| e-texts navigator |
| Wylie |
136b1 དང་། ཆོས་ཀྱིས་མི་མཐུན་པ་མི་བྱའོ།། བྱེད་ན་འགལ་ཚབས་ཅན་དུ་འགྱུར་རོ།། །། སྡོམ་ལ། གཅིག་གིས་གཅིག་མིན་གཉིས་མིན་ཏེ།། མང་པོ་རྣམས་ཀྱི་བྱ་བ་མིན།། ཚོགས་ཀྱིས་ཚོགས་ཀྱི་ལས་མིན་ཏེ།། དགེ་འདུན་ལྔ་ནི་ལས་ལ་དབང་།། སངས་རྒྱས་བཅོམ་ལྡན་འདས་ཙམ
136b2 པའི་དྲང་སྲོང་གར་གའི་རྫིང་འགྲམ་ན་བཞུགས་སོ། ། དེའི་ཚེ་དགེ་སློང་དྲུག་སྡེ་རྣམས་ཆོས་མ་ཡིན་པའི་ལས་འདི་ལྟ་བུ་དག་བྱེད་དེ། འདི་ལྟ་སྟེ། གཅིག་གིས་གཅིག་གི་དང་། གཅིག་གིས་གཉིས་ཀྱི་དང་། གཅིག་གིས་མང་པོའི་དང་། གཉིས་ཀྱིས་གཉིས་ཀྱི་དང་། གཉིས་ཀྱིས
136b3 གཅིག་གི་དང་། གཉིས་ཀྱིས་མང་པོའི་དང་། མང་པོས་གཅིག་གི་དང་། མང་པོས་གཉིས་ཀྱི་དང་། ཚོགས་ཀྱིས་ཚོགས་ཀྱི་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གཅིག་གིས་གཅིག་གི་ལས་མི
136b4 བྱ་སྟེ། གཅིག་གིས་གཉིས་ཀྱི་མ་ཡིན། གཅིག་གིས་མང་པོའི་མ་ཡིན། གཉིས་ཀྱིས་གཉིས་ཀྱི་མ་ཡིན། གཉིས་ཀྱིས་གཅིག་གི་མ་ཡིན། གཉིས་ཀྱིས་མང་པོའི་མ་ཡིན། མང་པོས་མང་པོའི་མ་ཡིན། མང་པོས་གཅིག་གི་མ་ཡིན། མང་པོས་གཉིས་ཀྱི་མ་ཡིན་ཏེ། ཚོགས་ཀྱིས
136b5 ཚོགས་ཀྱི་མི་བྱའོ། ། བྱེད་ན་འགལ་ཚབས་ཅན་དུ་འགྱུར་རོ།། དགེ་སློང་དག་འོན་ཀྱང་ལས་ལ་དབང་བའི་དགེ་འདུན་ལྔ་ཡོད་དེ། ལྔ་གང་ཞེ་ན། དགེ་སློང་བཞིའི་དགེ་འདུན་དང་། དགེ་སློང་ལྔའི་དགེ་འདུན་དང་། དགེ་སློང་བཅུའི་དགེ་འདུན་དང་། དགེ་སློང་ཉི་ཤུའི་དགེ་འདུན་དང་། ལྷག་པའི
136b6 དགེ་འདུན་ནོ། ། གང་ན་དགེ་སློང་བཞི་གནས་པ་དེ་ན་དགེ་འདུན་གྱིས་ཆོས་ཀྱི་ལས་བྱ་བ་ཐམས་ཅད་རུང་སྟེ། ལྔའི་དགག་དབྱེ་དང་། བཅུའི་བསྙེན་པར་རྫོགས་པ་དང་། ཉི་ཤུའི་དབྱུང་བ་ནི་མ་གཏོགས་སོ།། གང་ན་དགེ་སློང་ལྔ་གནས་པ་དེ་ན་དགེ་འདུན་གྱིས་ལས་བྱ་བ་ཐམས་ཅད་རུང་སྟེ།
136b7 བཅུའི་བསྙེན་པར་རྫོགས་པ་དང་། ཉི་ཤུའི་དབྱུང་བ་ནི་མ་གཏོགས་སོ།། གང་ན་དགེ་སློང་བཅུ་གནས་པ་དེ་ན་དགེ་འདུན་གྱི་ལས་བྱ་བ་ཐམས་ཅད་རུང་སྟེ། ཉི་ཤུའི་དབྱུང་བ་ནི་མ་གཏོགས་སོ།། གང་ན་དགེ་སློང་ཉི་ཤུའམ་ལྷག་པར་གནས་པ་དེ་ན་དགེ་འདུན་གྱིས་ཆོས་ཀྱི་ལས་བྱ་བ་ཐམས་ཅད་རུང
iiif viewer powered by OpenSeadragon
