| e-texts navigator |
| Wylie |
138b1 བ་དང་བཞིའི་ལས་ལ་གསོལ་བ་བྱས་ནས་ལན་གསུམ་དུ་རྗེས་སུ་སྒྲོགས་པར་བྱེད་པ་ནི་ཆོས་ཀྱི་ལས་སོ། ། ལས་གཞན་གྱིས་གསོལ་བ་བྱས་ལ་གཞན་གྱིས་རྫོགས་པར་བྱེད་པ་ནི་ཆོས་མ་ཡིན་པའི་ལས་སོ།། ལས་དེ་ཉིད་ཀྱིས་གསོལ་བ་བྱས་ནས་རྫོགས་པར་བྱེད་པ་ནི་ཆོས་ཀྱི་ལས་སོ།། མངོན
138b2 སུམ་དུ་བྱ་བའི་ལས་མངོན་སུམ་པ་མ་ཡིན་པ་ལ་བྱེད་པ་ནི་ཆོས་མ་ཡིན་པའི་ལས་སོ། ། མངོན་སུམ་དུ་བྱ་བའི་ལས་མངོན་སུམ་པ་ལ་བྱེད་པ་ནི་ཆོས་ཀྱི་ལས་སོ།། ཁས་བླང་བར་བྱ་བའི་ལས་ཁས་མི་ལེན་པར་བྱེད་པ་ནི་ཆོས་མ་ཡིན་པའི་ལས་སོ།། ཁས་བླང་བར་བྱ་བའི་ལས་ཁས་ལེན
138b3 པར་བྱེད་པ་ནི་ཆོས་ཀྱི་ལས་སོ། ། མངོན་སུམ་གྱིས་འདུལ་བར་འོས་པ་ལ་དྲན་པས་འདུལ་བ་སྦྱིན་པ་ནི་ཆོས་མ་ཡིན་པའི་ལས་སོ།། མ་མྱོས་པས་འདུལ་བ་དང་། དེའི་ངོ་བོ་ཉིད་ཚོལ་དུ་གཞུག་པ་དང་། གང་ཚུལ་ཤིང་མང་པོ་བྲིམ་པ་དང་། ཁས་བླང་བར་འོས་པ་དང་། རྩཝ་བཀྲམ་པ་ལྟ་བུ
138b4 དང་། བསྡིགས་པ་དང་། སྨད་པ་དང་། བསྐྲད་པ་དང་། སྤང་བ་དང་། མ་མཐོང་བས་གནས་ནས་དབྱུང་བ་དང་། ཕྱིར་མི་བྱེད་པས་གནས་ནས་དབྱུང་བ་དང་། སྡིག་པའི་ལྟ་བར་སོང་བ་མ་སྤངས་པས་གནས་ནས་དབྱུང་པའི་ལས་དང་། སྤོ་བ་དང་། གཞི་ནས་སྤོ་བ་དང་། ཡང་གཞི་ནས་བསླང
138b5 སྟེ་སྤོ་བ་དང་། མགུ་བར་བྱ་བ་དང་། གཞི་ནས་མགུ་བར་བྱ་བ་དང་། ཡང་གཞི་ནས་བསླང་སྟེ་མགུ་བར་བྱ་བ་དང་འབྱིན་པར་བྱེད་པ་ནི་ཆོས་མ་ཡིན་པའི་ལས་སོ།། མངོན་སུམ་གྱིས་འདུལ་བར་འོས་པ་ལ་མངོན་སུམ་གྱིས་འདུལ་བ་ཉིད་སྦྱིན་གྱི་དྲན་པས་འདུལ་བ་མ་ཡིན་པ་དང་ཞེས་བྱ་བ་ནས།
138b6 འབྱིན་པར་བྱེད་པ་མ་ཡིན་པ་ཞེས་བྱ་བའི་བར་དུ་ཆོས་ཀྱི་ལས་སོ།། དྲན་པས་འདུལ་བར་འོས་པ་ལ་མ་མྱོས་པས་འདུལ་བ་སྦྱིན་པ་ནི་ཆོས་མ་ཡིན་པའི་ལས་སོ།། དེའི་ངོ་བོ་ཉིད་ཚོལ་དུ་གཞུག་པ་དང་ཞེས་བྱ་བ་ནས་འབྱིན་པར་བྱེད་པ་ཞེས་བྱ་བའི་བར་གོང་མ་བཞིན་དུ་སྟེ། མངོན་སུམ་གྱིས
138b7 འདུལ་བ་སྦྱིན་པ་ནི་ཆོས་མ་ཡིན་པའི་ལས་སོ། ། དྲན་པས་འདུལ་བར་འོས་པ་ལ་དྲན་པས་འདུལ་བ་ཉིད་སྦྱིན་གྱི་མ་མྱོས་པས་འདུལ་བ་མ་ཡིན། དེའི་ངོ་བོ་ཉིད་ཚོལ་དུ་གཞུག་པ་མ་ཡིན་ཞེས་བྱ་བ་ནས། མངོན་སུམ་གྱིས་འདུལ་བ་མ་ཡིན་པ་ཞེས་བྱ་བའི་བར་ནི་ཆོས་ཀྱི་ལས་སོ།། མ་མྱོས་པས
iiif viewer powered by OpenSeadragon
