| e-texts navigator |
| Wylie |
139b1 བྱེད་པ་ནི་ཆོས་ཀྱི་ལས་ཏེ་གོང་མ་བཞིན་ནོ། ། སྤང་བར་འོས་པའི་ལས་ལ་མ་མཐོང་བས་གནས་ནས་དབྱུང་བའི་ལས་བྱེད་པ་ནི་ཆོས་མ་ཡིན་པའི་ལས་ཏེ་གོང་མ་བཞིན་ནོ།། སྤང་བར་འོས་པའི་ལས་ལ་སྤང་བ་ཉིད་ཀྱི་ལས་བྱེད་པ་ནི་ཆོས་ཀྱི་ལས་ཏེ་གོང་མ་བཞིན་ནོ།། མ་མཐོང་བས་གནས་ནས་དབྱུང
139b2 བར་འོས་པའི་ལས་ལ་ཕྱིར་མི་བྱེད་པས་གནས་ནས་དབྱུང་བའི་ལས་བྱེད་པ་ནི་ཆོས་མ་ཡིན་པའི་ལས་ཏེ་གོང་མ་བཞིན་ནོ། ། མ་མཐོང་བས་གནས་ནས་དབྱུང་བར་འོས་པའི་ལས་ལ་མ་མཐོང་བས་གནས་ནས་དབྱུང་བ་ཉིད་ཀྱི་ལས་བྱེད་པ་ནི་ཆོས་ཀྱི་ལས་ཏེ་གོང་མ་བཞིན་ནོ།། ཕྱིར་མི་བྱེད་པས་གནས
139b3 ནས་དབྱུང་བར་འོས་པའི་ལས་ལ་སྡིག་པ་ཅན་གྱི་ལྟ་བར་སོང་བ་མ་སྤངས་པས་གནས་ནས་དབྱུང་བའི་ལས་བྱེད་པ་ནི་ཆོས་མ་ཡིན་པའི་ལས་ཏེ་གོང་མ་བཞིན་ནོ། ། ཕྱིར་མི་བྱེད་པས་གནས་ནས་དབྱུང་བར་འོས་པའི་ལས་ལ་ཕྱིར་མི་བྱེད་པས་གནས་ནས་དབྱུང་བ་ཉིད་ཀྱི་ལས་བྱེད་པ་ནི་ཆོས་ཀྱི་ལས་ཏེ
139b4 གོང་མ་བཞིན་ནོ། ། སྡིག་པའི་ལྟ་བར་སོང་བ་མ་སྤངས་པས་གནས་ནས་དབྱུང་བར་འོས་པའི་ལས་ལ་སྤོ་བ་སྦྱིན་པ་ནི་ཆོས་མ་ཡིན་པའི་ལས་ཏེ་གོང་མ་བཞིན་ནོ།། སྡིག་པའི་ལྟ་བར་སོང་བ་མ་སྤངས་པས་གནས་ནས་དབྱུང་བར་འོས་པའི་ལས་ལ་སྡིག་པའི་ལྟ་བར་སོང་བ་མ་སྤངས་པས་གནས
139b5 ནས་དབྱུང་བ་ཉིད་ཀྱི་ལས་བྱེད་པ་ནི་ཆོས་ཀྱི་ལས་ཏེ་གོང་མ་བཞིན་ནོ། ། སྤོ་བར་འོས་པའི་ལས་ལ་གཞི་ནས་སྤོ་བ་སྦྱིན་པ་ནི་ཆོས་མ་ཡིན་པའི་ལས་ཏེ་གོང་མ་བཞིན་ནོ།། སྤོ་བར་འོས་པའི་ལས་ལ་སྤོ་བ་ཉིད་སྦྱིན་པ་ནི་ཆོས་ཀྱི་ལས་ཏེ་གོང་མ་བཞིན་ནོ།། གཞི་ནས་སྤོ་བར་འོས་པའི་ལས་ལ
139b6 གཞི་ནས་བསླང་སྟེ་སྤོ་བ་སྦྱིན་པ་ནི་ཆོས་མ་ཡིན་པའི་ལས་ཏེ་གོང་མ་བཞིན་ནོ། ། གཞི་ནས་སྤོ་བར་འོས་པའི་ལས་ལ་གཞི་ནས་སྤོ་བ་ཉིད་སྦྱིན་པ་ནི་ཆོས་ཀྱི་ལས་ཏེ་གོང་མ་བཞིན་ནོ།། སྤོ་བ་མ་སྤྱད་པ་ལ་མགུ་བར་བྱ་བ་སྦྱིན་པ་ནི་ཆོས་མ་ཡིན་པའི་ལས་ཏེ་གོང་མ་བཞིན་ནོ།། སྤོ་བ་སྤྱད་པ་ལ
139b7 མགུ་བར་བྱ་བ་སྦྱིན་པ་ནི་ཆོས་ཀྱི་ལས་ཏེ་གོང་མ་བཞིན་ནོ། ། མགུ་བར་བྱ་བ་མ་སྤྱད་པ་ལ་འབྱིན་པ་ནི་ཆོས་མ་ཡིན་པའི་ལས་ཏེ་གོང་མ་བཞིན་ནོ།། མགུ་བར་བྱ་བ་སྤྱད་པ་ལ་འབྱིན་པ་ནི་ཆོས་ཀྱི་ལས་ཏེ་གོང་མ་བཞིན་ནོ།། དབྱུང་བར་འོས་པ་ལ་མངོན་སུམ་གྱིས་འདུལ་བ་སྦྱིན་པ་ནི་ཞེས་བྱ་བ་ནས
iiif viewer powered by OpenSeadragon
