| e-texts navigator |
| Wylie |
142a1 ཡང་དག་པར་བླངས་ནས་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། ། དེ་ལྟར་བསྡིགས་པའི་ལས་བྱས་པ་དེ་རྣམས་སྐྲ་གྱེན་དུ་འགྲེང་བ་ལྟ་བུ་དང་སྐྲ་ཞིག་པ་ལྟ་བུ་དགེ་འདུན་ལ་སྤུ་ས་ལ་ལྟུང་བ་ལྟ་བུར་བྱེད། འབྱུང་བར་བསྐྱོད་མཚུངས་པར་ཉེ་བར་སྟོན
142a2 ལ་མཚམས་ཀྱི་ནང་དུ་འདུག་ནས་བསླང་བ་གསོལ་ཏེ། འཐབ་ཀྲོལ་བྱེད་པ་ཉིད་སྤོང་ངོ་ཞེས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་དམར་སེར་ཅན་འཐབ་ཀྲོལ་བྱེད་པ
142a3 བསྡིགས་པའི་ལས་བྱས་པ་རྣམས་དང་གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་བསླང་བར་གྱིས་ཤིག། བསྡིགས་པའི་ལས་བྱས་པ་ཆོས་ལྔ་དང་ལྡན་པ་ནི་བསླང་བར་མི་བྱའོ།། ལྔ་གང་ཞེ་ན། སྐྲ་གྱེན་དུ་འགྲེང་བ་ལྟ་བུ་དང་། སྐྲ་ཞིག་པ་ལྟ་བུ་དང་། དགེ་འདུན་ལ་སྤུ
142a4 ས་ལ་ལྟུང་བ་ལྟ་བུར་མི་བྱེད་པ་དང་། འབྱུང་བར་མི་བསྐྱོད་པ་དང་། མཚུངས་པར་ཉེ་བར་མི་སྟོན་པ་དང་། མཚམས་ཀྱི་ནང་དུ་འདུག་སྟེ་བསླང་བ་མི་གསོལ་བ་དང་། འཐབ་ཀྲོལ་བྱེད་པ་དེ་མི་སྤོང་བ་སྟེ། ཆོས་འདི་ལྔ་དང་ལྡན་པ་ནི་ཞེས་བྱ་བ་གོང་མ་བཞིན་དུའོ།། གཞན་ཡང
142a5 བསྡིགས་པའི་ལས་བྱས་པ་ཆོས་ལྔ་དང་ལྡན་པ་ནི་བསླང་བར་མི་བྱ་སྟེ། ལྔ་གང་ཞེ་ན། ཕོ་བྲང་འཁོར་དུ་རྟོན་པ་དང་། བསྐོས་པ་འདུས་པའི་སར་རྟོན་པ་དང་། མུ་སྟེགས་ཅན་ལ་རྟོན་པ་དང་། གང་ཟག་ལ་རྟོན་པ་དང་། དགེ་འདུན་ལ་མི་རྟོན་པ་སྟེ། ཆོས་འདི་ལྔ་དང་ལྡན་པ་ནི་ཞེས
142a6 བྱ་བ་གོང་མ་བཞིན་ནོ། ། གཞན་ཡང་བསྡིགས་པའི་ལས་བྱས་པ་ཆོས་ལྔ་དང་ལྡན་པ་ནི་བསླང་བར་མི་བྱ་སྟེ། ལྔ་གང་ཞེ་ན། ཁྱིམ་པའི་རྟགས་འཆང་བ་དང་། མུ་སྟེགས་ཅན་གྱི་རྟགས་འཆང་བ་དང་། མུ་སྟེགས་ཅན་ལ་སྟེན་ཅིང་བསྙེན་ལ་བསྙེན་བཀུར་བྱེད་པ་དང་། སྤྱོད་པར
142a7 བྱ་བ་མ་ཡིན་པ་སྤྱོད་པ་དང་། དགེ་སློང་གི་བསླབ་པ་ལ་མི་སློབ་པ་སྟེ། ཆོས་འདི་ལྔ་ཞེས་བྱ་བ་གོང་མ་བཞིན་དུའོ།། གཞན་ཡང་བསྡིགས་པའི་ལས་བྱས་པ་ཆོས་ལྔ་དང་ལྡན་པ་ནི་བསླང་བར་མི་བྱ་སྟེ། ལྔ་གང་ཞེ་ན། དགེ་སློང་རྣམས་ལ་གཤེ་བར་བྱེད་པ་དང་། ཁྲོ་བར་བྱེད་པ
iiif viewer powered by OpenSeadragon
