| e-texts navigator |
| Wylie |
136a1 ཁྱིམ་བདག་རྣམས་དད་པར་བྱ་བ་ནི་དཀའ་ལ། མ་དད་པར་འགྱུར་བ་ནི་བླ་ལ། གལ་ཏེ་འདུག་ན་གནས་པའི་གྲོང་ཁྱེར་གྱི་བྲམ་ཟེ་དང་ཁྱིམ་བདག་རྣམས་དད་པ་མ་ཡིན་པ་སྐྱེ་བར་འགྱུར་བས་བདག་ནི་རྣམ་པ་ཐམས་ཅད་དུ་འགྲོ་བར་བྱའོ་སྙམ་ནས། དེས་ལྷུང་བཟེད་དང་ཆོས་གོས་ཁྱེར་ཏེ
136a2 མཉན་ཡོད་གང་ན་བ་དེར་རྒྱུ་ཞིང་སོང་སྟེ། རིམ་གྱིས་རྒྱུ་ཞིང་སོང་བ་ལས་མཉན་ཡོད་དུ་ཕྱིན་པ་དང་དེ་དགེ་སློང་རྣམས་ཀྱིས་མཐོང་ནས་སྨྲས་པ། ཚེ་དང་ལྡན་པ་སྡེ་འཇོམས་འོངས་པ་ལེགས་སོ་འོངས་པ་ལེགས་སོ།། ཁྱོད་ངོ་མཐོང་བ་ནི་བདག་ཅག་དགའ་ན་འོངས་པ་ནི་མ་ཡིན་ནོ།། ཅིའི་ཕྱིར
136a3 ཁྱོད་ལ་བརྟེན་ནས་གནས་པའི་གྲོང་ཁྱེར་གྱི་བྲམ་ཟེ་དང་ཁྱིམ་བདག་རྣམས་སངས་རྒྱས་དང་། ཆོས་དང་། དགེ་འདུན་ལ་བྱ་བ་བྱེད་ལ། དགེ་སློང་གློ་བུར་བ་གང་དག་ལྷགས་པ་དེ་རྣམས་ཀྱང་གནས་པའི་གྲོང་ཁྱེར་དུ་རྟེན་ཏོ།། དེ་ནི་བདེན་ན་བདག་ལ་དྲུག་སྡེ་རྣམས་ཀྱིས་གླེང་བ་མ་བྱས། དྲན
136a4 པར་མ་བྱས་ཤིང་ཁས་བླངས་པ་མེད་པར་ནན་གྱིས་གཞི་མེད་པའི་གནས་ནས་དབྱུང་བའི་ལས་བྱས་སོ། ། ཅིའི་ཕྱིར་དེས་ཇི་ལྟར་གྱུར་པ་རྣམས་སྨྲས་པ་དང་དེ་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ
136a5 པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་དེང་ཕྱིན་ཆད་དགེ་སློང་གིས་གླེང་བ་མ་བྱས།། དྲན་པར་མ་བྱས་ཤིང་ཁས་བླངས་པ་མེད་པར་ནན་གྱིས་གཞི་མེད་པའི་གནས་ནས་དབྱུང་བའི་ལས་མི་བྱའོ།། བྱེད་ན་འགལ་ཚབས་ཅན་དུ་འགྱུར་རོ།། སངས་རྒྱས
136a6 བཅོམ་ལྡན་འདས་ཙམ་པའི་དྲང་སྲོང་གར་གའི་རྫིང་གི་འགྲམ་ན་བཞུགས་སོ། ། དེའི་ཚེ་དགེ་སློང་དྲུག་སྡེ་རྣམས་ཆོས་མ་ཡིན་པའི་ལས་འདི་ལྟ་བུ་དག་བྱེད་དེ། འདི་ལྟ་སྟེ་ཆོས་མ་ཡིན་པས་མི་མཐུན་པར་བྱེད་པ་དང་། ཆོས་མ་ཡིན་པས་མཐུན་པར་བྱེད་པ་དང་། ཆོས་ཀྱིས་མི་མཐུན
136a7 པར་བྱེད་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་རྣམས་ཀྱིས་ཆོས་མ་ཡིན་པའི་ལས་འདི་ལྟ་བུ་བྱེད་པ་འདི་ལྟ་སྟེ། ཆོས་མ་ཡིན་པས་མཐུན་པ་དང་། ཆོས་མ་ཡིན་པས་མི་མཐུན་པ
iiif viewer powered by OpenSeadragon
