| e-texts navigator |
| Wylie |
139a1 འདུལ་བར་འོས་པ་ལ་དེའི་ངོ་བོ་ཉིད་ཚོལ་དུ་གཞུག་པ་སྦྱིན་པ་ནི་ཆོས་མ་ཡིན་པའི་ལས་སོ། ། དེ་བཞིན་དུ་གང་ཚུལ་ཤིང་མང་པོ་སྦྱིན་པ་ཞེས་བྱ་བ་ནས། མངོན་སུམ་གྱིས་འདུལ་བ་དང་དྲན་པས་འདུལ་བའི་བར་སྦྱིན་པ་ནི་ཆོས་མ་ཡིན་པའི་ལས་སོ།། མ་མྱོས་པས་འདུལ་བར་འོས་པ་ལ་མ
139a2 མྱོས་པས་འདུལ་བ་ཉིད་སྦྱིན་གྱི་དེའི་ངོ་བོ་ཉིད་ཚོལ་དུ་གཞུག་པ་མ་ཡིན་ཞེས་བྱ་བ་ནས། དྲན་པས་འདུལ་བ་མ་ཡིན་ཞེས་བྱ་བའི་བར་ཆོས་ཀྱི་ལས་སོ།། དེའི་ངོ་བོ་ཉིད་ཚོལ་དུ་གཞུག་པར་འོས་པ་ལ་གང་ཚུལ་ཤིང་མང་པོ་སྦྱིན་པ་ནི་ཆོས་མ་ཡིན་པའི་ལས་སོ།། བསྡིགས་པ་ཞེས་བྱ་བ་ནས་མ་མྱོས
139a3 པས་འདུལ་བ་སྦྱིན་པ་ནི་ཞེས་བྱ་བའི་བར་གོང་མ་བཞིན་དུ་སྟེ། ཆོས་མ་ཡིན་པའི་ལས་སོ།། དེའི་ངོ་བོ་ཉིད་ཚོལ་དུ་གཞུག་པར་འོས་པ་ལ་དེའི་ངོ་བོ་ཉིད་ཚོལ་དུ་གཞུག་པ་ཉིད་སྦྱིན་གྱི་གང་ཚུལ་ཤིང་མང་པོ་སྦྱིན་པ་མ་ཡིན་ཞེས་བྱ་བ་ནས། མ་མྱོས་པས་འདུལ་བ་མ་ཡིན་པ་ཞེས་བྱ་བའི་བར་ནི
139a4 ཆོས་ཀྱི་ལས་སོ། ། གང་ཚུལ་ཤིང་མང་པོ་སྦྱིན་པར་འོས་པ་ལ་བསྡིགས་པའི་ལས་བྱེད་པ་ནི་ཆོས་མ་ཡིན་པའི་ལས་སོ།། སྨད་པ་ཞེས་བྱ་བ་ནས་དེའི་ངོ་བོ་ཉིད་ཚོལ་དུ་གཞུག་པ་ནི་ཞེས་བྱ་བའི་བར་གོང་མ་བཞིན་དུ་སྟེ། ཆོས་མ་ཡིན་པའི་ལས་སོ།། གང་ཚུལ་ཤིང་མང་པོ་སྦྱིན་པར་འོས་པ
139a5 ལ་གང་ཚུལ་ཤིང་མང་པོ་ཉིད་སྦྱིན་གྱི་བསྡིགས་པ་མ་ཡིན་ཞེས་བྱ་བ་ནས། དེའི་ངོ་བོ་ཉིད་ཚོལ་དུ་གཞུག་པ་མ་ཡིན་ཞེས་བྱ་བའི་བར་ནི་ཆོས་ཀྱི་ལས་སོ།། བསྡིགས་པར་འོས་པའི་ལས་ལ་སྨད་པའི་ལས་བྱེད་པ་དང་སྤང་བའི་ལས་སོང་ཞེས་བྱ་བ་ནས། གང་ཚུལ་ཤིང་མང་པོ་སྦྱིན་པར་བྱེད་པ་ནི
139a6 ཞེས་བྱ་བའི་བར་གོང་མ་བཞིན་དུ་སྟེ། ཆོས་མ་ཡིན་པའི་ལས་སོ།། བསྡིགས་པར་འོས་པའི་ལས་ལ་བསྡིགས་པ་ཉིད་ཀྱི་ལས་བྱེད་ཀྱི་ལྷག་མ་གཞན་མ་ཡིན་པ་སྟེ། བསྒྲེ་བ་འདིས་འཁོར་ལོ་བཞིན་དུ་བསྒྲེ་བ་ནི་ཆོས་ཀྱི་ལས་སོ།། སྨད་པར་འོས་པའི་ལས་ལ་སྤང་བའི་ལས་བྱེད་པ་ནི་ཆོས་མ
139a7 ཡིན་པའི་ལས་སོ་ཞེས་བྱ་བ་གོང་མ་བཞིན་ནོ། ། སྨད་པར་འོས་པའི་ལས་ལ་སྨད་པའི་ལས་ཉིད་བྱེད་པ་ནི་ཆོས་ཀྱི་ལས་ཏེ་གོང་མ་བཞིན་ནོ།། བསྐྲད་པར་འོས་པའི་ལས་ལ་སྤང་བའི་ལས་བྱེད་པ་ནི་ཆོས་མ་ཡིན་པའི་ལས་ཏེ་གོང་མ་བཞིན་ནོ།། བསྐྲད་པར་འོས་པའི་ལས་ལ་བསྐྲད་པའི་ལས་ཉིད
iiif viewer powered by OpenSeadragon
