| e-texts navigator |
| Wylie |
140a1 མགུ་བར་བྱ་བ་དང་མི་འབྱིན་པ་ཞེས་བྱ་བའི་བར་ནི་ཆོས་མ་ཡིན་པའི་ལས་ཏེ་གོང་མ་བཞིན་ནོ། ། དབྱུང་བར་འོས་པ་ལ་དབྱུང་བ་ཉིད་བྱེད་ཀྱི་མངོན་སུམ་གྱིས་འདུལ་བ་སྦྱིན་པ་མ་ཡིན་ཞེས་བྱ་བ་ནས། མགུ་བར་བྱ་བ་མ་ཡིན་ཞེས་བྱ་བའི་བར་ནི་ཆོས་ཀྱི་ལས་ཏེ་གོང་མ་བཞིན་ནོ།།
140a2 དེ་བཞིན་དུ་རེ་རེས་མགོ་བཟུང་ནས་འཁོར་ལོ་བཞིན་དུ་བསྒྲེ་བ་རྒྱས་པར་ཁོང་དུ་ཆུད་པར་བྱའོ།། །། སྡོམ་ལ། མི་མཐུན་མཐུན་དང་འོས་པ་དང་།། ཆོས་དང་ཆོས་མིན་གནས་ནས་འབྱིན།། བསླང་བ་ཉིད་དེ་འདི་དག་ནི།། ལས་ཀྱི་གཞིར་ནི་བསྡུས་པ་ཡིན།། མི་མཐུན་པའི་ལས་དང་མཐུན་པའི
140a3 ལས་སོ། ། མི་མཐུན་པའི་ལས་གང་ཞེ་ན། མཚམས་ན་གནས་པའི་དགེ་སློང་བྱ་བར་འོས་པ་ཇི་སྙེད་པ་ཐམས་ཅད་མ་འདུས་ཤིང་མངོན་སུམ་དུ་མ་གྱུར་པ་དང་། འདུན་པ་བླང་བར་འོས་པ་རྣམས་ལས་འདུན་པ་མ་བླངས་པར་གྱུར་པ་དང་། དགེ་སློང་རྣམས་འདུས་ཤིང་མངོན་སུམ་དུ་གྱུར་ཀྱང་མི
140a4 བཏུབ་ཅིང་ཕྱིར་འདོང་བ་གང་དག་གི་གཤེ་བ་འོས་པ་རྣམས་མི་བཏུབ་ཅིང་ཕྱིར་དོང་བ་ལས་དག་བྱེད་ན་འདི་ནི་མི་མཐུན་པའི་ལས་ཞེས་བྱའོ། ། མཐུན་པའི་ལས་གང་ཞེ་ན། མཚམས་ན་གནས་པའི་དགེ་སློང་བྱ་བར་འོས་པ་ཇི་སྙེད་པ་ཐམས་ཅད་འདུས་ཤིང་མངོན་སུམ་དུ་གྱུར་པ་དང་། འདུན
140a5 པ་བླང་བར་འོས་པ་རྣམས་ལས་འདུན་པ་བླང་བར་གྱུར་པ་དང་། དགེ་སློང་རྣམས་འདུས་ཤིང་མངོན་སུམ་དུ་གྱུར་ཀྱང་མི་བཏུབ་ཅིང་ཕྱིར་འདོང་བ་གང་དག་གཤེ་བ་འོས་པ་རྣམས་བཏུབ་ཅིང་མི་གཤེ་བ་ལས་དག་བྱེད་པ་འདི་ནི་མཐུན་པའི་ལས་ཞེས་བྱའོ།། སངས་རྒྱས་བཅོམ་ལྡན་འདས་ལ་ཚེ
140a6 དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་དུ་ཞིག་གི་གཤེ་བ་མི་འོས་པ་ལགས། ཉེ་བ་འཁོར་བཅུ་སྟེ། ངོ་ཚ་མེད་པ་དང་། ཀླན་ཀ་ཚོལ་བ་དང་། བུས་པ་དང་། བླུན་པོ་དང་། མི་གསལ་བ་དང་། མི་མཁས་པ་དང་། མཚམས་ཀྱི་ཕྱི་རོལ་ན་གནས་པ་དང་། བར་སྣང་ལ་གནས
140a7 པ་དང་། སྤྱོད་ལམ་ལས་ལྡང་བ་དང་། ཚིག་མ་བསྡམས་པའིའོ།། བཙུན་པ་དུ་ཞིག་གི་གཤེ་བ་འོས་པ་ལགས། ཉེ་བ་འཁོར་བཞི་སྟེ་རང་བཞིན་དུ་གནས་པ་དང་། མཚམས་ཀྱི་ནང་ན་གནས་པ་དང་། སྤྱོད་ལམ་ལས་མ་ལངས་པ་དང་། ཚིག་བསྡམས་པའི་འོ།། སངས་རྒྱས
iiif viewer powered by OpenSeadragon
