| e-texts navigator |
| Wylie |
141a1 བཀའ་སྩལ་པ། དགེ་སློང་དག་ཁྱེད་ཀྱིས་དམར་སེར་ཅན་གྱི་དགེ་སློང་འཐབ་ཀྲོལ་བྱེད་པ། མཚང་འདྲུ་བར་བྱེད་པ། རྩོད་པར་བྱེད་པ། འགྱེད་པར་བྱེད་པ། རྩོད་པའི་གཞི་བྱེད་པ་རྣམས་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་བསྡིགས་པའི་ལས་བྱོས་ཤིག།
141a2 རྒྱུ་ལྔས་བསྡིགས་པའི་ལས་བྱས་ན་དེ་ནི་ཆོས་མ་ཡིན་པའི་ལས་དང་། འདུལ་བ་མ་ཡིན་པའི་ལས་ཡིན་ཏེ། དེས་ནི་དགེ་འདུན་ཡང་འགལ་ཚབས་ཅན་དུ་འགྱུར་རོ།། ལྔ་གང་གིས་ཞེ་ན། གླེང་བ་མ་བྱས་པ་དང་། དྲན་པར་མ་བྱས་པ་དང་། གཞི་མེད་པ་དང་། ཁས་མ་བླངས་པ་དང་།
141a3 མངོན་སུམ་དུ་མ་གྱུར་པར་བྱེད་པའོ།། ཡང་རྒྱུ་ལྔས་བསྡིགས་པའི་ལས་བྱས་ན་དེ་ནི་ཆོས་ཀྱི་ལས་དང་འདུལ་བའི་ལས་ཡིན་ཏེ། དེས་ན་དགེ་འདུན་ཡང་འགལ་ཚབས་ཅན་དུ་མི་འགྱུར་རོ།། ལྔ་གང་གིས་ཞེ་ན། གླེང་བ་བྱས་པ་དང་། དྲན་པར་བྱས་པ་དང་། གཞི་དང་བཅས་པ་དང་།
141a4 ཁས་བླངས་པ་དང་། མངོན་སུམ་དུ་གྱུར་པར་བྱེད་པའོ།། འདི་ལྟར་ཡང་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་། དགེ་སློང་གཅིག་གིས་གསོལ
141a5 བ་བྱས་ཏེ་ལས་བྱའོ། ། དགེ་འདུན་བཙུན་པ་རྣམས་གསན་དུ་གསོལ།། དགེ་སློང་དམར་སེར་ཅན་འདི་དག་ནི་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་དག་ལགས་ཏེ། འདི་དག་གིས་དགེ་འདུན་ལ་ཡང་དང
141a6 ཡང་དུ་རྩོད་པའི་གཞི་སྐྱེད་པར་བགྱིད་དེ། དེས་ན་དགེ་འདུན་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་ཞིང་གནས་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་དམར་སེར་ཅན་འཐབ
141a7 ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་རྣམས་ལ་བསྡིགས་པའི་ཕྲིན་ལས་མཛད་དོ།། འདི་ནི་གསོལ་བའོ།། དེ་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་དམར་སེར་ཅན་འདི
iiif viewer powered by OpenSeadragon
