པ་ལྟ་བུ་དང་། དགེ་འདུན་ལ་སྤུ་ས་ལ་ལྟུང་བ་ལྟ་བུར་བྱེད་པ་དང་། འབྱུང་བར་བསྐྱོད་པ་དང་། མཚུངས་པར་ཉེ་བར་སྟོན་པ་དང་། མཚམས་ཀྱི་ནང་དུ་འདུག་སྟེ་བསླང་བ་གསོལ་བ་དང་། འཐབ་ཀྲོལ་བྱེད་པ་ཉིད་སྤོང་བ་སྟེ་ཆོས་འདི་ལྔ་དང་ཞེས་བྱ་བ
142b3 གོང་མ་བཞིན་དུའོ། ། གཞན་ཡང་བསྡིགས་པའི་ལས་བྱས་པ་ཆོས་ལྔ་དང་ལྡན་པ་ནི་བསླང་བར་བྱ་སྟེ། ལྔ་གང་ཞེ་ན། ཕོ་བྲང་འཁོར་དུ་མི་རྟོན་པ་དང་། བསྐོས་པ་འདུས་པའི་སར་མི་རྟོན་པ་དང་། མུ་སྟེགས་ཅན་ལ་མི་རྟོན་པ་དང་། གང་ཟག་ལ་མི་རྟོན་པ་དང་། དགེ་འདུན
142b4 ལ་རྟོན་པ་སྟེ། ཆོས་འདི་ལྔ་དང་ལྡན་པ་ནི་ཞེས་བྱ་བ་གོང་མ་བཞིན་དུའོ།། གཞན་ཡང་བསྡིགས་པའི་ལས་བྱས་པ་ཆོས་ལྔ་དང་ལྡན་པ་ནི་བསླང་བར་བྱ་སྟེ། ལྔ་གང་ཞེ་ན། ཁྱིམ་པའི་རྟགས་མི་འཆང་བ་དང་། མུ་སྟེགས་ཅན་གྱི་རྟགས་མི་འཆང་བ་དང་། མུ་སྟེགས་ཅན
142b5 ལ་མི་སྟེན་ཅིང་མི་བསྙེན་ལ་བསྙེན་བཀུར་མི་བྱེད་པ་དང་། སྤྱད་པར་བྱ་བ་སྤྱོད་པ་དང་། དགེ་སློང་གི་བསླབ་པ་ལ་སློབ་པ་སྟེ། ཆོས་འདི་ལྔ་དང་ཞེས་བྱ་བ་གོང་མ་བཞིན་དུའོ།། གཞན་ཡང་བསྡིགས་པའི་ལས་བྱས་པ་ཆོས་ལྔ་དང་ལྡན་པ་ནི་བསླང་བར་བྱ་སྟེ། ལྔ་གང་ཞེ་ན། དགེ
142b6 སློང་རྣམས་ལ་མི་གཤེ་བ་དང་། མི་ཁྲོ་བ་དང་། ཁ་མི་ཟེར་བ་དང་། དགེ་འདུན་གྱི་རྙེད་པའི་ཕྱིར་དང་། གནས་ཀྱི་ཕྱིར་བརྩོན་པ་སྟེ། ཆོས་འདི་ལྔ་དང་ཞེས་བྱ་བ་གོང་མ་བཞིན་དུའོ།། བསླང་བ་ནི་འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག
142b7 གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་། དགེ་སློང་དམར་སེར་ཅན་རྣམས་ཀྱིས་རྒན་རིམས་ཇི་ལྟ་བ་བཞིན་དུ་གདུད་པ་བྱས་ལ། རྒན་རིམས་ཀྱི་མདུན་དུ་ཙོག་ཙོག་པོར་འདུག་སྟེ་ཐལ་མོ་སྦྱར་བ་བཏུད་ནས་ཚིག
iiif viewer powered by OpenSeadragon
